لي چياڭ دومينيكانىڭ زۇڭليى يسكەرريتپەن كەڭەس وتكىزدى
2024.03.26 16:13 كەلۋ قاينارى : حالىق تورابى
3 – ايدىڭ 25 – كۇنى تۇستەن بۇرىن مەملەكەتتىك كەڭەستىڭ زۇڭليى لي چياڭ بەيجيڭدەگى حالىق سارايىندا جۇڭگوعا رەسمي ساپارلاي كەلگەن دومينيكانىڭ زۇڭليى يسكەرريتپەن كەڭەس وتكىزدى. سۋرەتتە: كەڭەستەن بۇرىن لي چياڭ حالىق سارايىنىڭ سولتۇستىك زالىندا يسكەرريتتى قارسى الۋ سالتىن وتكىزۋدە. سۋرەتتى شينحۋا اگەنتتىگىنىڭ ءتىلشىسى ديڭ حايتاۋ تۇسىرگەن
شينحۋا اگەنتتىگى، 3 - ايدىڭ 25 – كۇنى، بەيجيڭ. مەملەكەتتىك كەڭەستىڭ زۇڭليى لي چياڭ 3 - ايدىڭ 25 – كۇنى تۇستەن بۇرىن حالىق سارايىندا جۇڭگوعا رەسمي ساپارلاي كەلگەن دومينيكانىڭ زۇڭليى يسكەرريتپەن كەڭەس وتكىزدى.
لي چياڭ مىنانى ءبىلدىردى: بيىل − جۇڭگو مەن دومينيكانىڭ ديپلوماتيالىق قارىم - قاتىناس ورناتقانىنىڭ 20 جىلدىعى. 20 جىلدان بەرى ەكى ەل باستان - اياق ءوزارا قۇرمەت ەتىپ، تەڭ تۇرعىدا مامىلە جاساپ، ەكى جاقتى قارىم - قاتىناستا باياندى ىلگەرىلەۋشىلىككە قول جەتكىزىپ، ءار سالاداعى سەلبەستىكتە مول تابىستارعا قول جەتكىزىپ، تۇرلىشە ۇلكەندى - كىشىلى ەلدەردىڭ ءوزارا پايدا جەتكىزىپ، تەڭ يگىلىككە كەنەلۋىنە ۇلگى ورناتتى. ءتوراعا شي جينپيڭ زۇڭلي مىرزامەن كەڭەس وتكىزىپ، جاڭا باستاماداعى جۇڭگو - دومينيكا قارىم - قاتىناسىنا جاڭا جوبا جاسايدى. جۇڭگو دومينيكامەن بىرگە ەكى ەل مەملەكەت باسشىلارىنىڭ ماڭىزدى ورتاق تانىمىن ويداعىداي تياناقتاندىرىپ، ساياسي سەنىمدىلىكتى اناعۇرلىم بەكەمدەپ، ەكى جاقتى قارىم - قاتىناس پەن سەلبەستىكتە تىڭ دا اناعۇرلىم زور دامۋعا قول جەتكىزۋدى ىلگەرىلەتۋدى قالايدى.
لي چياڭ بىلاي دەپ اتاپ كورسەتتى: جۇڭگو جاق باستان - اياق دومينيكانىڭ مەملەكەتتىڭ يەلىك ۇقىعىن قورعاۋىن، ءوز مەملەكەت جاعدايىنا ۇيلەسەتىن دامۋ جولىمەن ءجۇرۋىن قولدايدى، دومينيكامەن ”ءبىر بەلدەۋ، ءبىر جولدى“ بىرگە قۇرۋ جۇلگەسىندە نەگىزدىك قۇرىلعى قۇرىلىسى، اۋىل شارۋاشىلىعى، ساۋدا سياقتى ءداستۇرلى سالالارداعى سەلبەستىكتى ۇزدىكسىز كۇشەيتىپ، جاڭا ەنەرگيا، سيفرلى ەكونوميكا، كوك ءتۇستى ەكونوميكا سياقتى سەلبەستىكتىڭ جاڭا كورىەنۋ تۇيىندەرىن قالىپتاستىرىپ، دومينيكانىڭ اپاتتان ساقتانۋ، اپات زيانىن ازايتۋ قابىلەتىن جوعارىلاتۋىنا كومەكتەسىپ، اناعۇرلىم كوپ دامۋ ورايىنان بىرگە يگىلىكتەنۋدى قالايدى. جۇڭگو جاق جۇڭگو كاسىپورىندارىنىڭ دومينيكاعا بارىپ قارجى قوسىپ، شارۋاشىلىقتى گۇلدەندىرۋىن قولدايدى، دومينيكا سياقتى كارايب ەلدەرىنىڭ 4 - كەزەكتى جۇڭگو - كارايب ەكونوميكا - ساۋدا سەلبەستىك تالقى مىنبەرىنە بەلسەنە قاتىناسىپ، جۇڭگو مەن كارايب ەلدەرىنىڭ ەكونوميكا - ساۋدا سەلبەستىگىنە اناعۇرلىم كەڭ ءورىس اشۋىن قارسى الادى. ەكى جاق مادەنيەت، ساياحات، وقۋ - اعارتۋ سياقتى گۋمانيتارلىق اۋىس - كۇيىستى، سەلبەستىكتى كۇشەيتۋى كەرەك. جۇڭگو جاق دومينيكا جاقپەن كوپ جاقتى سالاداعى سايكەسۋدى، سەلبەسۋدى كۇشەيتىپ، وركەندەپ كەلە جاتقان ەلدەردىڭ ورتاق مۇددەسىن قورعاپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدى قالايدى.
يسكەرريت مىنالاردى ءبىلدىردى: دومينيكا مەن جۇڭگونىڭ اراسى الىس بولعانىمەن، ەكى ەل باستان - اياق ءوزارا قۇرمەت ەتىپ، تىعىز سەلبەسىپ، تەرەڭ دوستىق ورناتىپ، لاتىن امەريكاسى مەن جۇڭگو دوستىعىنىڭ ۇلگىسىن ورناتتى. دومينيكا جاق جۇڭگو جاقتىڭ دومينيكا جاقتىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرىپ، ەكونوميكالىق، قوعامدىق دامۋدى ىلگەرىلەتۋىنە زور كۇشپەن قولداۋ كورسەتكەنىنە العىس ايتادى. دومينيكا جاق ءبىر جۇڭگو پرينسيبىندە تاباندى بولىپ، ءارقانداي ەلدىڭ جۇڭگونىڭ ىشكى ىسىنە كيلىگۋىنە، جۇڭگونىڭ يەلىك ۇقىعىنا قول سۇعۋىنا باتىل قارسى تۇرادى. جۇڭگو دۇنيە ءجۇزىنىڭ بەيبىتشىلىگىن قورعاۋعا، بىرگە دامۋدى جەبەۋگە كۇش سالىپ، العا قويعان ”ءبىر بەلدەۋ، ءبىر جول“ باستاماسى مەن دۇنيە جۇزىلىك دامۋ باستاماسى، دۇنيە جۇزىلىك حاۋىپسىزدىك باستاماسى، دۇنيە جۇزىلىك وركەنيەت باستاماسى حالىقارالىق قوعامنىڭ بارعان سايىن كوپ قولداۋىنا يە بولدى. دومينيكا جاق جۇڭگو جاقپەن تىلدەسۋدى، پىكىرلەسۋدى اناعۇرلىم كۇشەيتىپ، ادامداردىڭ بارىس - كەلىسىن جيىلەتىپ، اۋىل شارۋاشىلىعى، نەگىزدىك قۇرىلعى قۇرىلىسى، ەلەكتروندىق ساۋدا، تۋىندامالى ەنەرگيا، وقۋ - اعارتۋ سياقتى سالالارداعى سەلبەستىكتى كەڭەيتىپ، كليمات وزگەرىسىنە قول ۇستاسا توتەپ بەرىپ، بىرلەسكەن مەملەكەتتەر ۇيىمىنىڭ 2030 - جىلعا دەيىنگى باياندى دامۋ كۇن ءتارتىبىن تياناقتاندىرىپ، دومينيكا - جۇڭگو تاعدىرلاس ورتاق تۇلعاسىن قۇرۋدى ىلگەرىلەتۋدى قالايدى. دومينيكا كارايب ەلدەرى مەن جۇڭگونىڭ اۋىس - كۇيىستى، سەلبەستىكتى كۇشەيتۋىنىڭ دانەكەرىنە اينالۋدى قالايدى.
كەڭەستەن كەيىن ەكى ەل زۇڭليلەرى ”ءبىر بەلدەۋ، ءبىر جولدى“ بىرگە قۇرۋ، اۋىل شارۋاشىلىعى، جاسىل دامۋ، نەگىزدىك قۇرىلعى قۇرىلىسى، دۇنيە جۇزىلىك دامۋ باتاماسىن تياناقتاندىرۋ سياقتى كوپ ءتۇرلى ەكى جاقتى سەلبەستىك قۇجاتتارىنا قول قويۋعا بىرگە كۋا بولدى.
كەڭەستەن بۇرىن لي چياڭ حالىق سارايىنىڭ سولتۇستىك زالىندا يسكەرريتتى قارسى الۋ سالتىن وتكىزدى.
ۋ جىڭلۇڭ جوعارىداعى قيمىلدارعا قاتىناستى.
سول كۇنى تۇستەن كەيىن يسكەرريت حالىق قاھارماندارى ەسكەرتكىشىنە گۇل شەڭبەر قويدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
