ەلىمىزدە ايماق دارەجەلى جانە ودان جوعارى دارەجەلى قالالاردا (توتە قاراستى قالالار قامتىلمايدى) قالاداعى قورا – جاي سالاسىن قارجىلاندىرۋدى سايكەستىرۋ مەحانيزمى قۇرىلدى
2024.04.08 15:04 كەلۋ قاينارى : حالىق تورابى
حالىق گازەتىنىڭ ءتىلشىسى ديڭ يتيڭ 4 – ايدىڭ 7 – كۇنى بەيجيڭنەن حابارلايدى. ءتىلشىنىڭ جۋىردا تۇرعىن ءۇي جانە قالا – اۋىل قۇرىلىسى مينيسترلىگىنەن ۇعىسۋىنشا، قازىر 31 ولكە جانە شينجياڭ ءوندىرىس – قۇرىلىس بيڭتۋانىندا قورا – جاي سالاسىن قارجىلاندىرۋدى سايكەستىرۋدىڭ ولكە دارەجەلى مەحانيزمى قۇرىلعان، بارلىق ايماق دارەجەلى جانە ودان جوعارى دارەجەلى قالالاردا (توتە قاراستى قالالار قامتىلمايدى) قالاداعى قورا – جاي سالاسىن قارجىلاندىرۋدى سايكەستىرۋ مەحانيزمى قۇرىلىپ، قارجىلاندىرۋ ارقىلى قولداۋ كورسەتۋگە بولاتىن قورا – جاي نىساندارىنىڭ ”اق تىزىمدىگىن“ توپقا ءبولىپ ورتاعا قويدى ءارى ساۋدالىق بانكەلەرگە جولداپ بەردى.
قازىر بۇل قىزمەتتە بەلسەندى ىلگەرىلەۋشىلىكتەر بولعان. 3 – ايدىڭ 31 – كۇنى جەر – جەر جولداعان ”اق تىزىمدىكتەگى“ نىساندار ىشىندە 1979 نىسان بانكەنىڭ سەنىمىنە ساي 469 ميلليارد 30 ميلليون يۋان قاراجاتقا يە بولعان، 1247 نىسان 155 ميلليارد 410 ميلليون يۋان نەسيەگە يە بولعان.
ۇعىسۋعا قاراعاندا، بۇل مەحانيزمنىڭ قۇرىلۋى سەرىكتەستىكتەر توبىنىڭ قارىزدانۋ حاۋپى مەن نىساندىق سەرىكتەستىكتەردىڭ نىساندى اشۋ جانە ىسكە قوسۋ جاعىنداعى حاۋپىن پارىقتاۋعا، قورا – جاي سالۋشى سەرىكتەستىكتەردىڭ ۇيلەسىمدى نىساندارعا قارجى ەنگىزۋ قاجەتىنە اناعۇرلىم دالمە – ءدال قولداۋ كورسەتىپ، قورا – جاي بازارىنىڭ ورنىقتى دا اقاۋسىز دامۋىن ىلگەرىلەتۋگە پايدالى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
