شي جينپيڭ فرانسيا مەريە قور قوعامىنىڭ ءتوراعاسى مەريەمەن جانە ونىڭ حانىمىمەن كەزدەستى

2024.04.09 15:39 كەلۋ قاينارى : حالىق تورابى

　　4 - ايدىڭ 8 - كۇنى مەملەكەت ءتوراعاسى شي جينپيڭ بەيجيڭدەگى حالىق سارايىندا فرانسيا مەريە قور قوعامىنىڭ ءتوراعاسى مەريەمەن جانە ونىڭ حانىمىمەن كەزدەستى.

　　سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن

　　شينحۋا اگەنتتىگى، 4 – ايدىڭ 8 – كۇنى، بەيجيڭ (ءتىلشى سۇ ي). 4 - ايدىڭ 8 - كۇنى مەملەكەت ءتوراعاسى شي جينپيڭ بەيجيڭدەگى حالىق سارايىندا فرانسيا مەريە قور قوعامىنىڭ ءتوراعاسى مەريەمەن جانە ونىڭ حانىمىمەن كەزدەستى.

　　شي جينپيڭ مەريە جانە ونىڭ حانىمىنىڭ، سونداي - اق مەريە قور قوعامىنىڭ ۇزاق ۋاقىتتان بەرى جۇڭگو - فرانسيا قارىم - قاتىناسىنىڭ دامۋىنا، جۇڭگونىڭ دەنساۋلىق ساقتاۋ، سالاماتتىق ىستەرىنە كوڭىل بولگەنىن جانە قولداۋ كورسەتكەنىن القادى.

　　شي جينپيڭ بىلاي دەپ دارىپتەدى: بۇگىنگى دۇنيە ءجۇزى 100 جىلدا بولماعان زور وزگەرىسكە ءدوپ كەلىپ، بىلىقپالىق قاباتتاسقان اۋمالى - توكپەلى مەزگىلگە ءوتتى. ادامزات قوعامى جاڭا تيپتى ايدارشا ۆيرۋس ىندەتى سياقتى دەنساۋلىق ساقتاۋ، سالاماتتىق سىن - سايىسىنا توتەپ بەرۋگە ءتيىستى بولۋمەن بىرگە، پالەستين - يزرايل قاقتىعىسى، ۋكراينا داعدارىسى سياقتى وڭىرلىك قاقتىعىستارعا تاپ بولدى. جۇڭگو جاق باستان - اياق بەيبىتشىلىكتى دارىپتەيدى، سوعىستى قالامايدى، سوعىستى توقتاتىپ، بەيبىتشىلىكتى جەبەپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە ۇندەيدى. بيىل − جۇڭگو مەن فرانسيانىڭ ديپلوماتيالىق قارىم - قاتىناس ورناتقانىنىڭ 60 جىلدىعى. 60 جىلدان بەرى نەشە ۇرپاق ادامدار جۇڭگو – فرانسيا قارىم - قاتىناسىنا مۇراگەرلىك ەتتى جانە ونى دامىتتى، ەكى ەلدىڭ دوستىعى ۋاقىت وتكەن سايىن بەكەمدەلە ءتۇستى. جۇڭگو جاق جۇڭگو مەن فرانسيانىڭ دوستىعىن قاستەرلەيدى، فرانسيامەن جوعارى جىكتەگىلەردىڭ بارىس - كەلىسىن ونان ارى كۇشەيتىپ، ءجيى اۋىس - كۇيىس جاساپ، سەلبەستىك ورناتىپ، جۇڭگو – فرانسيا قارىم - قاتىناسىنىڭ اناعۇرلىم جوعارى دەڭگەيگە كوتەرىلۋىن ىلگەرىلەتۋدى قالايدى. ۇزاق ۋاقىتتان بەرى جۇڭگو مەن فرانسيا دەنساۋلىق ساقتاۋ، سالاماتتىق ىستەرى سالاسىندا ءبىرقىدىرۋ سەلبەستىك ورىستەتىپ، سۇبەلى تابىستارعا قول جەتكىزدى. مەريە قور قوعامىنىڭ جۇڭگو جاقپەن سەلبەستىكتى ۇزدىكسىز تەرەڭدەتۋىن قارسى الامىز.

　　مەريە مىنانى ءبىلدىردى: ءتوراعا شي جينپيڭنىڭ قاربالاستىقتان ۋاقىت شىعارىپ كەزدەسكەنىنە العىس ايتامىن، بۇل فرانسيا حالقىنا دەگەن دوستىق سۇيىسپەنشىلىكتى تولىق ايگىلەدى ءارى ادامدى اسەرلەندىرەدى. مەنىڭ جۇڭگومەن بارىس - كەلىسىم جانە دوستىق سۇيىسپەنشىلىگىم 46 جىلدىڭ الدىندا باستالعان. تالاي جىلدان بەرى مەن جۇڭگونىڭ دامۋىنا، العا باسۋىنا باستان - اياق نازار اۋدارىپ كەلەمىن ءارى ءتانتى بولىپ وتىرمىن. مەريە قور قوعامى فرانسيا - جۇڭگو دوستىعى جانە دەنساۋلىق ساقتاۋ، سالاماتتىق ىستەرى سەلبەستىگىن ۇزدىكسىز بەلسەنە جەبەيدى.

　　ۋاڭ ي كەزدەسۋدە بىرگە بولدى.

　　

جاۋاپتى رەداكتورى : مانەپ ەربول ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved