بۇكىل ەل بويىنشا ”ايگىلى، ەرەكشە، ساپالى، جاڭا“ جەكەشە ونەركاسىپشىلەر مەن ساۋداگەرلەر 150 مىڭنان استى
ساياساتتىق قولداۋ مەن سۇيەمەلدەۋدىڭ دالدىگى، باعىتتامالىلىعى جانە عىلميلىعى كۇشەيتىلدى
2024.03.18 15:15 كەلۋ قاينارى : حالىق تورابى
«حالىق گازەتى»، 3 - ايدىڭ 16 - كۇنى، بەيجيڭ (ءتىلشى لين ليلي). 2023 - جىلى 4 - ايدان باستاپ بازار باقىلاۋ - باسقارۋ باس مەكەمەسى 12 ولكەدە جەكە ساۋدا - ونەركاسىپشىلەردى تيپكە، تۇرگە ءبولىپ دالمە - ءدال سۇيەمەلدەۋ ساياساتىن تۇيىندە سىناق ەتۋدى ورنالاستىردى، قازىرگە دەيىن ”ايگىلى، ەرەكشە، ساپالى، جاڭا“ جەكەشە ونەركاسىپشىلەر مەن ساۋداگەرلەر 150 مىڭنان استى.
بيىل بازار باقىلاۋ - باسقارۋ باس مەكەمەسى ”ايگىلى، ەرەكشە، ساپالى، جاڭا“ جەكەشە ونەركاسىپشىلەر مەن ساۋداگەرلەردى تۇراقتاندىرۋ قىزمەتىن جاپپاي ۇيىمداستىرىپ ورىستەتەدى، ”ايگىلى، ەرەكشە، ساپالى، جاڭا“ جەكەشە ونەركاسىپشىلەر مەن ساۋداگەرلەر دەپ تانىلۋشىلار اناعۇرلىم كوپ باعىتتامالى تاربيەلەۋ جانە شابىتتاندىرۋ ساياساتىنان يگىلىكتەنە الادى. ءونىمى جانە قىزمەت وتەۋ ساپاسى جاقسى، بەلگىلى ماركا ىقپالى بار، بۇقارا ۇناتاتىن ”ايگىلى، ەرەكشە، ساپالى، جاڭا“ جەكەشە ونەركاسىپشىلەر مەن ساۋداگەرلەردى ۇگىتتەۋ، تانىستىرۋ سەرپىنى ارتتىرىلىپ، ماركا جاراتۋعا قىزمەت وتەۋ تەرەڭدەتىلىپ، ءبىلىم مەنشىك ۇقىعىن قورعاۋ كۇشەيتىلەدى. ساياحاتشىلاردى قابىلداۋ، جەرگىلىكتى ەرەكشە ونىمدەردى ساتۋ، ەرەكشە اس - سۋ قىزمەت وتەۋىن ورىستەتەتىن ”ەرەكشەلىككە يە“ جەكە ساۋدا - ونەركاسىپشىلەرگە تەحنيكالىق زەرتتەۋ - اشۋ، ونىمدەردى جوبالاۋ، تەكسەرۋ - ولشەۋ، ساپانى تەكتەۋ، ساتۋدى جالپىلاستىرۋ سياقتى جاقتاردا قولداۋ كورسەتىلەدى. حالىقتىق ءداستۇرلى ونەرگە مۇراگەرلىك ەتەتىن، ءداستۇرلى مادەنيەتتى ساۋلەلەندىرەتىن ءارى ۇزاق ۋاقىت تيجارات جۇرگىزەتىن ”ساپالى“ جەكە ساۋدا - ونەركاسىپشىلەردى جالعاستىرۋشىلاردى جەتىلدىرۋگە ءمان بەرىلىپ، ءداستۇرلى ونەردى، ءداستۇرلى مادەنيەتتى اشۋ، رەتتەۋ جانە ۇگىتتەۋ، حابارلاۋ كۇشەيتىلەدى. جاڭا تەحنيكا، جاڭا كاسىپ سالاسى، جاڭا كاسىپ كۇيى، جاڭا ۇلگى سىندى ”ءتورت جاڭا ەكونوميكاعا“ بەلسەنە ات سالىسقان ”جاڭادان گۇلدەنگەن“ جەكە ساۋدا - ونەركاسىپشىلەردى ينتەرنەتتە شارۋاشىلىق جۇرگىزۋ شەبەرلىگىنە باۋلۋعا جەتەكتەۋ، ينتەرنەت تۇعىرى كاسىپورىندارىنىڭ اعىن مولشەرىن قولداۋ، ەرەجەگە ساي جەتەكشىلىك ەتۋ سياقتى قىزمەت وتەۋ شارالارىمەن قامداۋ ىلگەرىلەتىلەدى.
بازار باقىلاۋ - باسقارۋ باس مەكەمەسى تىركەۋگە الدىرۋ مەكەمەسىنىڭ باستىعى رىن دۋانپيڭ بىلاي دەپ تانىستىردى: جەكە ساۋدا - ونەركاسىپشىلەردى تيپكە، تۇرگە ءبولىپ، دالمە - ءدال سۇيەمەلدەۋ ساياساتىن اتقارۋداعى ماقسات جەكە ساۋدا - ونەركاسىپشىلەردىڭ دامۋ ءىس جۇزىندىگىمەن ۇشتاستىرىپ، ساياساتتىق قولداۋ، كومەكتەسۋ - سۇيەمەلدەۋدىڭ دالدىگىن، باعىتتامالىلىعىن جانە عىلميلىعىن كۇشەيتىپ، جەكە ساۋدا - ونەركاسىپشىلەردىڭ ناقتى ساياساتتىق پايدانى سەزىنۋىنە مۇمكىندىك جاساۋ.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
