سۋىق اعىس ەلىمىزدىڭ كوپ ءبولىم وڭىرلەرىنە ىقپال جاسايدى
شينجياڭ، گانسۋ، ىشكى موڭعۇل قاتارلى جەرلەردە شاڭ – توزاڭدى اۋا رايى تۋىلادى
2024.03.15 15:54 كەلۋ قاينارى : حالىق تورابى
3 – ايدىڭ 15 – كۇنىنەن 18 – كۇنىنە دەيىن، سۋىق اعىس ەلىمىزدىڭ كوپ ءبولىم جەرىنە ىقپال جاسايدى، اۋا تەمپەراتۋراسى جاپپاي 4 ~ 8 گرادۋس تومەندەيدى، ءىشىنارا جەرلەردە 10 گرادۋس تومەندەيدى، سولتۇستىكتەگى وڭىرلەردە قيىس سولتۇستىكتەن 4 ~ 6 بال جەل سوعادى، مەزەتتىك جەل كۇشى 7 ~ 9 بالعا جەتەدى، شينجياڭداعى جەل وتتەرىندە جەل كۇشى 10 ~ 11 بالعا جەتەدى. 3 – ايدىڭ 15 – كۇنىنەن 16 – كۇنىنە دەيىن نەگىزىنەن شينجياڭعا، باتىس سولتۇستىكتەگى وڭىرلەرگە، سولتۇستىك جۇڭگونىڭ سولتۇستىك بولىگىنە جانە شىعىس سولتۇستىكتەگى وڭىرلەرگە ىقپال جاسايدى، 3 – ايدىڭ 17 – كۇنىنەن 18 – كۇنىنە دەيىن شىعىس سولتۇستىك جۇڭگونىڭ ورتا – وڭتۇستىك بولىگىنە جانە وڭتۇستىگىندەگى وڭىرلەرگە ىقپال جاسايدى.
سۋىق اعىستىڭ ىقپالىنا ۇشىرايتىندىقتان، 3 – ايدىڭ 15 – كۇنىنەن 17 – كۇنىنە دەيىن، باتىس سولتۇستىكتەگى وڭىرلەردىڭ كوپ بولىگىندە، سولتۇستىك جۇڭگو قاتارلى جەرلەردە ءبىر رەت شاڭ – توزاڭدى اۋا رايى تۋىلادى. مۇندا، 3 – ايدىڭ 15 – كۇنى ساعات 8 دەن 3 – ايدىڭ 16 – كۇنى ساعات 8 گە دەيىن، شينجياڭنىڭ شىعىس بولىگى مەن وڭتۇستىك بولىگى، ىشكى موڭعۇلدىڭ باتىس بولىگى، چيڭحايدىڭ باتىس – سولتۇستىك بولىگى، گانسۋدىڭ ورتا – باتىس بولىگى، نيڭشيا، شانشيدىڭ سولتۇستىك بولىگى قاتارلى جەرلەردىڭ ءىشىنارا وڭىرلەرىندە بوز بوران سوعادى نەمەسە شاڭ – توزاڭ ۇيىتقيدى، ىشكى موڭعۇلدىڭ باتىس بولىگىنىڭ، گانسۋدىڭ ورتا بولىگىنىڭ ءىشىنارا جەرلەرىندە قۇمدى بوران سوعادى. ورتالىق اۋا رايى ستانسياسى 3 – ايدىڭ 15 – كۇنى ساعات 6 دا قۇمدى بوراننان ساقتانۋدىڭ كوك ءتۇستى ساقتىق سەگنالىن تاعى جاريالادى.
3 – ايدىڭ 15 – كۇنى، شينجياڭنىڭ سولتۇستىك بولىگىندە جاڭبىر ارالاس قار جاۋادى، مۇندا تيانشان تاۋى بەلدەۋىندە ورتاشا نەمەسە قالىڭ قار جاۋادى؛ 3 – ايدىڭ 15 – كۇنى تۇننەن 3 – ايدىڭ 16 – كۇنىنە دەيىن، ىشكى موڭعۇلدىڭ ورتا – شىعىس بولىگى، جيلين، حەيلۇڭجياڭ قاتارلى جەرلەردە از مولشەردەن ورتاشا مولشەرگە دەيىن قار جاۋادى نەمەسە قار ارالاس جاڭبىر جاۋادى، ءىشىنارا جەرلەردە قالىڭ قار نەمەسە ەرەكشە قالىڭ قار جاۋادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
