ەلىمىز 3 – رەتكى مەملەكەت بويىنشا ۋاقىتتان پايدالانۋعا تەكسەرۋ جۇرگىزەدى
2024.03.21 16:11 كەلۋ قاينارى : حالىق تورابى
مەملەكەتتىك ساناق مەكەمەسى 3 – ايدىڭ 20 - كۇنى حابارلاندىرۋ شىعارىپ، 2024 – جىلى 3 – رەتكى مەملەكەت بويىنشا ۋاقىتتان پايدالانۋعا تەكسەرۋ جۇرگىزۋدى ۇيعاردى، ناق مايداندا تەكسەرۋ ۋاقىتى 5 – ايدىڭ 11 – كۇنىنەن 31 – كۇنىنە دەيىن. ۋاقىتتان پايدالانۋدى تەكسەرۋ حالىقارادا جاپپاي قولدانىلاتىن ءبىر ءتۇرلى قوعامدىق تەكسەرۋ بولىپ، نەگىزىنەن تۇرعىنداردىڭ ەرەكشە ۋاقىت ىشىندەگى قيمىل ينفورماتسياسىن جيناۋ ارقىلى تۇرعىنداردىڭ جەكە فيزيولوگيالىق قاجەتتى قيمىلى، اقىلى ەڭبەك، اقىسىز ەڭبەك، جەكەلەردىڭ ەركىن ورنالاستىراتىن قيمىلى قاتارلى ءتۇرلى قيمىلدارعا جۇمساعان ۋاقىتىن بەينەلەيدى. وسى رەتكى تەكسەرۋدىڭ باستى ماقساتى ‐ ەلىمىز تۇرعىندارىنىڭ ۋاقىتتان پايدالانۋ جاعدايىن جان ـ جاقتى، شىنايى، دۇرىس ۇعىسىپ، تۇرعىنداردىڭ تۇرمىس ساپاسى مەن تۇرمىس ۇلگىسىنىڭ وزگەرىسىن وبيەكتيۆ تۇردە اڭىس ەتىپ، حالىق تۇرمىسىن جاقسارتۋعا، قوعامدىق، حالىق تۇرمىسى ساياساتىن عىلىمي بەلگىلەۋگە ناقتى، دۇرىس ساناق ينفورماتسيا تىرەگىن ازىرلەۋ.
مەملەكەتتىك ساناق مەكەمەسى قوعامدىق عىلىم، مادەنيەت ءبولىمىنىڭ قاتىستى جاۋاپتىسى بىلاي دەدى: وسى رەتكى تەكسەرۋدىڭ مازمۇنى نەگىزىنەن وتباسى مۇشەلەرىنىڭ نەگىزگى جاعدايى مەن ۋاقىتتان پايدالانۋ جاعدايىنان ۇلگى الىپ تەكسەرۋ، مۇندا وتباسى مۇشەلەرىنىڭ نەگىزگى جاعدايى كەستەسىن، كۇندەلىكتى ەستەلىك كەستەسىن جانە اشىق سۇراق قاعازى قاتارلى 3 ءتۇرلى تەكسەرۋ كەستەسىن قامتيدى. كۇندەلىكتى ەستەلىك كەستەسى — ەڭ ماڭىزدى تەكسەرۋ مازمۇنى بولىپ، تەكسەرۋ نىساناسى ۋاقىت ءتارتىبى بويىنشا 24 ساعات ىشىندە جۇز بەرگەن قيمىل جانە قاتىستى ينفورماتسيالاردى ەستەلىككە الادى، دۇيسەنبىدەن جۇماعا دەيىنگى ءبىر كۇندى، سەنبىدەن جەكسەنبىگە دەيىنگى ءبىر كۇندى، جيىنى ەكى كۇندەگى قيمىلدى ەستەلىككە الادى.
ەلىمىز 2008 - جىلى، 2018 - جىلى ەكى رەت ۋاقىتتان پايدالانۋ جاعدايىنا تەكسەرۋ جۇرگىزگەن. الدىڭعى ەكى رەتكى تەكسەرۋمەن سالىستىرعاندا، وسى رەتكى تەكسەرۋ كولەمى تۇڭعىش رەت بۇكىل ەلگە كەڭەيىپ، تەكسەرۋ وبيەكتىسى تۇڭعىش رەت 6 جاستان جوعارى تۇراقتى تۇرعىندارعا كەڭەيدى، تۇڭعىش رەت ەلەكترونداندىرىلعان جيناۋ ءتاسىلىن جاپپاي قولدانباقشى، تەكسەرۋ مازمۇنى دا اناعۇرلىم مولايدى.
وسى رەتكى تەكسەرۋ قىزمەتىنىڭ جالپى تۇلعالىق ورنالاستىرۋىنا ساي، 2024 - جىلى 2 - ايدان 4 - ايعا دەيىن تەكسەرۋدىڭ دايىندىق ساتىسى؛ 2024 - جىلى 5 - ايدان جىل سوڭىنا دەيىن تەكسەرۋ، ۇيىمداستىرۋ، اتقارۋ ساتىسى، مۇندا باستىسى، ناق مايداندا تەكسەرۋ جۇرگىزۋ، تەكسەرىپ بەكىتۋ، جيناقتاۋ جانە تەكسەرۋدىڭ نەگىزگى ساندى مالىمەتتەرىن جاريالاۋ؛ 2024 - جىلدىڭ سوڭىنان 2025 - جىلعا دەيىن تەكسەرۋ ماتەريالدارىن اشۋ، قولدانۋ ساتىسى بولادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
