«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى
مادەنيەت مۇرالارىن قورعاۋدى، وعان مۇراگەرلىك ەتۋدى كۇشەيتىپ، جۇڭحۋانىڭ تاڭداۋلى ءداستۇرلى مادەنيەتىن ساۋلەلەندىرەيىك
2024.04.16 15:38 كەلۋ قاينارى : حالىق تورابى
شينحۋا اگەنتتىگى، 4 - ايدىڭ 15 - كۇنى، بەيجيڭ. 4 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 8 - سانىندا ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «مادەنيەت مۇرالارىن قورعاۋدى، وعان مۇراگەرلىك ەتۋدى كۇشەيتىپ، جۇڭحۋانىڭ تاڭداۋلى ءداستۇرلى مادەنيەتىن ساۋلەلەندىرەيىك» اتتى ماڭىزدى ماقالاسى جاريالانادى. بۇل باس شۋجي شي جينپيڭنىڭ 2013 - جىلى 8 – ايدان 2023 - جىلى 9 – ايعا دەيىنگى قاتىستى ماڭىزدى پايىمداۋلارىنان ۇزىندىلەر.
ماقالادا مىنالار دارىپتەلدى: جۇڭحۋا وركەنيەتىنىڭ تاريحى ۇزاق، ەشقاشان ءۇزىلىپ كورگەن ەمەس، ۇلى ۇلتىمىزدى سومدادى. مادەني بۇيىمدار مەن مادەني مۇرالار جۇڭحۋا ۇلتىنىڭ گەنى مەن قان تامىرىن ارقالاپ وتىر، ول − قايتا تۋىندامايتىن، ورنىن وگەيسىتۋگە بولمايتىن جۇڭحۋانىڭ تاڭداۋلى وركەنيەت بايلىعى. بىزگە عانا ەمەس، ۇرپاقتارىمىزعا دا ءتان. پارتيا ورتالىق كوميتەتىنىڭ قورعاۋدى ءبىرىنشى ورىنعا قويۋدا تاباندى بولۋ، باسقارۋدى كۇشەيتۋ، قۇندى اشۋ، ءونىمدى پايدالانۋ، مادەني مۇرالاردى جانداندىرۋ جونىندەگى قىزمەت تالابىن مۇقيات دايەكتىلەندىرىپ، تياناقتاندىرىپ، مادەني مۇرالاردى قورعاۋ، پايدالانۋ جانە مادەني مۇرالاردى قورعاۋ، جالعاستىرۋ دەڭگەيىن جاپپاي جوعارىلاتۋ كەرەك.
ماقالادا مىنالار اتاپ كورسەتىلدى: مادەني ەسكەرتكىشتەردىڭ سويلەۋىنە، تاريحتىڭ سويلەۋىنە، مادەنيەتتىڭ سويلەۋىنە مۇمكىندىك جاساۋ كەرەك. ءداستۇرلى مادەنيەت بايلىعىن جۇيەلى رەتتەپ، وردادا ساقتالعان مادەني مۇرالاردى، بايتاق دالادا قويىلعان مۇرالاردى، بايىرعى كىتاپتاردا جازىلعان جازۋلاردى جانداندىرۋ كەرەك. مادەني مۇرالاردى قورعاۋدى، پايدالانۋدى جانە مادەني مۇرالاردى قورعاۋدى، وعان مۇراگەرلىك ەتۋدى كۇشەيتىپ، مادەني مۇرالاردى زەرتتەۋ، ءتۇسىندىرۋ جانە كورمەگە قويۋ، تاراتۋ دەڭگەيىن جوعارىلاتۋ كەرەك. تاڭداۋلى ءداستۇرلى اۋىل مادەنيەتىن ىشكەرىلەي اشىپ، جالعاستىرىپ، جاڭالىق اشىپ، ەلىمىزدىڭ تاريحى ۇزاق ەگىنشىلىك وركەنيەتىنىڭ جاڭا داۋىردە تارتىمدىلىعى مەن كەلبەتىن ايگىلەۋىنە مۇمكىندىك جاساۋ كەرەك. مەملەكەت جاۋھارىنا مۇراگەرلىك ەتۋ مەن بەيزاتتىق مادەني مۇرالاردى قورعاۋدى قولداۋ مەن سۇيەمەلدەۋدى كۇشەيتىپ، از ۇلتتاردىڭ تاريحي مادەنيەتىن زەرتتەۋدى كۇشەيتىپ، جۇڭحۋا ۇلتى ورتاق تۇلعا تانىمىن بەرىك ورناتۋ كەرەك. توڭكەرىستىك مادەنيەتتى ساۋلەلەندىرىپ، قىزىل گەندى جالعاستىرىپ، توڭكەرىستىك مادەني مۇرالاردى شىنايى ويداعىداي قورعاۋ، ويداعىداي باسقارۋ، ويداعىداي پايدالانۋ كەرەك. جۇڭحۋا وركەنيەتىنە مۇراگەرلىك ەتەتىن قويۋ قوعامدىق راي قالىپتاستىرىپ، بۇقارانى، اسىرەسە، جاستار مەن ورەندەردى جۇڭحۋا وركەنيەتىن اناعۇرلىم جاقسى تانۋعا جانە مويىنداۋعا تاربيەلەپ جانە جەتەكتەپ، جۇڭگولىقتاردىڭ جىگەرىن، جالىنىن، سەنىمىن كۇشەيتۋ كەرەك.
ماقالادا مىنالار دارىپتەلدى: دۇنيە ءجۇزى باي مازمۇندى وركەنيەتتەن قۇرالعان، جۇڭگو − دۇنيە جۇزىندەگى ەڭ بايىرعى تاريحى مەن مادەنيەتى بار ەلدەردىڭ ءبىرى. جۇڭحۋا وركەنيەتى ەجەلدەن تۇرلىشە وركەنيەتتەر اراسىنداعى ءوزارا ءتۇسىنىسۋ مەن قۇرمەت ەتۋدى القاپ كەلەدى. دۇنيە ءجۇزىنىڭ جەر - جەرىمەن مادەنيەت اۋىس - كۇيىسىن كۇشەيتىپ، مادەنيەتتىڭ گۇلدەنىپ - كوركەيۋىن، دامۋىن، مادەنيەت مۇرالارىن قورعاۋدى، وركەنيەتتەردىڭ اۋىس - كۇيىسىن، ءوزارا ۇلگى الۋىن بىرگە ىلگەرىلەتىپ، دۇنيە جۇزىلىك وركەنيەت باستاماسىن امالياتتا ايگىلەپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە تەرەڭ، باياندى مادەنيەت كۇشىن قوسۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
