شي جينپيڭ مەن برازيليا زۇڭتۇڭى لۋلا جۇڭگو _ برازيليا ەكى پارتياسىنىڭ 7 ـ كەزەكتى نازاريالىق زەرتتەۋ ـ تالقى ماجىلىسىنە قۇتتىقتاۋ حاتىن جولدادى
2024.04.11 09:11 كەلۋ قاينارى : شينجياڭ گازەتى
شينحۋا اگەنتتىگىنىڭ 4 ـ ايدىڭ 9 ـ كۇنى بەيجيڭنەن بەرگەن حابارى. 4 ـ ايدىڭ 9 ـ كۇنى جۇڭگو كوممۋنيستىك پارتياسى مەن برازيليا ەڭبەكشىلەر پارتياسىنىڭ 7 ـ كەزەكتى نازاريالىق زەرتتەۋ تالقى ٴماجىلىسى بەيجيڭدە وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى شي جينپيڭ مەن برازيليا ەڭبەكشىلەر پارتياسىنىڭ قۇرمەتتى ٴتوراعاسى، زۇڭتۇڭ لۋلا زەرتتەۋ ـ تالقى ماجىلىسىنە جەكە ـ جەكە قۇتتىقتاۋ حاتىن جولدادى.
شي جينپيڭ قۇتتىقتاۋ حاتىندا مىنالاردى ٴبىلدىردى: 2022 ـ جىلى 10 ـ ايدا جۇڭگو كوممۋنيستىك پارتياسىنىڭ مەملەكەتتىك 20 ـ قۇرىلتايى جۇڭگو كوممۋنيستىك پارتياسىنىڭ وزەكتى مىندەتى بۇكىل ەلدەگى ٴار ۇلت حالقىن ىنتىماقتاستىرىپ جانە باستاپ، جاپپاي سوتسياليستىك وسىزاماندانعان قۇدىرەتتى مەملەكەت قۇرىپ، ەكىنشى 100 جىلدىق كۇرەس نىساناسىن جۇزەگە اسىرىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسى مەن جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ ەكەندىگىن ايقىندادى. 2023 ـ جىلى 1 ـ ايدا برازيليا ەڭبەكشىلەر پارتياسى تاعى دا بيلىك باسىنا شىققاننان كەيىن، ”جەدەل ارتتىرۋ جوسپارى“، ”جاڭا ونەركاسىپ جوسپارى“ سياقتى دامۋ ستراتەگيالارىن زور كۇشپەن ىلگەرىلەتىپ، باياندى، جان ـ جاقتى دامۋدى جۇزەگە اسىرۋعا كۇش سالدى. وسى رەتكى جۇڭگو _ برازيليا ەكى پارتياسىنىڭ ”بيلىك باسىنداعى پارتيا قۇرىلىسىن كۇشەيتىپ، وسىزامانداندىرۋ جولىن قاراستىرۋدى“ نەگىزگى تاقىرىپ ەتىپ نازاريالىق زەرتتەۋ ـ تالقى جۇرگىزۋى ٴدال ۋاعىندا بولدى، بۇل بيلىك باسىنداعى پارتيانىڭ قابىلەت قۇرىلىسىن كۇشەيتۋدە، ٴوز ەلىنىڭ جاعدايىنا ۇيلەسەتىن وسىزامانداندىرۋ جولىن قاراستىرۋدا ماڭىزدى مانگە يە.
شي جينپيڭ بىلاي دەپ اتاپ كورسەتتى: بيىل جۇڭگو مەن برازيليانىڭ ديپلوماتيالىق قارىم ـ قاتىناس ورناتقاندىعىنىڭ 50 جىلدىعى، جۇڭگو كوممۋنيستىك پارتياسى مەن برازيليا ەڭبەكشىلەر پارتياسى قارىم ـ قاتىناس ورناتقاندىعىنىڭ 40 جىلدىعى. جاڭا تاريحي باستامادا تۇرىپ، جۇڭگو كوممۋنيستىك پارتياسى برازيليا ەڭبەكشىلەر پارتياسىمەن ەل باسقارۋ تاجىريبەلەرىن اۋىستىرۋدى، ٴوزارا ۇلگى الۋدى تەرەڭدەتىپ، وزدەرىنىڭ پارتيا قۇرىلىسى مەن مەملەكەتتىڭ دامۋىن، العا باسۋىن ىلگەرىلەتىپ، جاڭا داۋىردەگى جۇڭگو _ برازيليا قارىم ـ قاتىناسىنىڭ العا قاراي ۇزدىكسىز دامۋىنا جەتەكشىلىك ەتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە اناعۇرلىم زور ۇلەس قوسۋدى قالايدى.
لۋلا قۇتتىقتاۋ حاتىندا مىنالاردى ٴبىلدىردى: بيىل برازيليا مەن جۇڭگو ديپلوماتيالىق قارىم ـ قاتىناس ورناتقاندىعىنىڭ 50 جىلدىعىن قارسى الادى، بۇل ەكى جاقتىڭ تاعدىرلاس ورتاق تۇلعا قۇرۋ نىساناسىنا قاراي اۋىس ـ كۇيىس، سەلبەستىك ورىستەتىپ، دوستىقتى تەرەڭدەتكەن 50 جىل. بىلتىر مەن باس شۋجي شي جينپيڭمەن بىرگە ەكى ەلدىڭ جان ـ جاقتى ستراتەگيالىق سەرىكتەستىك قارىم ـ قاتىناسىنىڭ جاڭا كەزەڭگە قادام تاستاۋىن ىلگەرىلەتتىك. برازيليا _ جۇڭگو قارىم ـ قاتىناسى ەكى ەل جونىنەن عانا ەمەس، بۇكىل دۇنيە ٴجۇزى جونىنەن دە توتەنشە ماڭىزدى. ٴبىز سەلبەستىك ارقىلى بىرلەسكەن مەملەكەتتەر ۇيىمى سياقتى الەمدىك باسقارۋدىڭ ٴداستۇرلى مەحانيزمىن بەكەمدەيمىز، سونىمەن بىرگە ”77 ەل توبى جانە جۇڭگو“، بريكس ەلدەرى جانە جۇڭگو _ لاتىن امەريكاسى تالقى مىنبەرى، ”نەگىزدىك 4 ەل“ سياقتى تۇستىك ەلدەر سەلبەستىگىنىڭ شەشۋشى مەحانيزمىن كۇشەيتەمىز. برازيليا ەڭبەكشىلەر پارتياسى مەن جۇڭگو كوممۋنيستىك پارتياسىنىڭ قارىم ـ قاتىناسى ەكى ەل قارىم ـ قاتىناسىنىڭ ماڭىزدى قۇرامداس ٴبولىمى. وسى رەتكى ەڭبەكشىلەر پارتياسى جوعارى دارەجەلى كادرلار تەكسەرۋ ۇيىرمەسىنىڭ جۇڭگوعا ساپارلاي بارۋداعى، سونداي ـ اق جۇڭگو كوممۋنيستىك پارتياسى مەن برازيليا ەڭبەكشىلەر پارتياسىنىڭ 7 ـ كەزەكتى نازاريالىق زەرتتەۋ ـ تالقى ماجىلىسىنە قاتىناسۋداعى ماقساتى _ جۇڭگو كوممۋنيستىك پارتياسىمەن ەل باسقارۋ تاجىريبەلەرىن اۋىستىرۋ، سونداي ـ اق بىردەي قىزىعۋشىلىق تانىتقان كەڭەستىك تاقىرىپتار جونىندە ىشكەرىلەي تالقى جۇرگىزۋ جانە سەلبەستىك جاساۋ. مەن ەكى جاقتىڭ، ٴسوز جوق، اناعۇرلىم كوپ توعىسۋ ٴتۇيىنى مەن سەلبەستىك ورايىن تابا الاتىندىعىنا كامىل سەنەمىن. برازيليا مەن جۇڭگو ەكى ەل پارتيالارى، ەكى ەل ۇكىمەتتەرى جانە ەكى ەل حالقى اراسىنداعى اۋىس ـ كۇيىس اناعۇرلىم جيىلەيدى جانە سۇبەلى ناتيجەگە قول جەتكىزەتىن بولادى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
