لي چياڭ مەملەكەتتىك كەڭەس بۇيرىعىنا قول قويدى
«سۋدى ۇنەمدەپ پايدالانۋ ەرەجەسى» جاريالاندى
2024.03.21 14:34 كەلۋ قاينارى : حالىق تورابى
شينحۋا اگەنتتىگىنىڭ 3 – ايدىڭ 20 – كۇنى بەيجيڭنەن بەرگەن حابارى. مەملەكەتتىك كەڭەستىڭ زۇڭليى لي چياڭ جۋىردا مەملەكەتتىك كەڭەس بۇيرىعىنا قول قويىپ، «سۋدى ۇنەمدەپ پايدالانۋ ەرەجەسىن» (تومەندە قىسقارتىلىپ «ەرەجە» دەپ اتالادى) جاريالادى، 2024 – جىلى 5 – ايدىڭ 1 – كۇنىنەن باستاپ اتقارىلادى.
«ەرەجەدە» پارتيانىڭ 18 – قۇرىلتايىنان بەرگى سۋدى ۇنەمدەۋ قىزمەتىندەگى مول تاجىريبەلەر قورىتىندىلانىپ، اتقارىلۋى ءونىمدى بولعان تاجىريبەلەردى، تاسىلدەردى تۇزىمدىك ولشەمگە اينالدىرىپ، سۋدى ۇنەمدەۋ قيمىلىن جاپپاي، جۇيەلى ولشەمگە تۇسىرەدى جانە ىلگەرىلەتەدى، مەملەكەتتىڭ سۋدان پايدالانۋ حاۋىپسىزدىگىن، ەكولوگيالىق وركەنيەت قۇرىلىسىن ىلگەرىلەتۋدى، جوعارى ساپالى دامۋعا زاڭمەن جونگە سالۋ جاعىنداعى پارمەندى كەپىلدىك ازىرلەۋدى قامتاماسىزداندىرادى. «ەرەجە» 6 تاراۋدان، 52 تارماقتان قۇرالعان، باستى بەلگىلەمەلەردىڭ مازمۇنى مىناداي:
بىرىنشىدەن، پارتيانىڭ باسشىلىعىنا تاباندى بولۋ. سۋدى ۇنەمدەۋ قىزمەتىندە جۇڭگو كوممۋنيستىك پارتياسىنىڭ باسشىلىعىنا تاباندى بولۋ، جالپى تۇلعالىق مەملەكەت حاۋىپسىزدىگى كوزقاراسىن دايەكتىلەندىرۋ، دامۋ مەن حاۋىپسىزدىكتى ءبىرتۇتاس جوسپارلاۋ ايقىن بەلگىلەنگەن.
ەكىنشىدەن، سۋدان پايدالانۋدى باسقارۋدى كۇشەيتۋ. نەگىزگى اۋىل شارۋاشىلىعى داقىلدارى، ءتۇيىندى ونەركاسىپ بۇيىمدارى جانە قىزمەت وتەۋ كاسىبى قاتارلىلاردا سۋدان بەلگىلەنگەن ولشەم بويىنشا پايدالانۋ سىندى باسقارۋ ءتاسىلى قولدانىلادى؛ اكىمشىلىك ءوڭىر بويىنشا جىل بويى پايدالاناتىن جالپى سۋ مولشەرىن مەڭگەرۋ ءتاسىلى اتقارىلادى؛ سۋدان پايدالانۋى بەلگىلى دەڭگەيگە جەتكەن ورىندارعا سۋدان جوسپارلى پايدالانۋ سىندى باسقارۋ ءتاسىلى اتقارىلادى؛ سۋدى ۇنەمدەۋ كومەسكى قۋاتى زور، پايدالانۋ اۋماعى كەڭ بولعان سۋ ونىمدەرىنە سۋدان پايدالانۋ ونىمدىلىگىنە بەلگى قويىپ باسقارۋ ءتاسىلى قولدانىلادى؛ سۋ بايلىعى اۋىر دارەجەدە كەمشىل وڭىرلەردە، جەر استى سۋىنان مولشەردەن ارتىق پايدالانعان وڭىرلەردە سۋدى وتە كوپ جۇمسايتىن كاسىپ سالاسىنداعى نىسانداردى سالۋدى قاتاڭ تەجەيدى.
ۇشىنشىدەن، سۋدى ۇنەمدەۋ شارالارىن كەمەلدەندىرەدى. اۋىل شارۋاشىلىعى سالاسىندا سۋدى ۇنەمدەۋدىڭ ونىمدىلىگىن ارتتىرىپ، اۋىل شارۋاشىلىعى وندىرىسىمەن شۇعىلداناتىن تيجارات نەگىزگى تۇلعالارىن ەگىمشىلىك، باعىمشىلىق قۇرىلىمىن جانە اۋىل شارۋاشىلىعى سالاسىندا سۋدان پايدالانۋ قۇرىلىمىن ۇيلەسىمدى رەتتەۋگە جەتەلەيدى؛ ونەركاسىپ سالاسىندا سۋدى ۇنەمدەپ، سۋدى ىعىستىرۋدى ازايتۋدى ىلگەرىلەتىپ، ونەركاسىپ سالاسىنداعى كاسىپورىنداردان وزىق، سۋدى ۇنەمدەۋگە ۇيلەسەتىن تەحنيكالاردى، ونەرلەردى جانە جابدىقتاردى پايدالانۋدى تالاپ ەتەدى؛ قالا – قالاشىقتا سۋدى ۇنەمدەپ، زياندى ازايتۋدى ىلگەرىلەتىپ، سۋدى ۇنەمدەيتىن تيپتەگى قالا قۇرىلىسىن جاپپاي ىلگەرىلەتەدى؛ ادەتتەگىدەن تىس سۋ تۇرلەرىنەن پايدالانۋدى ىلگەرىلەتەدى.
تورتىنشىدەن، كەپىلدىك ەتۋ جانە باقىلاۋدى كۇشەيتەدى. اۋىل شارۋاشىلىعى سالاسىندا سۋدان پايدالانۋ جاعىندا دالمە – ءدال قوسىمشا قاراجات بەرۋ مەحانيزمى مەن سۋدى ۇنەمدەۋشىلەرگە سيلىق بەرۋ مەحانيزمىن كەمەلدەندىرەدى؛ شارتقا ساي كەلەتىن سۋدى ۇنەمدەيتىن نىساندارعا قوسىمشا قاراجات بەرەدى؛ فينانس قۇرىلىمدارىن سۋدى ۇنەمدەيتىن نىسانداردى قارجىلاندىرۋعا قولداۋ كورسەتۋ تەبىنىن ارتتىرۋعا جەتەلەيدى؛ سۋدى ۇنەمدەۋ جاعىندا قىزمەت وتەۋ كاسىپ سالاسىن دامىتۋعا شابىت بەرەدى؛ سۋدان پايدالانۋ ۇقىعىن ساۋدالاۋدى ورىستەتۋگە قولداۋ كورسەتەدى؛ سۋدى ۇنەمدەۋ نىساناسىن ورىنداۋ جاعدايىن جەرگىلىكتى ورىنداعى ۇكىمەتتىڭ جانە ونىڭ جاۋاپتىسىنىڭ قىزمەتىن باعالاۋ كولەمىنە ەنگىزەدى.
بەسىنشىدەن، زاڭدىق جاۋاپكەرشىلىكتى قاتاڭداندىرادى. مەملەكەت اشىق بۇيرىق شىعارىپ كۇشىنەن قالدىرعان مەشەۋ، سۋدى ىسىراپ ەتۋ مولشەرى جوعارى تەحنيكالاردى، ونەرلەردى، جابدىقتاردى جانە بۇيىمداردى پايدالانۋ قاتارلى زاڭعا قايشى ارەكەتتەرگە قاتىستى زاڭدىق جاۋاپكەرشىلىك بەلگىلەنگەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
