1 - توقساندا تەمىر جول تۇراقتى مۇلكىنە قوسىلعان قارجى سايكەس مەزگىلدەگىدەن %9.9 ارتتى (جاڭا ساندى مالىمەت، جاڭا ءتۇيىن)
تۇتاس جىلدا تاماشا باستاما جاراتىلدى
2024.04.16 15:43 كەلۋ قاينارى : حالىق تورابى
«حالىق گازەتى»، 4 – ايدىڭ 15 - كۇنى، بەيجيڭ (ءتىلشى لي شينپيڭ). ءتىلشىنىڭ 4 – ايدىڭ 15 – كۇنى جۇڭگو مەملەكەتتىك تەمىر جول توبى شەكتى سەرىكتەستىگىنەن (تومەندە قىسقاشا ”مەملەكەتتىك تەمىر جول توبى“ دەلىنەدى) ۇعىسۋىنشا، بيىل 1 - توقساندا تەمىر جول قۇرىلىسى ءونىمدى ىلگەرىلەتىلىپ، بۇكىل ەل بويىنشا تەمىر جول تۇراقتى مۇلكىنە قوسىلعان قارجى 124 ميلليارد 800 ميلليون يۋان بولىپ، سايكەس مەزگىلدەگىدەن %9.9 ارتىپ، تۇتاس جىلدا تاماشا باستاما جاراتىلعان.
بيىل جىل باسىنان بەرى مەملەكەتتىك تەمىر جول توبى تەمىر جولعا قارجى قوسۋدىڭ جەتەكشىلىك رولىن تولىق ساۋلەلەندىرىپ، توراپتاندىرۋدى، توراپتى تولىقتاۋدى، تىزبەكتى كۇشەيتۋدى ءتۇيىن ەتىپ، تەمىر جول ينجەنەرياسى قۇرىلىسىن جوعارى ساپامەن ىلگەرىلەتىپ، وسىزاماندانعان تەمىر جول تورابىنىڭ كولەمى مەن ساپاسىن ونان ارى جوعارىلاتىپ، تۇتاستىق پەن قامتۋ كولەمىن كۇشەيتىپ، وڭىرلىك ەكونوميكالىق، قوعامدىق دامۋعا پارمەندى تىرەك ازىرلەدى.
جاڭا لەنيا نىسانى ءساتتى جۇمىس باستادى. جاڭجوۋ - شانتوۋ جوعارى قارقىندى تەمىر جولىنىڭ تۇتاس جەلىسىندەگى تۇڭعىش كوپىر دىڭگەگى − راۋپيڭ وڭتۇستىك ۆوكزالىنىڭ ەرەكشە ۇلكەن كوپىرى 223 - ءنومىرلى كوپىر تۇعىرى 2 - ءنومىرلى قازىق تاعانى جاڭادان سالىندى. ”سەگىز بويلىق، سەگىز ەندىك“ جوعارى قارقىندى تەمىر جول تورابىنىڭ تەڭىز جاعالاۋىنداعى ارناسىنىڭ ماڭىزدى قۇرامداس بولەگى رەتىندە، جاڭجوۋ - شانتوۋ جوعارى قارقىندى تەمىر جولى سالىنىپ بولعاننان كەيىن فۋجيان - شيامىن جوعارى قارقىندى تەمىر جولىمەن، گۋاڭجوۋ - شانۋەي جوعارى قارقىندى تاس جولىمەن تۇتاسادى، شيامىننان شانتوۋعا دەيىنگى ساپار ءبىر ساعات ىشىنە قىسقارادى. شاڭحاي - چۇڭچيڭ - چىڭدۋ چاڭجياڭ جاعالاۋى جوعارى قارقىندى تەمىر جولىنىڭ حىفەيدەن ۋحانعا دەيىنگى بولىگىندە جىل باسىندا رەسمي قۇرىلىس باستالدى، ”سەگىز بويلىق، سەگىز ەندىك“ جوعارى قارقىندى تەمىر جول تورابىنىڭ وزەن جاعالاۋىنداعى ارناسىنىڭ ماڭىزدى قۇرامداس بولىگى رەتىندە، نىسان سالىنىپ بولىپ، پويەز قاتىناعاننان كەيىن جەلى بويىنداعى بۇقارانىڭ ءجۇرىس - تۇرىسىنا اناعۇرلىم قولايلىلىق تۋدىرادى.
سالىنىپ جاتقان نىساندار ءساتتى ىلگەرىلەتىلدى. 4 - ايدىڭ 15 - كۇنى ەڭ سوڭعى بەتوننىڭ قۇيىلۋىنا بايلانىستى، رۇيجين - مەيجوۋ تەمىر جولىنىڭ تۇتاس جەلىسىندەگى ەڭ ۇزىن كوپىر − ميانشۇي ەرەكشە ۇلكەن كوپىرىندە ۇلاسپالى ارقالىق ءساتتى جالعانىپ، ينجەنەريا قۇرىلىسىندا ماڭىزدى ىلگەرىلەۋشىلىككە قول جەتكىزىلدى؛ شاڭحاي – سۋجوۋ - حۋجوۋ تەمىر جولىندا، لۇڭيان - لۇڭچۋان جوعارى قارقىندى تەمىر جولىنىڭ ميجوۋدان لۇڭچۋانعا دەيىنگى بولەگىندە، چۇڭچيڭ - كۇنميڭ جوعارى قارقىندى تەمىر جولىنىڭ چۇڭچيڭنەن يبينگە دەيىنگى بولەگىندە تۇتاس لەنيادا رەليس جاتقىزىلا باستادى؛ حاڭجوۋ - چۇيجوۋ تەمىر جولىنىڭ تۇتاس لەنياسىنداعى وتكەلەكتەر تۇتاستىرىلدى؛ نيڭبو - جوۋشان تەمىر جولىنىڭ فۋچىمىن تاس جول مەن تەمىر جولعا قاتار پايدالانىلاتىن كوپىر قۇرىلىسى باستالدى؛ باۋتوۋ - يىنچۋان جوعارى قارقىندى تەمىر جولىنىڭ باۋتوۋ بەكەتىن جاڭالاۋ ينجەنەرياسى رەسمي باستالدى... 1 - توقساندا سالىنىپ جاتقان ءبىر توپ ءتۇيىندى تەمىر جول نىساندارىنداعى كوپىر، وتكەلەك سياقتى تىزگىندەۋ سيپاتتى ينجەنەريالىق قۇرىلىستاردا كەزەڭدىك ىلگەرىلەۋشىلىككە قول جەتتى.
باتىس وڭتۇستىك رايونداردىڭ تەمىر جول تورابى قۇرىلىسى جەدەل ىلگەرىلەدى. شي – ان - چۇڭچيڭ جوعارى قارقىندى تەمىر جولى، چىڭدۋ – داجوۋ - ۋانجوۋ جوعارى قارقىندى تەمىر جولى، چۇڭچيڭ - حۋنان جوعارى قارقىندى تەمىر جولى... باتىس وڭتۇستىك رايوندا سالىنىپ جاتقان 10 نەشە جوعارى قارقىندى تەمىر جول نىسانىنىڭ قۇرىلىسى قاربالاس جۇرگىزىلۋدە. 1 - توقساندا مەملەكەتتىك تەمىر جول توبى چىڭدۋ مەكەمەسى باسقارۋىنداعى تەمىر جول تۇراقتى مۇلكىنە 21 ميلليارد 500 ميلليون يۋان قارجى قوسىلدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
