مەملەكەت بويىنشا سۋ يگىلىگى ينجەنەريالارىنىڭ سۋمەن قامداۋ قۋاتى 900 ميلليارد تەكشە مەتردەن استى (جاڭا ساندى مالىمەت، جاڭا ءتۇيىن)
2024.03.15 21:39 كەلۋ قاينارى : حالىق تورابى
«حالىق گازەتى»، 3 - ايدىڭ 14 - كۇنى، بەيجيڭ (ءتىلشى لي شياۋچيڭ). ءتىلشىنىڭ 3 - ايدىڭ 14 - كۇنى مەملەكەتتىڭ سۋ حاۋىپسىزدىگىن قامتاماسىزداندىرۋ اياق الىسى جونىندەگى اقپار جاريالاۋ ماجىلىسىنەن ۇعىسۋىنشا، بۇكىل ەل بويىنشا سۋ يگىلىگى ينجەنەريالارىنىڭ سۋمەن قامداۋ قۋاتى 900 ميلليارد تەكشە مەتردەن اسىپ، ”وڭتۇستىك پەن سولتۇستىكتى سايكەستىرۋ، شىعىس پەن باتىس ءوزارا كومەكتەسۋ“ سىندى سۋ بايلىعىن ورنالاستىرۋ جاعدايى العاشقى ادىمدا قالىپتاسقان.
ءتۇيىندى سالالاردا سۋ ۇنەمدەۋدە ناقتى ونىمدىلىككە قول جەتتى.
2023 - جىلى بۇكىل ەل بويىنشا كولەمدەنگەن ونەركاسىپتە سۋدان قايتالاي پايدالانۋ شاماسى %93 تەن اسىپ، قالالارداعى الەۋمەتتىك سۋمەن قامداۋ قۇبىر تورابىنداعى سۋدىڭ سىراپ بولۋ شاماسى %10 كە تومەندەدى. داعدىدان تىس سۋ يگىلىگىنىڭ پايدالانىلۋ مولشەرى 21 ميلليارد تەكشە مەتر بولىپ، 10 جىلدىڭ الدىنداعى پايدالانۋ مولشەرىنىڭ 3.5 ەسەسىندەي بولدى.
سۋارمالى رايون قۇرىلىسى جەدەل ىلگەرىلەتىلدى. 2014 - جىلدان بەرى سۋارمالى جەر اۋدانى شامامەن 360 ميلليون مۋ، جوعارى ءونىمدى سۋ ۇنەمدەپ سۋارىلعان جەر اۋدانى شامامەن 150 ميلليون مۋ بولىپ، ەگىستىك جەردىڭ سۋارىلۋ شاماسى %55 كە جەتتى؛ بۇكىل ەل بويىنشا سۋارىلاتىن ەگىستىك جەر اۋدانى 968 ميلليون مۋدان ءبىر ميلليارد 55 ميلليون مۋعا جەتتى. كەلەسى قادامدا سۋ ۇنەمدەيتىن، ەكولوگيالىق سۋارمالى رايونداردان ءبىر توبىن قۇرۋ جوسپارلاندى.
اۋىل - قىستاقتى سۋمەن قامداۋدىڭ ساپالى دامۋى ىلگەرىلەتىلدى. اۋىل - قىستاقتا قۇبىر سۋىنىڭ جالپىلاسۋ شاماسى %90 كە جەتتى. بيىل جىل سوڭىنا دەيىن اۋىل - قىستاقتا قۇبىر سۋىنىڭ جالپىلاسۋ شاماسىن %92 كە، كولەمدەنگەن سۋمەن قامداۋ ينجەنەرياسىنىڭ اۋىل - قىستاق حالىق سانىن قامتۋ شاماسىن %63 كە جەتكىزۋ جوسپارلاندى.
وزەن، كول، سۋ قويمالارىن باسقارۋ، قورعاۋ كۇشەيتىلدى. وزەن، كولدەردى باسقارۋ كولەمىنىڭ شەكاراسىن ايىرۋ ىلگەرىلەتىپ، ءبىر ميلليون 330 مىڭ كيلومەتر وزەن، 2 مىڭ 57 كولدى باسقارۋ - مەڭگەرۋ شەكاراسى بەلگىلەندى. 7 ۇلكەن اعارداعى ماڭىزدى وزەن - كول جاعالاۋىن قورعاۋ جانە پايدالانۋ جوباسى تۇگەلدەي بەكىتىلىپ اتقارىلدى. 7 مىڭ 280 وزەن - كولدىڭ گيگيەنالىق جاعدايىن باعالاۋ ورىندالىپ، وزەن، كول سايىن گيگيەنالىق ارحيۆ تۇرعىزىلىپ، 70 مىڭنان استام ”ءبىر وزەندە ءبىر شارا“ جوباسى جاسالىپ اتقارىلدى.
كەلەسى قادامدا سۋ يگىلىگى مينيسترلىگى جەر - جەردى اۋىل - قىستاقتى سۋمەن قامداۋدىڭ ساپالى دامۋ جوباسىن جاساۋعا ۇيىمداستىرادى؛ سۋ يگىلىگىنە قارجى قوسۋ، قارجى قۇراۋ رەفورماسىن ىشكەرىلەي ىلگەرىلەتىپ، سۋ باعاسى، سۋدان پايدالانۋ ۇقىعىن بازارلاندىرۋ ساۋداسى، سۋ يگىلىگى ينجەنەرياسىن باسقارۋ ءتۇزىلىسى سياقتى جاقتارداعى رەفورمانى سايكەستى ىلگەرىلەتەدى؛ جەر استى سۋىن قالىپتان تىس اشۋدى جونگە سالۋ جانە باسقارۋ، قورعاۋدىڭ باياندى مەحانيزمىن كەمەلدەندىرىپ، ەكولوگيانى قورعاۋ مەن ساپالى دامۋدى جەبەيدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
