لي چياڭ ەكونوميكالىق جاعداي ماماندارى مەن كاسىپورىنشىلار اڭگىمە ءماجىلىسىن باسقارىپ اشتى
2024.04.09 15:42 كەلۋ قاينارى : حالىق تورابى
شينحۋا اگەنتتىگى، 4 - ايدىڭ 8 – كۇنى، بەيجيڭ. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ 4 - ايدىڭ 8 – كۇنى تۇستەن كەيىن ەكونوميكالىق جاعداي ماماندارى مەن كاسىپورىنشىلار اڭگىمە ءماجىلىسىن باسقارىپ اشىپ، قازىرگى ەكونوميكالىق جاعداي جانە كەلەسى قادامداعى ەكونوميكالىق قىزمەت جونىندەگى ۇسىنىس - پىكىرلەردى تىڭدادى.
اڭگىمە ماجىلىسىندە جاڭ يۇييان، ۋ گى، پىڭ ۋىنشىڭ، باي چۇڭىن، گۋ جيە، جاڭ شاۋميڭ، لي شياندى، جياڭ يىڭ - ۋ قاتارلىلار ىلگەرىندى - كەيىندى ءسوز سويلەدى. كوپشىلىك بىلاي دەپ قارادى: بيىل جىل باسىنان بەرى كۇردەلى دە اۋىر سىرتقى ورتا الدىندا ەلىمىزدىڭ ەكونوميكالىق اينالىمى ۇزدىكسىز جاقسارۋ جاعدايىن ساقتادى. قيىنشىلىق پەن سىن - سايىس ءالى دە از بولماعانىمەن، ەكونوميكانىڭ دامۋىنداعى بەلسەندى فاكتورلار ۇزدىكسىز كوبەيىپ، بازار سەنىمى كۇشەيدى. كوپشىلىك قازىرگى ەكونوميكالىق اينالىمدا ورىن تەۋىپ وتىرعان قايشىلىقتار مەن ماسەلەلەرگە تۇرلىشە تۇرعىدان تالداۋ جاسادى ءارى ماكرولىق ساياساتتى ونان ارى كەمەلدەندىرۋ، ەكونوميكالىق قىزمەتتى ويداعىداي ىستەۋ جونىندە ۇسىنىس - پىكىر بەردى.
ماماندار مەن كاسىپورىنشىلاردىڭ لەبىزىن مۇقيات تىڭداعاننان كەيىن لي چياڭ بىلاي دەپ اتاپ كورسەتتى: بيىل جىل باسىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ءبىز ورنىقتىلىق بارىسىندا ىلگەرىلەۋدە، ىلگەرىلەۋ ارقىلى ورنىقتىلىقتى جەبەۋدە، الدىمەن ورناتىپ، ونان سوڭ كۇشىنەن قالدىرۋدا تاباندى بولىپ، ماكرولىق ساياساتتاردى العا قاراي كۇش سالا اتقارىپ، مەجەنى ورنىقتىرۋ، ارتۋدى ورنىقتىرۋ، جۇمىستاندىرۋدى ورنىقتىرۋ قىزمەتىن كورنەكتى تۇردە ويداعىداي ىستەپ، تاسىلدە بۇرىلىس جاساۋ، قۇرىلىمدى رەتتەۋ، ساپانى جوعارىلاتۋ، ونىمدىلىكتى ارتتىرۋ جاعىنا ۇزدىكسىز كۇش سالدىق، ساياساتتىڭ ونىمدىلىگى ۇزدىكسىز كورنەكتىلەندى. سونىمەن بىرگە، مىنانى دا سەرگەكتىكپەن كورە ءبىلۋىمىز كەرەك: قازىر سىرتقى ورتا كۇردەلى دە اۋىر، تۇراقسىز بولىپ وتىر، ەكونوميكالىق اينالىمدا ورىن تەۋىپ وتىرعان ماسەلەلەردى كۇش سالا شەشۋگە تۋرا كەلەدى. ەلىمىزدىڭ دامۋى بەرىك نەگىزگە، كوپتەگەن ابزالدىققا جانە وراسان زور كومەسكى كۇشكە يە، ۇزاق ۋاقىت جاقسارۋ اۋقىمى وزگەرمەيدى، ەكونوميكانىڭ باياندى، اقاۋسىز دامۋىن ساقتاۋعا سەنىمىمىز كامىل، قۋاتىمىز قاپتال جەتەدى.
لي چياڭ مىنالاردى دارىپتەدى: ەكونوميكانىڭ قايتا ورلەۋ جاعدايىن بەكەمدەۋ جانە كۇشەيتۋ ءۇشىن، ءسوز جوق، ورتالىقتىڭ ەكونوميكالىق قىزمەت ءماجىلىسى مەن مەملەكەتتىك ەكى ءماجىلىستىڭ رۋحىن ەگجەي - تەگجەيلى تياناقتاندىرۋدى مىقتى يگەرىپ، ءتۇرلى ورنالاستىرۋلاردىڭ جەدەل تياناقتانىپ، ناتيجە بەرۋىن ىلگەرىلەتۋ كەرەك. نەگىزدى ۇزدىكسىز بەكەمدەپ، ارتۋدى ورنىقتىرۋ مەن سەرپىندى ارتتىرۋدى ءبىر تۇتاس جوسپارلاپ، ساياساتتىڭ جەتەكشىلىك رولىن ساۋلەلەندىرىپ، تيجارات تۇلعالارىنىڭ ومىرشەڭدىك كۇشىن ونان ارى تاسقىنداتىپ، دامۋدىڭ ىشكى قوزعاۋشى كۇشىن ارتتىرۋ كەرەك. بىرىكپە اسەردى كۇشەيتىپ، ماكرولىق ساياسات بەتالىسىنىڭ بىردەيلىگىن كۇشەيتىپ، كەيبىر ءتۇيىندى، قيىن ماسەلەلەردى جۇيەلى شەشۋ كەرەك. دالمە - ءدال شارا قولدانۋعا باسا ءمان بەرىپ، عىلىم - تەحنيكادا جاڭالىق اشۋ ارقىلى كاسىپ سالاسىندا جاڭالىق اشۋدى ىلگەرىلەتۋ سىندى شەشۋشى ءتۇيىن مەن ءونىمدى سۇرانىستىڭ جەتكىلىكسىزدىگى سىندى كورنەكتى قايشىلىقتى مىقتى يگەرىپ، ماكرولىق ساياساتتىڭ ميكرولىق جاققا جەتكىزىلۋىنىڭ ناقتى ونىمدىلىگىن جوعارىلاتۋ كەرەك. تومەنگى شەكتى باتىل ساقتاپ، ۇستىنەن وڭاۋ مەن تۇبىرىنەن وڭاۋدى ۇشتاستىرىپ، ءتۇيىندى سالالارداعى حاۋىپ - قاتەردى جويۋ كەرەك. حالىق تۇرمىسى قىزمەتىن كورنەكتى ورىنعا قويىپ، دامۋ وي جەلىسى ارقىلى حالىق تۇرمىسىنداعى ولقىلىقتاردى تولىقتاۋ ماسەلەسىنە مامىلە جاساپ، حالىق تۇرمىسىنداعى ناقتى ىستەردى ءبىر - بىرلەپ ويداعىداي ىستەۋ كەرەك.
لي چياڭ مامان - وقىمىستىلاردىڭ رەالدىققا تامىر تارتىپ، ىشكەرىلەي زەرتتەۋ جۇرگىزىپ، ەكونوميكالىق، قوعامدىق دامۋدى ىلگەرىلەتۋگە اناعۇرلىم كوپ اقىل - پاراساتتىق قولداۋ كورسەتۋىن ءۇمىت ەتتى. قالىڭ كاسىپورىنشىلاردىڭ جاڭالىق اشا دامۋعا دەن قويىپ، بازاردى بەلسەنە اشىپ، باتىلدىقپەن ىستەپ، باتىلدىقپەن قارجى قوسىپ، كاسىپورىن ىستەرىن تىڭعىلىقتى جاقسى ىستەۋىن ءۇمىت ەتتى.
ۋ جىڭلۇڭ اڭگىمە ماجىلىسىنە قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
