لي چياڭ مەملەكەتتىك كەڭەستىڭ ءتورتىنشى جالپى ءماجىلىسىن باسقارىپ اشتى
باس شۋجي شي جينپيڭنىڭ مەملەكەتتىك ”ەكى ءماجىلىس“ كەزىندەگى ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، مەملەكەتتىك كەڭەستىڭ 2024 - جىلعى ءتۇيىندى قىزمەتتەرىن تياناقتاندىرۋ جونىندە ورنالاستىرۋ جاسادى
2024.03.18 15:10 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 15 – كۇنى، بەيجيڭ. مەملەكەتتىك كەڭەستىڭ زۇڭليى لي چياڭ 3 - ايدىڭ 15 - كۇنى مەملەكەتتىك كەڭەستىڭ ءتورتىنشى جالپى ءماجىلىسىن باسقارىپ اشىپ، باس شۋجي شي جينپيڭنىڭ مەملەكەتتىك ”ەكى ءماجىلىس“ كەزىندەگى ماڭىزدى ءسوزى مەن مەملەكەتتىك ”ەكى ءماجىلىستىڭ“ رۋحىن ىشكەرىلەي ۇيرەنىپ، دايەكتىلەندىرىپ، مەملەكەتتىك كەڭەستىڭ 2024 - جىلعى ءتۇيىندى قىزمەتتەرىن تياناقتاندىرۋ جونىندە ورنالاستىرۋ جاسادى.
لي چياڭ مىنالاردى اتاپ كورسەتتى: باس شۋجي شي جينپيڭنىڭ مەملەكەتتىك ”ەكى ءماجىلىس“ كەزىندەگى ماڭىزدى ءسوزى ساپالى دامۋ مەن جۇڭگو ۇلگىسىندەگى وسىزامانداندىرۋ قۇرىلىسىنداعى كوپتەگەن كەلەلى ماسەلەلەر جونىندە تەرەڭ پايىمداۋ جاسادى، اسا كۇشتى يدەيالىق، جەتەكشىلىك، باعىتتامالىلىق سيپاتقا يە. باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنۋدى، دايەكتىلەندىرۋدى پارتيانىڭ 20 - قۇرىلتايىنىڭ رۋحىن دايەكتىلەندىرۋمەن، تياناقتاندىرۋمەن ۇشتاستىرىپ، باس شۋجي شي جينپيڭنىڭ ساپالى دامۋ جونىندەگى ماڭىزدى پايىمداۋلارىمەن ساباقتاستىرىپ، ۇكىمەتتىڭ ءىس جۇزىندىك قىزمەتىندە شىنايى دايەكتىلەندىرۋ، سونداي - اق رەفورمانى تەرەڭدەتۋدىڭ، قيىن ماسەلەلەردى شەشۋدىڭ، دامۋدى ىلگەرىلەتۋدىڭ قۇدىرەتتى قوزعاۋشى كۇشىنە اينالدىرۋ كەرەك.
لي چياڭ مىنالاردى دارىپتەدى: ورتالىقتىڭ ەكونوميكالىق قىزمەت ءماجىلىسى مەن ۇكىمەت قىزمەتىنەن باياندامادا ايقىندالعان مىندەتتەر − بيىلعى مەملەكەتتىك كەڭەس قىزمەتىنىڭ ءتۇيىنى، تاراۋلار جەدەل اتتانىسقا كەلىپ، ىرىقتىلىقپەن العا ۇمتىلىپ، بەلسەنە ءىس تىندىرىپ، تىزە قوسا قامال الىپ، ءتۇرلى مىندەتتەر مەن شارالاردىڭ جاپپاي تياناقتانۋىن ىلگەرىلەتۋى كەرەك. ءبىرىنشى، زەيىن - زەردەنى شوعىرلاندىرا وتىرىپ مەجەنى ورنىقتىرىپ، ارتۋدى ورنىقتىرىپ، ”ورنىقتىلىق“ سىندى جالپى جاعداي مەن نەگىزدى مىقتاپ يگەرىپ، ساپانى ءبىرىنشى ورىنعا قويۋدا، ونىمدىلىكتى الدىمەن ەسكەرۋدە تاباندى بولىپ، ساياساتتىڭ كەشەندى شارالارىنىڭ اسەرىن كۇشەيتىپ، ساياساتتىق قولداۋ مەن قىزمەت وتەۋدى قامتاماسىز ەتۋ سەرپىنىن ارتتىرىپ، ءىس جۇزىندىك ارەكەت جانە بەلسەندى ناتيجە ارقىلى قوعامعا سەنىم جەتكىزۋ كەرەك. ەكىنشى، تاسىلگە بۇلجىماي بۇرىلىس جاساپ، قوزعاۋشى كۇشتى ارتتىرىپ، كاسىپورىنداردىڭ عىلىم - تەحنيكادا جاڭالىق اشۋداعى نەگىزگى تۇلعالىق ورنىن كۇشەيتىپ، ءداستۇرلى كاسىپتەردىڭ تيپىن وزگەرتىپ، دارەجەسىن جوعارىلاتۋدى ىلگەرىلەتىپ، جاڭادان گۇلدەنگەن كاسىپ سالالارىن قولداۋ ساياساتىن كەمەلدەندىرىپ، بولاشاق كاسىپ سالالارىن ەرتەرەك جوسپارلاپ، ورنالاستىرىپ، جەرگىلىكتى جاعدايعا قاراي جاڭا ساپالى وندىرگىش كۇشتەردى دامىتۋ كەرەك. ءۇشىنشى، رەفورما جاساپ، ەسىك اشۋدى اناعۇرلىم زور بەكىممەن جانە تەبىنمەن تەرەڭدەتىپ، بەلگىلەنگەن مىندەتتەردىڭ تياناقتانۋىن جەدەلدەتىپ، جاڭا شارالاردى دەر كەزىندە جوسپارلاپ، نەگىزگى ساتىنى جاسامپازدىق رۋحتى ساۋلەلەندىرۋگە، امالياتقا بەلسەنە ىزدەنىس جاساۋعا شابىتتاندىرىپ، رەفورما جاساپ، ەسىك اشۋدىڭ اسەرىن ەڭ زور دارەجەدە جارىققا شىعارۋ كەرەك. ءتورتىنشى، ءتۇيىندى سالالارداعى حاۋىپ - قاتەردى ورنىقتى، ءتارتىپتى تۇردە شەشىپ، حاۋىپ - قاتەردى ءبىر جاقتى ەتۋ مەن ساپالى دامۋدى ىلگەرىلەتۋدى اناعۇرلىم ويداعىداي ۇشتاستىرىپ، وركەندىك ماسەلەلەردى دەر كەزىندە ءبىر جاقتى ەتىپ، ءار سالاداعى حاۋىپ - قاتەردى شەشۋدى ءبىر تۇتاس ىلگەرىلەتىپ، قىزمەتتىڭ ىرىقتىلىعىن قۇلشىنا يگەرۋ كەرەك. بەسىنشى، حالىق تۇرمىسىن قامتاماسىز ەتۋ جانە جاقسارتۋ قىزمەتىن شىن مانىندە ويداعىداي ىستەپ، نەگىزگى حالىق تۇرمىسىن قامتاماسىز ەتۋ شارالارىن ناقتى، ەگجەي - تەگجەيلى تياناقتاندىرىپ، حالىق تۇرمىسىنىڭ تومەنگى شەگىن مىقتى يگەرىپ، بۇقارا سەزىنە الاتىن ءبىر توپ ناقتى ىستەردى ويداعىداي ىستەپ، حاۋىپسىز دامۋ سىندى ارقاۋدى مىقتاپ شيراتىپ، ەكونوميكانى دامىتۋدىڭ جانە حالىق تۇرمىسىن جاقسارتۋدىڭ تاماشا اينالىمىنىڭ قالىپتاسۋىن ىلگەرىلەتۋ كەرەك. التىنشى، تياناقتاندىرۋدى يگەرۋ ونىمدىلىگىن كۇش سالا جوعارىلاتىپ، جاۋاپكەرلىكتى قاتاڭ تياناقتاندىرىپ، قىزمەتتى بىرتىندەپ ىلگەرىلەتىپ، سايكەسۋدى، سەلبەسۋدى كۇشەيتىپ، تياناقتاندىرۋدى يگەرۋدىڭ ەڭ سوڭعى ناتيجەسىنىڭ پارتيا ورتالىق كوميتەتىنىڭ شەشىم جاساۋ ماقساتىنا ۇيلەسۋىنە، حالىق بۇقاراسىنىڭ تىلەگىنە ۇيلەسۋىنە شىنايى كەپىلدىك ەتۋ كەرەك.
مەملەكەتتىك دامۋ جانە رەفورما كوميتەتىندەگى، ونەركاسىپ جانە ينفورماتسيالاندىرۋ مينيسترلىگىندەگى، اۋىل شارۋاشىلىعى، اۋىل - قىستاق مينيسترلىگىندەگى، ساۋدا مينيسترلىگىندەگى نەگىزگى جاۋاپتى جولداستار ماجىلىستە ءسوز سويلەدى.
مەملەكەتتىك كەڭەس جالپى ءماجىلىسىنىڭ قۇرامىنداعىلار ماجىلىسكە قاتىناستى، قاتىستى تاراۋلاردىڭ، ورىنداردىڭ جاۋاپتىلارى ماجىلىسكە سىرتتاي قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
