ديڭ شۋەشياڭ ا ق ش پاتەنت - تاۋار ماركاسى مەكەمەسىنىڭ باستىعى كايدي ۆيدالمەن كەزدەستى

2024.04.16 15:39 كەلۋ قاينارى : حالىق تورابى

　　شينحۋا اگەنتتىگى، 4 - ايدىڭ 15 - كۇنى، بەيجيڭ (ءتىلشى جىڭ ميڭدا). ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى ديڭ شۋەشياڭ 4 - ايدىڭ 15 - كۇنى بەيجيڭدە ا ق ش پاتەنت - تاۋار ماركاسى مەكەمەسىنىڭ باستىعى كايدي ۆيدالمەن كەزدەستى.

　　ديڭ شۋەشياڭ مىنالاردى ءبىلدىردى: ءتوراعا شي جينپيڭ مەن بايدەن زۇڭتۇڭ جۇڭگو - ا ق ش قارىم - قاتىناسىنىڭ ”سان - فرانسيسكو كەلەشەك جوباسىن“ باستادى، ەكى جاق ەكى ەل مەملەكەت باسشىلارىنىڭ ماڭىزدى ورتاق تانىمىن مۇقيات تياناقتاندىرىپ، بولاشاقتى رەالدىققا اينالدىرىپ، ەكى ەلدى جانە ەكى ەل حالىقتارىن اناعۇرلىم ويداعىداي باقىتقا كەنەلتۋى كەرەك. جۇڭگو ءبىلىم مەنشىك ۇقىعىن قورعاۋعا باستان - اياق ايرىقشا ءمان بەرىپ كەلەدى، ءبىز ا ق ش - مەن ءبىلىم مەنشىك ۇقىعى سالاسىنداعى ناقتى سەلبەستىكتى كەڭەيتىپ، ءبىر - ءبىرىنىڭ كوڭىل ءبولىپ وتىرعان ماسەلەلەرىن كۇش سالا شەشىپ، ءادىل، ادىلەتتى، كەمسىتپەيتىن تيجارات - ساۋدا ورتاسىن قالىپتاستىرىپ، ەكى ەل قارىم - قاتىناسىنىڭ ورنىقتى دامۋىن ىلگەرىلەتۋگە اناعۇرلىم زور ۇلەس قوسۋدى قالايمىز.

　　ۆيدال مىنانى ءبىلدىردى: ا ق ش پاتەنت - تاۋار ماركاسى مەكەمەسى جۇڭگومەن ءبىلىم مەنشىك ۇقىعى سەلبەستىگىن دامىتۋعا ءمان بەرەدى، پىكىرلەسۋدى، اۋىس - كۇيىستى جانە تىعىز سەلبەستىكتى كۇشەيتىپ، جاڭالىق اشۋ تۇلعالارىنا تاماشا قىزمەت وتەپ، جاڭالىق اشۋ جەتىستىكتەرىن كادەگە جاراتۋدى، پايدالانۋدى اناعۇرلىم ويداعىداي جۇزەگە اسىرۋدى قالايدى.

　　كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved