جوعارى مەكتەپتەردىڭ شينجياڭنان وقۋشى قابىلداۋىنا قاتىستى ساياساتتار تۋرالى 2024 – جىلعى تۇڭعىش رەتكى ۇگىت جۇرگىزۋ جانە كەڭەس بەرۋ قيمىلى 4 – ايدىڭ 14 – كۇنى وتكىزىلەدى
2024.04.09 15:59 كەلۋ قاينارى : حالىق تورابى
انار بۇلت \ شينجياڭ گازەتىنىڭ ءتىلشىسى شىن زۋشياۋ حابارلايدى. شينجياڭ وقۋ – اعارتۋ جانە ەمتيحان ىستەرى مەكەمەسى ۇيىمداستىرعان، شينجياڭ گازەتشىلىك تاراتۋ مەدياسى (توبى) شەكتى سەرىكتەستىگى مىندەتىنە العان جوعارى مەكتەپتەردىڭ شينجياڭنان وقۋشى قابىلداۋىنا قاتىستى ساياساتتار تۋرالى 2024 – جىلعى تۇڭعىش رەتكى ۇگىت جۇرگىزۋ جانە كەڭەس بەرۋ قيمىلى 4 – ايدىڭ 14 – كۇنى ءۇرىمجى قالاسىندا وتكىزىلەدى.
سول كەزدە، اۆتونوميالى رايون كولەمىندەگى 70 تەن استام ايگىلى ءتۇيىندى جوعارى مەكتەپتىڭ وقۋشى قابىلداۋ قىزمەتىنە جاۋاپتى گرۋپپاسىنداعى وقىتۋشىلار قيمىل وتكىزىلگەن جەرگە بارىپ، جوعارى مەكتەپتەردىڭ وقۋشى قابىلداۋىنا قاتىستى ساياساتتار، تاربيەلەۋ فورماسى، جۇمىستانۋ جاعدايى قاتارلىلاردى كاسىپتىك تۇرعىدان تۇسىندىرەدى ءارى ەمتيحان بەرۋشىلەرمەن جانە ولاردىڭ اتا – انالارىمەن بەتپە – بەت اڭگىمەلەسەدى. سونىمەن بىرگە، شينجياڭ وقۋ – اعارتۋ جانە ەمتيحان ىستەرى مەكەمەسى ارناۋلى كەڭەس بەرۋ تەكشەسىن ورنالاستىرىپ، ەمتيحان بەرۋشىلەر مەن ولاردىڭ اتا – انالارىنىڭ جوعارى مەكتەپكە وقۋشى قابىلداۋعا قاتىستى كەڭەس سۇراۋىن قابىلدايدى.
جوعارى مەكتەپتەرگە وقۋشى قابىلداۋعا قاتىستى ساياساتتار جونىندە ۇگىت جۇرگىزۋ، كەڭەس بەرۋ قيمىلى — جوعارى مەكتەپتەر، ەمتيحان بەرۋشىلەر، اتا – انالار اراسىنداعى بەتپە – بەت اڭگىمەلەسەتىن ماڭىزدى تەكشە، شينجياڭ وقۋ – اعارتۋ جانە ەمتيحان ىستەرى مەكەمەسى 2024 – جىلى جوعارى مەكتەپتەرگە وقۋشى قابىلداۋ جاعىنداعى ساياساتتار جونىندە ۇگىت جۇرگىزۋ جانە كەڭەس بەرۋ قيمىلىن 2 رەت ۇيىمداستىرادى، 4 – ايدىڭ 14 – كۇنى تۇڭعىش رەتكى ۇگىت جۇرگىزۋ جانە كەڭەس بەرۋ قيمىلى وتكىزىلەدى، جوعارى مەكتەپ ەمتيحانى اياقتاعان سوڭ، ۇيلەسىمدى ۋاقىتتا جوعارى مەكتەپتەردىڭ وقۋشى قابىلداۋىنا قاتىستى ساياساتتار جونىندە تاعى ءبىر رەت اناعۇرلىم زور كولەمدى ۇگىت جۇرگىزۋ جانە كەڭەس بەرۋ قيمىلىن ۇيىمداستىرادى، ناقتى ۋاقىتىن شينجياڭ وقۋ – اعارتۋ جانە ەمتيحان ىستەرى مەكەمەسىنىڭ رەسمي تورابى (توراپ جالعانىمى: www.xjzk.gov.cn)، رەسمي ۋيشين تەكشەسى ”شينجياڭ وقۋشى قابىلداۋ“ (ۋيشين ءنومىرى: xjzs140304) اتتى ۋيشين تەكشەسى ارقىلى ۇعىسۋعا بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
