ەكى تاراۋ 2024 – جىلعى ”زاتتىڭ ءتۇرىن كوبەيتۋ، زاتتىڭ ساپاسىن جوعارىلاتۋ، تاڭداۋلى زات جاراتۋ“ جاعىنداعى مەملەكەتتىك ساپار قيمىلىن بىرلەسىپ ورىستەتەدى
2024.04.16 14:58 كەلۋ قاينارى : حالىق تورابى
ءتىلشىنىڭ 4 – ايدىڭ 15 – كۇنى ونەركاسىپ جانە ينفورماتسيالاندىرۋ مينيسترلىگىنەن ۇعىسۋىنشا، ونەركاسىپ جانە ينفورماتسيالاندىرۋ مينيسترلىگى مەن ساۋدا مينيسترلىگى 2024 – جىلى 4 – ايدان باستاپ 12 – ايعا دەيىن 2024 – جىلعى ”زاتتىڭ ءتۇرىن كوبەيتۋ، زاتتىڭ ساپاسىن جوعارىلاتۋ، تاڭداۋلى زات جاراتۋ“ جاعىنداعى مەملەكەتتىك ساپار قيمىلىن ورىستەتەدى، جەرگىلىكتى كاسىپ سالاسىنىڭ شوعىرلى ابزالدىلىعى مەن وڭىرلىك دامۋ ەرەكشەلىگىن كورنەكتىلەندىرىپ، تۇتىنۋعا ارنالعان تاۋارلار ونەركاسىبى سالاسىنداعى ”زاتتىڭ ءتۇرىن كوبەيتۋ، زاتتىڭ ساپاسىن جوعارىلاتۋ، تاڭداۋلى زات جاراتۋ“ جاعىندا ستراتەگيالىق ۇلگى كورسەتەتىن قالالاردىڭ جەتەكشىلىك رولىن ساۋلەلەندىرىپ، تۇتىنۋعا ارنالعان تاۋارلار بازارىن قامداۋدىڭ دارەجەسىن جوعارىلاتۋدى جانە جاڭالىق اشۋدى ارتتىرىپ، كوپ ساتىلى، كوپ نەگىزدى تۇتىنۋ قاجەتىن اناعۇرلىم جوعارى دەڭگەيدە قاناعاتتاندىرادى.
ۇعىسۋعا قاراعاندا، وسى رەتكى ”زاتتىڭ ءتۇرىن كوبەيتۋ، زاتتىڭ ساپاسىن جوعارىلاتۋ، تاڭداۋلى زات جاراتۋ“ قيمىلىنىڭ باستى تاقىرىبى — ”ايگىلى، ساپالى، جاقسى زاتتارمەن قامداۋدى كۇشەيتىپ، زاتتىڭ ساپاسىن جوعارىلاتىپ، تاڭداۋلى زات جاراتىپ، زاتتىڭ دارەجەسىن جوعارىلاتۋدى ىلگەرىلەتۋ“.
تانىستىرۋعا قاراعاندا، قيمىل مەزگىلىندە توقىماشىلىق جانە كيىم – كەشەك، ازىق – تۇلىك جانە ءدارى – دارمەك، وتباسىلىق ەلەكتر جابدىقتارى قاتارلى ءتۇيىندى كاسىپ سالالارىنا باعىتتاي وتىرىپ، زەردەلى ەلىكتەمەلى سىناق نۇسقا، دارالىق ەرەكشەلىگىنە قاراي تاپسىرىسپەن جاساۋ، يكەمدى جاساۋ، تەز قامداۋ تىزبەگى قاتارلى تىڭ تۇتىنۋ ورتاسىن جالپىلاستىرىپ، سيفرلى تۇتىنۋ، جاسىل تيپتى تۇتىنۋ، سالاماتتى تۇتىنۋ جاڭا فورماسىن جەتىلدىرەدى جانە اشادى. ”الارماندار ينتەرنەت ارقىلى زاۆودتى كورۋ“، ”تۇتىنۋشىلار باقشا رايونىنا بارۋ“ سىندى تاسىلدەر جاعىندا ىزدەنىس جاساپ، وڭىرلىك ابزالدىلىققا يە ساپالى ماركالاردى ساتۋدى ىلگەرىلەتىپ، جاڭاشا تۇتىنۋ سالاسى مەن جاڭاشا جاساۋ سالاسىن ۇشتاستىرىپ، ساپالى قامداۋ ارقىلى تۇتىنۋدىڭ دارەجەسىن جوعارىلاتۋدى ىلگەرىلەتەدى.
مۇنان سىرت، ”داستۇرمەن ۇشتاستىرۋ جارىسى“، وتاندىق ساپالى زاتتاردى وتىمدىلەندىرۋ، ”زاتتىڭ ءتۇرىن كوبەيتۋ، زاتتىڭ ساپاسىن جوعارىلاتۋ، تاڭداۋلى زات جاراتۋ“ قيمىلىن اۋىل – قىستاقتارعا جەتكىزۋ، تۇتىنۋ تاۋارلارىن العاندارعا تاۋاردىڭ كونەسىن جاڭاسىنا اۋىستىرىپ بەرۋ قاتارلى قيمىلداردى ورىستەتىپ، داستۇرمەن ۇشتاستىرىلعان تاڭداۋلى زاتتاردىڭ ىقپالىن جوعارىلاتىپ، تاڭداۋلى زاتتاردى تۇتىنۋدىڭ، ساپالى زاتتاردى تۇتىنۋدىڭ جۇرت جۇرەگىنە ۇيالاۋىن ىلگەرىلەتىپ، تۇتىنۋعا ارنالعان تاۋارلار كاسىبى ەكونوميكاسىنىڭ اينالىمدى دامۋىنا دەم بەرەدى. (ءتىلشى ۋاڭ يۋەياڭ، جاڭ شينين)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
