مەملەكەتتىك تۇتىنۋشىلار بىرلەستىگىنىڭ پاراساتتى 315 تەكشەسى ينتەرنەتكە شىعارىلدى
تۇتىنۋشىلاردىڭ شاعىمدانۋىنا اناعۇرلىم قولايلى بولدى
2024.03.15 15:56 كەلۋ قاينارى : حالىق تورابى
بۇگىن 3 – ايدىڭ 15 – كۇنى، حالىقارالىق تۇتىنۋشىلاردىڭ ۇقىق – مۇددەسىن قورعاۋ كۇنى، ”مەملەكەتتىك تۇتىنۋشىلار بىرلەستىگىنىڭ پاراساتتى 315 تەكشەسى بۇگىن ينتەرنەتتە سىناق رەتىندە ىسكە قوسىلدى. اتالعان تەكشە بۇكىل مەملەكەت بويىنشا مەملەكەتتىك تۇتىنۋشىلار بىرلەستىگى ۇيىمىنىڭ شاعىمدى قابىلدايتىن ءبىرتۇتاس ارناسىنىڭ ىسكە قوسىلعانىنان دەرەك بەرەدى، بۇل تۇتىنۋشىلاردىڭ كۇندەلىكتى تۇرمىستاعى تۇتىنۋ بارىسىندا جولىققان ماسەلەلەرگە قاتىستى شاعىم ايتۋىنا قولايلى بولدى.
تۇتىنۋشىلاردىڭ قولفون ارقىلى ەكى ولشەمدى كودتى جايمالاۋ، ۋيشيندا ”تۇتىنۋشىلار بىرلەستىگى 315“ شاعىن پروگرامماسىن ىزدەۋ، تور بەتىنە (https://315.cca.org.cn) شىعۋ قاتارلى تاسىلدەر ارقىىل تۇتىنۋشىلار بىرلەستىگىنىڭ 315 تەكشەسىنە شىعىپ، شاعىم ايتۋىنا جانە كەڭەس سۇراۋىنا بولادى.
تيجاراتشىلاردىڭ تور بەتىنە (https://315.cca.org.cn) شىعىپ، تەكشەگە تىركەلۋدى ءوتىنىش ەتىپ، وسى ارقىلى شاعىم ايتۋىنا، شاعىم ايتۋشىلارمەن بىتىسۋىنە بولادى.
تۇتىنۋشىلار بىرلەستىگى 315 تەكشەسى تۇتىنۋشىلاردىڭ ينتەرنەت ارقىلى شاعىم ايتۋ ارناسىن ىركىلىسسىزدەندىرەدى. تەكشەدە تۇتىنۋشىلاردىڭ ينتەرنەت ارقىلى شاعىم ايتۋىنا ارنالعان ارناۋلى ورىن اشىلعان، بۇكىل مەملەكەت بويىنشا تۇتىنۋشىلار بىرلەستىگىنىڭ ۇيىمدارى ينتەرنەت ارقىلى تۇتىنۋشىلاردىڭ شاعىمىن قابىلداۋدى ىسكە اسىرعان. تۇتىنۋشىلاردىڭ كەز كەلگەن ۋاقىتتا، قالاعان ورىندا تەكشەگە شىعىپ، شاعىم ايتۋىنا بولادى، ينتەرنەت ارقىلى شاعىم ايتۋ، ينتەرنەت ارقىلى ىسپاتتاردى تاپسىرۋ، ينتەرنەت ارقىلى كەڭەسۋ، ينتەرنەت ارقىلى تەكسەرۋ قاتارلى يقۋاتتار ارقىلى تۇتىنۋشىلاردىڭ تۇتىنۋ جاعىنداعى تالابىن اناعۇرلىم ويداعىداي اڭىس ەتۋىنە، ساندى مالىمەتتەردى كوبىرەك ىسكە قوسىپ، تۇتىنۋشىلاردى از اۋىرەلەۋگە شارت – جاعداي جاراتادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
