وقۋ – اعارتۋ مينيسترلىگى تولىق كۋرستا جاڭادان قوسىلعان 24 ءتۇرلى ماماندىقتى جاريالادى
مەملەكەت حاۋىپسىزدىگى عىلىمى، فۋتبول سپورتى سياقتى ماماندىقتار قوسىلدى
2024.03.21 16:37 كەلۋ قاينارى : حالىق تورابى
وقۋ ـ اعارتۋ مينيسترلىگى 3 – ايدىڭ 19 - كۇنى رەسمي تورابىندا 2023 ـ جىلعى ادەتتەگى جوعارى مەكتەپتەردىڭ تولىق كۋرس ماماندىقتارىن ەستەلىككە الۋ جانە تەكسەرىپ بەكىتۋ ناتيجەسىن جاريالادى، بۇل رەتكى ماماندىقتى كوبەيتۋ، كۇشىنەن قالدىرۋ، رەتتەۋ 3389 ماماندىقتىڭ ورنالاسۋىنا سايادى، سانى بۇرىنعى جىلدارداعىدان ەڭ كوپ بولعان.
وسى رەتكى ادەتتەگى جوعارى مەكتەپتەردىڭ تولىق كۋرس ماماندىعىن رەتتەۋدە 24 ءتۇرلى جاڭا ماماندىق تولىق كۋرس ماماندىعى تىزىمدىگىنە رەسمي ەنگىزىلىپ، 2024 - جىلدان باستاپ جوعارى مەكتەپ ەمتيحانى ارقىلى وقۋشى قابىلدايتىن بولادى. وسى رەت قوسىلعان ماماندىقتار مەملەكەت حاۋىپسىزدىگى عىلىمى، جوعارى قۋاتتى جارتىلاي وتكىزگىش عىلىمى جانە ينجەنەرياسى، بيولوگيالىق تۇقىم جەتىلدىرۋ تەحنيكاسى، ەكولوگيانى قالپىنا كەلتىرۋ عىلىمى، زەردەلى تەڭىز - مۇحيت جابدىقتارى، زەردەلى كورۋ تۇيسىگى ينجەنەرياسى، ەلەكتروندىق ينفورماتسيا ماتەريالدارى، جۇڭگونىڭ كلاسسيكالىق عىلىمى، دەنە تاربيەلىك كۇتىنۋ، فۋتبول سپورتى سياقتىلاردى قامتيدى.
وقۋ – اعارتۋ مينيسترلىگى جوعارى دارەجەلى وقۋ – اعارتۋ مەڭگەرمەسىنىڭ جاۋاپتىسى بىلاي دەپ اتاپ كورسەتتى: وسى رەتكى كاسىپتىك ورنالاستىرۋ مەن رەتتەۋ قىزمەتىندە جاڭا ونەركاسىپ عىلىمى، جاڭا مەديتسينا عىلىمى، جاڭا اۋىل شارۋاشىلىق عىلىمى، جاڭا قوعامدىق عىلىمدار قۇرىلىسىن جەتەكشى ەتىپ، ءوندىرىس پەن وقىتۋدىڭ توعىسۋىن ىلگەرىلەتتى. ايقاسپالى ينجەنەريا، سالاماتتىق عىلىمى جانە تەحنيكاسى، زەردەلى كورۋ تۇيسىگى ينجەنەرياسى، ينجەنەريالىق جۇمساق بولشەك سياقتى جاڭا كاسىپتەر تىڭنان قوسىلىپ، جوعارى مەكتەپتەردىڭ ءبىر توپ زەردەلى قۇرىلىس، توراپ جانە جاڭا مەديا، ۆيرتۋالدى رەالدىق تەحنيكاسى سياقتى ماماندىق تۇيىندەرىن كوبەيتۋىنە قولداۋ كورسەتىلەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
