ءونىمنىڭ وندىرىلگەن ۋاقىتىن تابۋ قيىن با؟
ەرەكشە ازىق – تۇلىكتەردىڭ وندىرىلگەن ۋاقىتى كورنەكتى ورىنعا انىق جازىلۋى كەرەك
2024.04.09 14:31 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى جاۋ ۋىنجۇن 4 – ايدىڭ 8 – كۇنى بەيجيڭنەن حابارلايدى. ءتىلشىنىڭ 4 – ايدىڭ 8 – كۇنى بازاردى باقىلاۋ – باسقارۋ باس مەكەمەسىنەن ۇعىسۋىنشا، ەرەكشە ازىق – تۇلىكتەردى وندىرەتىن سەرىكتەستىكتەردى ازىق – تۇلىكتەردىڭ وندىرىلگەن ۋاقىتى مەن جارامدى ۋاقىتىن كورنەكتى ورىنعا انىق جازۋعا شابىتتاندىرادى.
ەرەكشە ازىق – تۇلىكتەر دەگەنىمىز قۋاتتىق ازىق – تۇلىكتەردى، ەرەكشە ەمدەۋ ماقساتىندا پايدالاناتىن رەتسەپتىك ازىق – تۇلىكتەردى جانە نارەستەلەر مەن سابيلەرگە ارنالاتىن ازىق – تۇلىكتەردى قامتيدى، بۇل ونىمدەر الدىن الا قوراپتالاتىن ونىمدەر بولىپ، قارتتار مەن بالالار قاتارلى ءتۇيىندى ادامداردىڭ دەنساۋلىعىنىڭ سالاماتتىعى مەن ءومىرىنىڭ حاۋىپسىزدىگىنە سايادى.
تۇتىنۋشىلار اڭىس ەتكەن ازىق – تۇلىكتىڭ وندىرىلگەن ۋاقىتى مەن جارامدى ۋاقىتى كورسەتىلگەن جازۋلاردىڭ ”ءارىبىنىڭ كىشكەنە بولۋى، رەڭىنىڭ سولعىن بولۋى، وڭاي بايقالمايتىن جەرگە جازىلۋى“ قاتارلى ماسەلەلەر جونىندە بازاردى باقىلاۋ – باسقارۋ باس مەكەمەسى جۋىردا «ازىق – تۇلىك وندىرەتىن كاسىپورىنداردىڭ الدىن الا قوراپتالاتىن ازىق – تۇلىكتەردىڭ وندىرىلگەن ۋاقىتى مەن جارامدى ۋاقىتى جازىلاتىن بەلگىنى جاقسارتۋعا شابىتتاندىرۋ جونىندەگى ۇقتىرۋدى» جاريالاپ، ازىق – تۇلىك وندىرەتىن كاسىپورىنداردىڭ بەلسەندىلىكپەن باعىتتامالى تۇردە جاقسارتۋ شارالارىن اتقارىپ، تۇتىنۋشىلاردىڭ بۇل ينفورماتسيالاردى كورۋىنە قولايلىلىق جاراتۋىن ىلگەرىلەتەدى.
ەرەكشە ازىق – تۇلىكتەردى وندىرەتىن كاسىپورىندار قۇلاقتاندىرۋ مەن «قۋاتتىق ازىق – تۇلىكتەردىڭ بەلگىسىندەگى ەسكەرتۋ سوزدەردى قولدانۋ باعدارناماسىنداعى»، «ەرەكشە ەمدەۋ ماقساتىندا قولدانىلاتىن رەتسەپتىك ازىق – تۇلىكتەردىڭ بەلگىسى جونىندەگى باعدارناماداعى» تالاپتارمەن ۇشتاستىرا وتىرىپ، ساتىلىمعا شىعارىلاتىن ەڭ كىشكەنە قوراپتىڭ نەگىزگى بەتىندەگى كورنەكتى ورىنعا بەلگى جازۋى، ونىڭ ورنى ايقىن دا كورنەكتى بولۋى، ءتۇسىندىرۋى دۇرىس بولۋى، تابۋعا وڭاي بولۋى كەرەك. ءارىپ نۇسقاسى جاعىندا، بيىكتىگى ەڭ الاسا بولعاندا 3 ميلليمەتردەن تومەن بولمايتىن، بيىكتىگى مەن كەڭدىگىنىڭ سالىستىرماسى 3:1 نان ۇلكەن بولمايتىن ءارىپ، سيفر، تاڭبامەن وندىرىلگەن ۋاقىتىن جانە جارامدى ۋاقىتىن ەسكەرتۋگە، جىل، اي، كۇن سىندى رەت – ءتارتىبى بويىنشا ايقىن بەلگىلەۋگە شابىتتاندىرادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
