دەنە تاربيە باس مەكەمەسى سياقتى تاراۋلار: جاستار مەن ورەندەر فۋتبولىنىڭ جالپىلاسۋىن كۇشەيتىپ، ساباقتان سىرتقى جاتتىعۋدى مەكتەپتىڭ كۇندەلىكتى تاربيەلەۋ، وقىتۋ كولەمىنە ەنگىزۋ كەرەك
2024.03.26 16:45 كەلۋ قاينارى : حالىق تورابى
جاستار مەن ورەندەر فۋتبولىنىڭ جوعارى ساپالى دامۋىن جەدەل ىلگەرىلەتۋ ءۇشىن، دەنە تاربيە باس مەكەمەسى سياقتى تاراۋلار «جۇڭگو جاستار مەن ورەندەر فۋتبولىن رەفورمالاۋ، دامىتۋ جونىندەگى اتقارۋ پىكىرىن» زەرتتەپ باسىپ تاراتتى. «پىكىردە» مىناداي باستى نىسانالار ورتاعا قويىلدى:
2025 – جىلعا بارعاندا جوبا – جوسپار بويىنشا مەكتەپ فۋتبولىندا ەرەكشەلىگى بار مەكتەپ قۇرىلىسىن ىلگەرىلەتىپ، ۇنەمىلىك باعالاۋ جانە شەگىنىپ شىعۋ مەحانيزمىن ورناتادى. مەملەكەتتىك جوعارى دەڭگەيدەگى 5 فۋتبول زاپاس دارىندىلار بازاسى مەن ءبىر توپ ولكە، قالا دارەجەلى ەر، ايەل فۋتبولى جاستار جاتتىعۋ ورتالىعىن شىنايى يگەرىپ، جۇڭگو جاستار مەن ورەندەردىڭ فۋتبول بىرلەسكەن جارىسىن ەلىمىزدىڭ قامتۋ كولەمى ەڭ كەڭ، قاتىناسقان ادام سانى ەڭ كوپ، باسەكەلىك ورەسى ەڭ جوعارى، قوعامدىق ىقپالى ەڭ زور جاستار مەن ورەندەردىڭ فۋتبول ماڭداي الدى جارىسىنا اينالدىرادى، جاستار مەن ورەندەردىڭ ءوسىپ - جەتىلۋىنىڭ العاشقى قادامىن جاقسىراق ورنالاستىرىپ، دەنە تاربيە مەن وقۋ - اعارتۋ توعىسقان فۋتبول دارىندىلارىن تاربيەلەۋ جۇيەسىن العاشقى ادىمدا قالىپتاستىرادى.
2030 – جىلعا بارعاندا جاستار مەن ورەندەر فۋتبولىنىڭ سانى زور مولشەردە ارتادى، قۇرىلىمى ۇيلەسىمدى، ۇشتاسۋى ءتارتىپتى، جىگى ايقىن جاستار مەن ورەندەردىڭ فۋتبول جارىسى مەن جاتتىعۋ جۇيەسى ورنىقتى اينالىمعا تۇسەدى، ەرلەر مەن ايەلدەردىڭ مەملەكەتتىك فۋتبول كومانداسىنداعى ناتيجەسى ازيانىڭ الدىڭعى قاتارىنان ورىن الادى.
2035 - جىلعا بارعاندا، جاستار مەن ورەندەردىڭ فۋتبولىن باسقارۋ قابىلەتى جاپپاي جوعارىلاپ، جارىسقا جاتتىعۋ جۇيەسى ونان ارى كەمەلدەنىپ، جاستار مەن ورەندەردىڭ فۋتبول مەملەكەتتىك كومانداسى حالىقارالىق ماڭىزدى جارىستاردا ۇزدىك ناتيجەگە قول جەتكىزىپ، جۇڭگو فۋتبولىنىڭ جاپپاي گۇلدەنۋىنە پارمەندى تىرەك ازىرلەيتىن بولادى.
بۇدان سىرت، «پىكىردە» مىنالار اتاپ كورسەتىلدى: فۋتبول زاپاس دارىندىلارىن تاربيەلەۋ جۇيەسىن ورناتىپ جانە وندا جاڭالىق اشىپ، مەكتەپ فۋتبولىنىڭ ساباقتان سىرتقى جاتتىعۋ مەحانيزمىن كەمەلدەندىرۋ كەرەك. فۋتبولدا ەرەكشەلىگى بار مەكتەپتەردى وڭىرلەر بويىنشا ءبىرتۇتاس جوسپارلاۋدى كۇشەيتىپ، باعىتتامالى جوعارىلاپ وقۋ جۇلگەسىن ساپالىلاندىرىپ، وڭىرلەردىڭ، قالا، اۋىلدارداعى فۋتبول ەرەكشەلىگى بار مەكتەپتەردىڭ بىركەلكى دامۋىن ىلگەرىلەتۋ كەرەك. «مەملەكەتتىك جاستار مەن ورەندەردىڭ مەكتەپ فۋتبولىندا ەرەكشەلىگى بار مەكتەپ قۇرۋ ولشەمىندەگى» تالاپتاردى قاتاڭ تياناقتاندىرىپ، ەرەكشە مەكتەپتەر قۇرىلىسىنىڭ ساپاسىن جوعارىلاتۋ كەرەك. ساباقتان سىرتقى جاتتىعۋدى مەكتەپتىڭ كۇندەلىكتى وقۋ - وقىتۋ كولەمىنە ەنگىزىپ، كلاس جانە مەكتەپ فۋتبول كومانداسىن قۇرىپ، ءارقايسى وقۋ كەزەڭدەرىمەن ساباقتاسقان جاتتىعۋ جۇيەسىن اقاۋسىزداندىرىپ، جوعارى دەڭگەيلى جاتتىقتىرۋشىلاردىڭ وقىتۋعا جەتەكشىلىك ەتۋ جانە ساباقتان سىرتقى جاتتىعۋ قىزمەت مەحانيزمىن ورناتۋ كەرەك. ادەتتەگى مەكتەپتەردى جاستار جاتتىعۋ ورتالىعىمەن، دەنە تاربيە مەكتەپتەرىمەن، قوعامدىق جاستاردى تاربيەلەۋ قۇرىلىمدارىمەن جانە كاسىپتىك كلۋبتارمەن بىرگە قۇرىپ، جوعارى دەڭگەيدەگى مەكتەپتەردىڭ فۋتبول كوماندالارىن جەتىلدىرىپ، جۇڭگو جاستار مەن ورەندەر فۋتبول بىرلەسكەن جارىسىنىڭ ءار دارەجەلى جارىستارىنا ورنىقتى قاتىناسۋعا شابىتتاندىرۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
