اۋىل شارۋاشىلىعى جانە اۋىل – قىستاق مينيسترلىگى 2024 – جىلى تىڭايتقىش ساپاسىن باقىلاۋ جانە ۇلگى الىپ تەكسەرۋ جۇرگىزۋ قىزمەتىن ورىستەتەدى
ديقاندار گازەتى، جۇڭگو ديقاندار تورابىنىڭ ءتىلشىسى سۇي جيانليڭ
2024.03.21 14:14 كەلۋ قاينارى : حالىق تورابى
ديقاندار گازەتى، جۇڭگو ديقاندار تورابىنىڭ ءتىلشىسى سۇي جيانليڭ حابارلايدى. كوكتەمگى ەگىس مەزگىلىندەگى تىڭايتقىش دايىنداۋ، تىڭايتقىش بەرۋدىڭ شەشۋشى كەزەڭىندە تىڭايتقىش ساپاسىنا كەپىلدىك ەتۋ — ديقانداردىڭ ءبىر جىلعى تابىسىمەن قاتىستى. ەلىمىزدىڭ جەر – جەرىندەگى تاراۋلار جالعان، جارامسىز اۋىل شارۋاشىلىعى قۇرال – جابدىقتارىنا سوققى بەرۋ ارەكەتىن قاتاڭ ورىستەتكەن مەزگىلدە، تىڭايتقىشتاردىڭ ساپاسىن باقىلاۋ مەن باسقارۋدى كۇشەيتىپ، تىڭايتقىش بازارىن جۇيەگە ءتۇسىرۋ، اۋىل شارۋاشىلىعى ءوندىرىسى مەن اۋىل شارۋاشىلىعى ونىمدەرىنىڭ ساپاسىنا شىنايى كەپىلدىك ەتۋ ءۇشىن، جۋىردا اۋىل شارۋاشىلىعى جانە اۋىل – قىستاق مينيسترلىگى ۇقتىرۋ جاريالاپ، 2024 – جىلى تىڭايتقىشتىڭ ساپاسىن باقىلاۋ جانە ۇلگى الىپ تەكسەرۋ جۇرگىزۋ قىزمەتىن ورىستەتۋ جونىندە ورنالاستىرۋ جاسادى.
ۇقتىرۋداعى ورنالاستىرۋعا ساي، 2024 – جىلى ەلىمىزدەگى تىڭايتقىش ساپاسىن باقىلاۋ جانە ۇلگى الىپ تەكسەرۋ بارىسىندا جيىنى 246 ءتۇرلى ونىمنەن ۇلگى الىپ تەكسەرۋ جۇرگىزەدى، مۇندا، ورگانيكالىق تىڭايتقىشتاردىڭ سانى 126، سۋدا ەريتىن تىڭايتقىشتاردىڭ سانى 55 (ءىرى، ورتاشا، ميكرو قۇرامدارى سۋدا ەريتىن تىڭايتقىشتار)، ميكرو ورگانيزمدىك تىڭايتقىشتاردىڭ سانى 65. ۇلگى الىپ تەكسەرۋ جۇرگىزۋ كولەمى بەيجيڭ، حىبەي، ىشكى موڭعۇل، لياۋنيڭ، جيلين، حەيلۇڭجياڭ قاتارلى 24 ولكەدەگى (اۆتونوميالى رايون، توتە قاراستى قالا) تىڭايتقىش وندىرەتىن كاسىپورىندار مەن اۋىل شارۋاشىلىعى قۇرال – جابدىقتارى بازارىن قامتيدى. مۇندا، ورگانيكالىق تىڭايتقىشتاردى تەكسەرگەندە، 2023 – جىلعى جاسىل تيپتى ەگىمشىلىك – باعىمشىلىق جاعىندا اينالمالى اۋىل شارۋاشىلىعىن تۇيىندە سىناق ەتۋ نىسانى قاتارىنا ىلىنگەن كاسىپورىندار مەن بۇرىنعى جىلدارى ۇلگى الىپ تەكسەرۋدە ءونىمى ولشەمگە تولماعان كاسىپورىنداردان ۇلگى الىپ تەكسەرۋ جۇرگىزىلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
