چيڭحاي ولكەسىنىڭ سايدام ويپاتىنان ءىرى تيپتى التىن كەنى بايقالدى
20 ميلليارد يۋاننان استام كومەسكى ەكونوميكالىق قۇن جاراتادى
2024.04.09 16:00 كەلۋ قاينارى : حالىق تورابى
سۋرەتتە: چيڭحاي ولكەسى سايدامنىڭ وڭتۇستىك – سولتۇستىك جيەگىندەگى ءىرى تيپتى ەرەكشە كولەمدى التىن كەنىنىڭ تەرەڭ قاباتىنداعى بايلىق قاينارىن مەجەلەۋ سىندى زەرتتەۋ نىسانىنىڭ قىزمەتكەرلەرى جاپان تۇزدە بارلاۋ – ولشەۋ قىزمەتىن ورىستەتۋدە.
جۇڭگو اقپارات تورابىنىڭ 4 – ايدىڭ 7 – كۇنى بەرگەن حابارى (چي زىڭبەي) 4 – ايدىڭ 7 – كۇنى، چيڭحاي ولكەسى سايدامنىڭ وڭتۇستىك – سولتۇستىك جيەگىندەگى ءىرى تيپتى ەرەكشە كولەمدى التىن كەنىنىڭ تەرەڭ قاباتىنداعى بايلىق قاينارىن مەجەلەۋ سىندى زەرتتەۋ نىسانىنىڭ جاۋاپتىسى ۋىن بين جۇڭگو اقپارات تورابىنىڭ سۇحباتىن قابىلداعان كەزدە: ”2021 – جىلدان بەرى، ءبىز چيڭحاي ولكەسى سايدام ويپاتىنىڭ وڭتۇستىك – سولتۇستىك جيەگىندەگى تانجيانشان، ۋلۇڭگوۋ التىن كەنىندە كەن ىزدەۋدە كەلەلى ناتيجەگە قول جەتكىزدىك، جاڭادان ارتقان التىن بايلىق قورى 43،2 توننا بولىپ، 20 ميلليارد يۋاننان استام كومەسكى ەكونوميكالىق قۇن جاراتادى“، _ دەدى.
جۇڭگوداعى ”ىرىستى ولكە“ دەپ اتالعان سايدام ويپاتى چيڭحاي ولكەسى حايشي موڭعۇل – زاڭزۋ اۆتونوميالى وبلىسىندا، كولەمى 25.65 شارشى كيلومەتر، جۇڭگوداعى ەنەرگيا جانە كەن بايلىعى مول شوعىرلانعان ماڭىزدى وڭىرلەردىڭ ءبىرى. مۇندا، سايدام ويپاتىنىڭ سولتۇستىك جيەگىندەگى تانجيانشان كومىر كەنى مەن سايدام ويپاتىنىڭ وڭتۇستىك جيەگىندەگى ۋلۇڭگوۋ كەنى چيڭحاي ولكەسى سايدام ويپاتىنىڭ وڭتۇستىك – سولتۇستىك جيەگىندەگى كەن بەلدەۋىندەگى، شىعىس كۇنلۇن كەنگە اينالعان بەلدەۋىندەگى ەڭ ۋاكىلدىك سيپاتقا يە ءىرى تيپتى كولەمدى التىن كەنى الابى سانالادى، سونىمەن بىرگە، چيڭحاي ولكەسىندەگى ”عىلىمي زەرتتەۋ – بارلاۋ جانە تەكسەرۋ – اشۋ“ ءبىرتۇلعالاندىرىلعان ۇلگى كورسەتۋ تيپىندەگى كەن ورنى سانالادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
