اۋىل شارۋاشىلىعى جانە اۋىل – قىستاق مينيسترلىگى قاتاڭ مالىمدەمە جاريالادى
2024.03.15 15:55 كەلۋ قاينارى : حالىق تورابى
3 – ايدىڭ 13 – كۇنى، اۋىل شارۋاشىلىعى جانە اۋىل – قىستاق مينيسترلىگىنىڭ تورابى قاتاڭ مالىمدەمە جاريالادى.
جۋىردا لي گوشيڭ، ياڭ باۋلين قاتارلى سالاۋاتى بەلگىسىز 23 ادام ”ورتالىق كوميتەتتىڭ اۋىل – قىستاق قىزمەتى كەڭسەسىنىڭ، مەملەكەتتىك اۋىل شارۋاشىلىعى جانە اۋىل – قىستاق مينيسترلىگىنىڭ جۇڭگو اۋىل – قىستاقتى گۇلدەندىرۋ قىزمەتى كوميتەتىنىڭ مامان باس اقىلشىلارى“، ”مەملەكەتتىك اۋىل – قىستاقتى گۇلدەندىرۋ مەڭگەرمەسى مامان باس اقىلشىلار كوميسسياسىنىڭ باس اقىلشىسى، باس جەتەكشىسى“، ”ورتالىق كوميتەتتىڭ اۋىل – قىستاق قىزمەتى كەڭسەسىنىڭ، اۋىل شارۋاشىلىعى جانە اۋىل – قىستاق مينيسترلىگىنىڭ، مەملەكەتتىك اۋىل – قىستاقتى گۇلدەندىرۋ مەڭگەرمەسىنىڭ مامانداردان ۇيىمداسقان كەڭەس بەرۋ كوميسسياسىنىڭ اقىلشىسى“ دەگەن اتتى جامىلىپ، ”اۋىل شارۋاشىلىعى جانە اۋىل – قىستاق مينيسترلىگىنىڭ، مەملەكەتتىك اۋىل – قىستاقتى گۇلدەندىرۋ مەڭگەرمەسىنىڭ قىزمەتكە قابىلداۋ حاتىن“ جالعاننان جاساپ، ”جۇڭگونىڭ اۋىل – قىستاقتى گۇلدەندىرۋدەگى مەملەكەت دارەجەلى 100 سىناق نىسانى“ قاتارلى جالعان ينفورماتسيالاردى جاريالاعان، وسى ارادا مىناداي قاتاڭ مالىمدەمە جاريالايمىز:
اۋىل شارۋاشىلىعى جانە اۋىل – قىستاق مينيسترلىگى جوعارىدا اتالعان سالاۋاتى بەلگىسىز ادامدار اتىن جامىلعان ءۇش كوميتەتتى قۇرماعان، جوعارىدا اتالعان قىزمەتكە قابىلداۋ حاتىن تاراتپاعان، جوعارىدا اتالعان قىزمەتكە قابىلداۋ حاتىنا تاڭبا باسپاعان، اتالمىش سىناق تۇيىندەرى نىساندارىن دا ۇيىمداستىرماعان. 2019 – جىلى اۋىل شارۋاشىلىعى جانە اۋىل – قىستاق مينيسترلىگى ورتالىق كوميتەتتىڭ اۋىل – قىستاق قىزمەتى كەڭسەسىمەن بىرگە ”ورتالىق كوميتەتتىڭ اۋىل – قىستاق قىزمەتى كەڭسەسى مەن اۋىل شارۋاشىلىعى جانە اۋىل – قىستاق مينيسترلىگىنىڭ اۋىل – قىستاقتى گۇلدەندىرۋدەگى مامانداردان قۇرالعان كەڭەس بەرۋ كوميسسياسىن“ قۇرعان، 2024 – جىلى ”اۋىل شارۋاشىلىعى جانە اۋىل – قىستاق مينيسترلىگىنىڭ اۋىل – قىستاقتى گۇلدەندىرۋدەگى مامانداردان ۇيىمداسقان كەڭەس بەرۋ كوميسسياسى“ ەتىپ رەتتەگەن، باستى مىندەتى مەن جاۋاپكەرشىلىگى: مامانداردىڭ اقىل - پاراساتى مەن كۇش – قۋاتىن توعىستىرىپ، اۋىل شارۋاشىلىعى جانە اۋىل – قىستاق جاعىنداعى كەلەلى ساياساتتىق شەشىمدەرگە پاراسات قۋاتىندىق تىرەك ازىرلەۋ، كوميسسيادا ”باس جەتەكشى“، ”اقىلشى“ قاتارلى لاۋازىمدار جوق، اۋىل – قىستاقتى دامىتۋ قۇرىلىسىنا قاتىستى نىسانداردى تىكەلەي مىندەتىنە المايدى. 2020 – جىلدان بەرى، اسىلگى مەملەكەتتىك اۋىل – قىستاقتى گۇلدەندىرۋ مەڭگەرمەسى دە مامانداردان قۇرالعان باسقا دا كەڭەس بەرۋ قۇرىلىمىن قۇرماعان.
جەر – جەردەگىلەر، قوعامنىڭ ءار سالاسىنداعىلار پارىقتاۋعا كوڭىل ءبولۋى، قىراعىلىقتى جوعارىلاتۋى، الدانىپ قالۋدان ساق بولۋى قاجەت. ەگەر زيان تۋىلسا، دەر كەزىندە قوعام حاۋىپسىزدىگى ورگاندارىنا دەلونى مالىمدەۋى كەرەك. سالاۋاتى بەلگىسىز لي گوشيڭ، ياڭ باۋلين قاتارلى 23 ادامنىڭ ناشار ىقپال تۋدىرعان ارەكەتى جونىندە اۋىل شارۋاشىلىعى جانە اۋىل – قىستاق مينيسترلىگى زاڭ بويىنشا جاۋاپكەرشىلىگىن قۋزاستىرۋ ۇقىعىن ساقتاپ قالادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
