وقۋ – اعارتۋ مينيسترلىگى 2024 – جىلعى ادەتتەگى جوعارى مەكتەپتەرگە وقۋشى قابىلداۋ قىزمەتىن ورنالاستىردى
ەمتيحانعا تىزىمدەلۋدىڭ، وقۋشى قابىلداۋدىڭ تۇتاس بارىسىن باقىلاۋدى كۇشەيتەدى
2024.03.26 16:43 كەلۋ قاينارى : حالىق تورابى
تاياۋدا وقۋ – اعارتۋ مينيسترلىگى «2024 – جىلعى ادەتتەگى جوعارى مەكتەپتەرگە وقۋشى قابىلداۋ قىزمەتىن جاقسى ىستەۋ جونىندەگى ۇقتىرۋدى» (تومەندە قىسقارتىلىپ «ۇقتىرۋ» دەپ اتالادى) باسىپ تاراتىپ، 2024 – جىلعى ادەتتەگى جوعارى مەكتەپتەرگە وقۋشى قابىلداۋ قىزمەتىنە ورنالاستىرۋ جاسادى.
«ۇقتىرۋدا» جوعارى دەڭگەيدەگى ەمتيحان حاۋىپسىزدىگى جۇيەسىن ورناتۋ جانە كەمەلدەندىرۋ تالاپ ەتىلىپ، جەر – جەر، مەكتەپتەر تۇلعالىق جاۋاپكەرشىلىكتى جاپپاي تياناقتاندىرىپ، ءتۇرلى توسىن وقيعالاردى شۇعىل ءبىر جاقتى ەتۋ مەحانيزمى مەن جوباسىن كەمەلدەندىرۋ جانە اقاۋسىزداندىرۋ ورتاعا قويىلدى. تاراۋلاردىڭ سايكەسۋىن، سەلبەسۋىن كۇشەيتىپ، ەمتيحاندى ۇيىمداستىرىپ باسقارۋدى قاتايتىپ، قولفون ارقىلى قارالىق ىستەۋدى ارناۋلى جونگە سالۋ كەرەك. سونىمەن بىرگە، ”جوعارى مەكتەپ ەمتيحانىن قورعاۋ“ ارەكەتىن ىشكەرىلەي اتقارىپ، اماندىق ساقتاۋ، قاتىناس، دەنساۋلىق ساقتاۋ، جۇقپالى اۋرۋلاردان ساقتانۋ، شۋىلدى جونگە سالۋ، پسيحيكالىق جاقتان جەتەكشىلىك ەتۋ سياقتى كوپ جاقتى جالپىلىق قىزمەت وتەۋدى قامتاماسىز ەتۋدى كۇشەيتۋ كەرەك.
«ۇقتىرۋدا» مىنالار ايقىن بەلگىلەندى: وقۋشى قابىلداۋ جوسپارىن باسقارۋدى قاتايتىپ، مەملەكەتتىڭ ورتا، باتىس بولىكتەگى رايونداردىڭ وقۋشى قابىلداۋ سەلبەستىك جوسپارىن، ءتۇيىندى جوعارى مەكتەپتەردىڭ اۋىل – قىستاقتارعا جانە كەدەيلىكتەن ارىلعان وڭىرلەرگە باعىتتالعان ارناۋلى جوسپارىن ۇزدىكسىز اتقارىپ، بىرگە جۇرگەن پەرزەنتتەرىنىڭ بارعان جەرىندە جوعارى مەكتەپ ەمتيحانىنا قاتىناسۋ قىزمەتىن ويداعىداي ىستەۋ كەرەك. تىزىمدەلۋ تولىمدىلىعىن تەكسەرۋدى قاتاڭ ورىستەتىپ، ”جوعارى مەكتەپ ەمتيحانىنا بولا قونىس اۋدارۋعا“ قاتاڭ سوققى بەرۋ كەرەك.
«ۇقتىرۋدا» مىنالار دارىپتەلدى: جوعارى مەكتەپتەردىڭ ەمتيحان الۋ، وقۋشى قابىلداۋ رەفورماسىن ورنىقتى ىلگەرىلەتۋ ءارى وقۋشى قابىلداۋدى باسقارۋدى قاتاڭ ارناعا ءتۇسىرۋ كەرەك، جەر – جەر باقىلاۋ – باسقارۋ جاۋاپكەرشىلىگىن تياناقتاندىرىپ، تىزىمدەلۋ، ەمتيحان الۋ، قابىلداۋدىڭ جالپى بارىسىن باقىلاۋدى كۇشەيتۋ كەرەك. وقۋشى قابىلداۋ قىزمەت ءتارتىبىن قاتايتىپ، وقۋشى قابىلداۋ ينفورماتسياسىن جاريا ۇستاۋدى كۇشەيتىپ، بەلگىلەمەگە قايشىلىق جاساعانداردى تەكسەرىپ ءبىر جاقتى ەتۋ تەبىنىن ارتتىرۋ كەرەك.
بۇدان سىرت، ۇقتىرۋدا مىنالار تالاپ ەتىلدى: ەمتيحان ارقىلى وقۋشى قابىلداۋ ۇگىت قىزمەت وتەۋىن اناعۇرلىم ساپالىلاندىرىپ، جوعارى مەكتەپ ەمتيحانى ۇگىتىن كۇشەيتىپ، ينفورماتسيا جاريالاۋ، ساياساتتى ٴتۇسىندىرۋ جانە ىقىلاستى ەسكەرتۋ سياقتى قىزمەتتەردى ويداعىداي ىستەپ، تالاپ تولتىرۋ قىزمەت وتەۋىن كۇشەيتىپ، ەمتيحان بەرۋشىلەر مەن اتا - انالارعا كوپ ارنامەن الەۋمەتتىك قىزمەت وتەۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
