شي جينپيڭ ناۋرۋدىڭ زۇڭتۇڭى ادياڭمەن كەڭەس وتكىزدى
2024.03.26 16:09 كەلۋ قاينارى : حالىق تورابى
 |
3 - ايدىڭ 25 - كۇنى تۇستەن كەيىن مەملەكەت ءتوراعاسى شي جينپيڭ حالىق سارايىندا جۇڭگوعا مەملەكەتتىك ساپارمەن كەلگەن ناۋرۋدىڭ زۇڭتۇڭى ادياڭمەن كەڭەس وتكىزدى. سۋرەتتە: كەڭەستەن بۇرىن شي جينپيڭ حالىق سارايىنىڭ سولتۇستىك زالىندا ادياڭدى قارسى الۋ سالتىن وتكىزۋدە. سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن.
|
شينحۋا اگەنتتىگى، 3 – ايدىڭ 25 – كۇنى، بەيجيڭ (ءتىلشى ليۋ حۋا). 3 - ايدىڭ 25 - كۇنى تۇستەن كەيىن مەملەكەت ءتوراعاسى شي جينپيڭ حالىق سارايىندا جۇڭگوعا مەملەكەتتىك ساپارمەن كەلگەن ناۋرۋدىڭ زۇڭتۇڭى ادياڭمەن كەڭەس وتكىزدى.
شي جينپيڭ بىلاي دەپ اتاپ كورسەتتى: بيىل 1 - ايدا ناۋرۋ ءبىر جۇڭگو پرينسيبىندە تاباندى بولۋ، جۇڭگومەن ديپلوماتيالىق قارىم - قاتىناستى قالپىنا كەلتىرۋ سىندى ساياسي شەشىم جاسادى، بۇل − تاريحي اۋقىمعا ۇيلەسەتىن، ءداۋىر اعىمىنا ۇيلەسەتىن شارا. دوستىقتىڭ ەرتە - كەشى بولمايدى، تەك باستالسا بولعانى، بولاشاعى نۇرلى بولادى. سەلبەستىكتە مەيلى ۇلكەن - كىشى ەلدەر بولسىن، ءوزارا ادال بولعاندا عانا، مول تابىسقا قول جەتكىزۋگە بولادى. جۇڭگو - ناۋرۋ قارىم - قاتىناسىندا جاڭا تاريحي پاراق اشىلدى. جۇڭگو ناۋرۋمەن بىرگە قۇلشىنىپ، جۇڭگو - ناۋرۋ قارىم - قاتىناسىندا تاماشا بولاشاق اشىپ، ەكى ەل حالىقتارىنا ءتىپتى دە زور باقىت جاراتۋدى قالايدى.
شي جينپيڭ بىلاي دەپ دارىپتەدى: ادامدارعا تەڭ مامىلە جاساۋ − جۇڭگو ديپلوماتياسىنىڭ ايقىن قاسيەتى. جۇڭگو جاق مەملەكەتتەر ۇلكەن - كىشى، كۇشتى - ءالسىز، باي - كەدەي دەپ بولىنبەيتىنىن، بارلىعى حالىقارالىق قوعامنىڭ تەرەزەسى تەڭ مۇشەسى ەكەنىن باستان - اياق دارىپتەپ كەلەدى. جۇڭگو باستان - اياق وركەندەپ كەلە جاتقان ەلدەردىڭ ءبىر مۇشەسى، جۇڭگو بىرلەسكەن مەملەكەتتەر ۇيىمىنىڭ حاۋىپسىزدىك القالار كەڭەسىندە ماڭگى وركەندەپ كەلە جاتقان ەلدەرگە داۋىس بەرەدى. جۇڭگو - ناۋرۋ قارىم - قاتىناسى − ءوزارا قۇرمەتتەيتىن، تەڭ تۇرعىدا ءوزارا تيىمدىلىك جاسايتىن، ءوزارا قولدايتىن قارىم - قاتىناس. جۇڭگو جاق ناۋرۋدىڭ مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋىن باتىل قولدايدى، ناۋرۋدىڭ ءوز ەلىنىڭ مەملەكەت جاعدايىنا ۇيلەسەتىن دامۋ جولىمەن ءجۇرۋىن باتىل قولدايدى، ناۋرۋمەن ءار دارەجەلى، ءار سالاداعى اۋىس - كۇيىستى، سۇحپاتتى كۇشەيتىپ، ءوزارا تۇسىنىستىك پەن سەنىمدىلىكتى ۇزدىكسىز ارتتىرىپ، ەكى ەل قارىم - قاتىناسىنىڭ ساياسي نەگىزىن بەكەمدەۋدى قالايدى.
شي جينپيڭ بىلاي دەپ اتاپ كورسەتتى: جۇڭگو جاق ناۋرۋدىڭ جۇڭگومەن ”ءبىر بەلدەۋ، ءبىر جولدى“ بىرگە قۇرۋ سەلبەستىك قۇجاتىنا قول قويعان تاعى ءبىر مەملەكەت بولۋىن قارسى الادى، ناۋرۋمەن ساۋدا، قارجى قوسۋ، نەگىزدىك قۇرىلعى قۇرىلىسى سياقتى سالالارداعى ناقتى سەلبەستىكتى كەڭەيتۋدى ءارى ناۋرۋدىڭ دەربەس، باياندى دامۋىن جۇزەگە اسىرۋىنا ساياسي شارت ۇستەمەيتىن كومەك كورسەتۋدى قالايدى. ەكى جاق وقۋ - اعارتۋ، مادەنيەت، دەنساۋلىق ساقتاۋ، جاستار سياقتى سالالارداعى اۋىس - كۇيىستى كۇشەيتىپ، ءتىپتى دە كوپ ناۋرۋ جاستارىنىڭ جۇڭگوعا كەلىپ ءبىلىم تولىقتاۋىن قارسى الۋى كەرەك، وڭتۇستىك - وڭتۇستىك سەلبەستىگى نەگىزىندە ناۋرۋعا كليمات وزگەرىسى جاعىنان كومەك كورسەتۋگە پەيىلمىز. جۇڭگو جاق ناۋرۋمەن بىرلەسكەن مەملەكەتتەر ۇيىمى، تىنىق مۇحيت ارال ەلدەرى تالقىسى سياقتى كوپ جاقتى سالالارداعى تۇسىنىستىك پەن سايكەسۋدى كۇشەيتىپ، دۇنيە ءجۇزىنىڭ تەڭ دارەجەلى، ءتارتىپتى كوپ ۇيەكتەنۋى مەن جالپىعا ءتيىمدى، سيىسىمدى ەكونوميكانىڭ جاھاندانۋىن بىرگە دارىپتەپ، وركەندەپ كەلە جاتقان ەلدەردىڭ ورتاق مۇددەسىن قورعاۋدى قالايدى.
ادياڭ مىنالاردى ءبىلدىردى: ۇسىنىس بويىنشا جۇڭگودا مەملەكەتتىك ساپاردا بولىپ، جۇڭگونىڭ ۇزاق تاريحىن، شۇعىلالى مادەنيەتىن جانە ومىرشەڭدىككە تولى دامۋىن كورگەنىمدى ماقتانىش سەزىنەمىن. تاياۋدا ناۋرۋ تاريحتىڭ دۇرىس جاعىندا تۇرىپ، ءبىر جۇڭگو پرينسيبىن مويىنداۋ جانە وندا تاباندى بولۋ نەگىزىندە جۇڭگومەن ديپلوماتيالىق قارىم - قاتىناستى قالپىنا كەلتىرۋدى ۇيعاردى، بۇل ناۋرۋ – جۇڭگو قارىم - قاتىناسىنداعى ماڭىزدى بەلەس بولىپ، ناۋرۋ مەملەكەتى دامۋىنىڭ جانە ناۋرۋ – جۇڭگو قارىم - قاتىناسىنىڭ جاڭا پاراعىن اشتى. ناۋرۋ جۇڭگونىڭ ۇلكەن - كىشى مەملەكەتتەر بۇكىلدەي تەڭ بولۋدا تاباندى تۇرعانىن ايرىقشا القايدى، ءبىر جۇڭگو پرينسيبىندە بەرىك تۇرىپ، جۇڭگومەن بولعان سەلبەستىكتى ۇزدىكسىز تەرەڭدەتۋدى، ەكى مەملەكەتتىڭ قارىم - قاتىناستى قالپىنا كەلتىرۋىن ماڭىزدى وراي دەپ ءبىلىپ، جۇڭگومەن ءوز ارا قۇرمەت ەتىپ، تۇسىنىستىكتى تەرەڭدەتىپ، ادامدار بارىس - كەلىسىن جانە ءارقايسى سالاداعى سەلبەستىكتى كۇشەيتىپ، جۇڭگونىڭ تاجىريبەلەرىن ۇيرەنىپ جانە ۇلگى الىپ، مول تابىستى جانە ءوزارا ءتيىمدى ورتاق يگىلىكتەنەتىن سەرىكتەستىك قارىم - قاتىناستى دامىتۋدى قالايدى. بۇگىنگى دۇنيە ءجۇزى كوپتەگەن دۇنيە جۇزىلىك سىن - سايىسقا ءدوپ كەلىپ وتىر، ىنتىماق پەن سەلبەستىك بولعاندا عانا، ادامزاتتىڭ ورتاق العا باسۋى مەن كوركەيۋىن جۇزەگە اسىرۋعا بولادى. ءتوراعا شي جينپيڭ العا قويعان جەلىلەس دۇنيە جۇزىلىك باستامالار ماڭىزدى مانگە يە. ناۋرۋ ”ءبىر بەلدەۋ، ءبىر جولدى“ بىرگە قۇرۋعا بەلسەنە ات سالىسىپ، دۇنيە جۇزىلىك دامۋ باستاماسىن، دۇنيە جۇزىلىك حاۋىپسىزدىك باستاماسىن، دۇنيە جۇزىلىك وركەنيەت باستاماسىن تياناقتاندىرۋدى، جۇڭگو جاقپەن كليمات وزگەرىسىنە توتەپ بەرۋ سەلبەستىگىن كۇشەيتۋدى قالايدى.
كەڭەستەن كەيىن، ەكى ەلدىڭ مەملەكەت باسشىلارى ”ءبىر بەلدەۋ، ءبىر جولدى“ بىرگە قۇرۋ، دۇنيە جۇزىلىك دامۋ باستاماسىن تياناقتاندىرۋ، ەكونوميكالىق دامۋ، اۋىل شارۋاشىلىعى سياقتى سالالارداعى كوپتەگەن ەكى جاقتى سەلبەستىك قۇجاتىنا قول قويۋعا بىرگە كۋا بولدى.
ەكى جاق «جۇڭحۋا حالىق رەسپۋبليكاسى مەن ناۋرۋ رەسپۋبليكاسىنىڭ بىرلەسكەن مالىمدەمەسىن» جاريالايدى.
كەڭەستەن بۇرىن شي جينپيڭ حالىق سارايىنىڭ سولتۇستىك زالىندا ادياڭدى قارسى الۋ سالتىن وتكىزدى.
تيان - انمىن الاڭىندا 21 رەت ساليۋت اتىلىپ، قۇرمەت قاراۋىلى ساپ تۇزەپ قۇرمەت ءبىلدىردى. ەكى ەلدىڭ مەملەكەت باسشىلارى كوزدەن كەشىرۋ مىنبەسىنە شىقتى، اسكەري وركەستر جۇڭگو مەن ناۋ ەكى ەلدىڭ مەملەكەت ءانىن ورىندادى. ادياڭ شي جينپيڭنىڭ سەرىك بولۋىندا جۇڭگو حالىق ازاتتىق ارمياسىنىڭ قۇرمەت قاراۋىلىن كوزدەن كەشىردى ءارى سالتانات قاتارىن كوردى.
سول كۇنى كەشتە شي جينپيڭ حالىق سارايىنىڭ التىن ءتۇستى زالىندا ادياڭدى قارسى الۋ قوناعاسىن وتكىزدى.
ۋاڭ ي جوعارىداعى قيمىلدارعا قاتىناستى.
كەلۋ قاينارى: حالىق تورابى
 |
3 - ايدىڭ 25 - كۇنى تۇستەن كەيىن مەملەكەت ءتوراعاسى شي جينپيڭ حالىق سارايىندا جۇڭگوعا مەملەكەتتىك ساپارمەن كەلگەن ناۋرۋدىڭ زۇڭتۇڭى ادياڭمەن كەڭەس وتكىزدى. سۋرەتتە: كەڭەستەن بۇرىن شي جينپيڭ حالىق سارايىنىڭ سولتۇستىك زالىندا ادياڭدى قارسى الۋ سالتىن وتكىزۋدە. سۋرەتتى شينحۋا اگەنتتىگىنىڭ ءتىلشىسى شىن حۇڭ تۇسىرگەن.
|
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
