20 - كەزەكتى ورتالىق كوميتەتتىڭ 3 - كەزەكتى شارلاۋ گرۋپپاسى جايعاسىپ بولدى
2024.04.19 16:16 كەلۋ قاينارى : حالىق تورابى
«حالىق گازەتى»، 4 - ايدىڭ 18 - كۇنى، بەيجيڭ (ءتىلشى جاۋ چىڭ). پارتيا ورتالىق كوميتەتىنىڭ شارلاۋ قىزمەتى جونىندەگى ءبىر تۇتاس ورنالاستىرۋىنا ساي، 4 - ايدىڭ 17 - كۇنىنە دەيىن 20 - كەزەكتى ورتالىق كوميتەتتىڭ 3 - كەزەكتى شارلاۋ گرۋپپاسى جايعاسىپ بولدى. 15 شارلاۋ گرۋپپاسى 34 ەكونوميكالىق قىزمەت تاراۋى مەن فينانس ورنىنا داعدىلى شارلاۋ جۇرگىزەدى.
شارلاۋ جۇرگىزىلەتىن ورىندار جەكە - جەكە شارلاۋ جۇرگىزۋگە جۇمىلدىرۋ ءماجىلىسىن اشتى. ورتالىقتىڭ شارلاۋ گرۋپپالارىنىڭ باستىقتارى جۇمىلدىرۋ ءسوزىن سويلەپ، باس شۋجي شي جينپيڭنىڭ شارلاۋ قىزمەتى جونىندەگى ماڭىزدى ءسوزىنىڭ رۋحىن ىشكەرىلەي ۇيرەنۋ، دايەكتىلەندىرۋ، شارلاۋ قىزمەتىن تىڭعىلىقتى ورىستەتۋ جونىندە تالاپ قويدى.
ورتالىقتىڭ شارلاۋ گرۋپپالارىنىڭ باستىقتارى بىلاي دەپ اتاپ كورسەتتى: شارلاۋ − پارتيانىڭ وزىندىك توڭكەرىسىن ىلگەرىلەتۋدەگى، پارتيانى جاپپاي قاتاڭ جونگە سالۋداعى ستراتەگيالىق تۇزىمدىك ورنالاستىرۋ. ورتالىقتىڭ شارلاۋ گرۋپپاسى شي جينپيڭ جاڭا ءداۋىر جۇڭگوشا سوتسياليزم يدەياسىن، اسىرەسە، باس شۋجي شي جينپيڭنىڭ پارتيانىڭ وزىنە توڭكەرىس جاساۋى جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، جاڭادان وزگەرىس ەنگىزىلگەن شارلاۋ قىزمەتى ەرەجەسىن مۇقيات دايەكتىلەندىرىپ، ساياسي شارلاۋ ورنىندا تاباندى بولىپ، شارلاۋ قىزمەتى باعىتىن جاپپاي دايەكتىلەندىرىپ، ”ەكىنى قورعاۋدى“ ءتۇبىرلى مىندەت ەتىپ، ساياسي باقىلاۋدى ۇزدىكسىز كۇشەيتەدى. وزەكتى ارقاۋ ەتۋدە، جالپى جاعدايعا قىزمەت ەتۋدە تاباندى بولىپ، نازاردى باس شۋجي شي جينپيڭنىڭ ماڭىزدى نۇسقاۋلارىنىڭ، بەكىتۋلەرىنىڭ جانە پارتيا ورتالىق كوميتەتىنىڭ كەلەلى باعىت - ساياساتتارىنىڭ تياناقتانۋ جاعدايىنا شوعىرلاندىرىپ، ۇقىق پەن جاۋاپكەرلىكتى ءجىتى قاداعالاپ، ”ءبىرىنشى باسشىنى“ باقىلاۋدى كۇشەيتىپ، شارلاۋدى، رەتتەۋ - تۇزەتۋدى كۇشەيتۋگە شوعىرلى كۇش سالىپ، قاتاڭ نەگىزگى اۋەندى، قاتاڭ شارالاردى، قاتاڭ رايدى جەتكىزىپ، سوڭىنا دەيىن جالعاستىرىپ، پارمەندى ساياسي شارلاۋ ارقىلى ساپالى دامۋدى قامتاماسىز ەتۋ كەرەك.
ورتالىقتىڭ شارلاۋ گرۋپپالارىنىڭ باستىقتارى مىنالاردى تالاپ ەتتى: شارلاۋ جۇرگىزىلگەن ەكونوميكالىق قىزمەت تاراۋلارى مەن فينانس ورىندارىنىڭ ءتۇيىنىن ءداپ باسىپ يگەرىپ، شارلاۋ جۇرگىزىلگەن پارتيا ۇيىمدارىنىڭ باس شۋجي شي جينپيڭنىڭ ماڭىزدى ءسوزى مەن ماڭىزدى نۇسقاۋىنىڭ، بەكىتۋىنىڭ رۋحىن دايەكتىلەندىرىپ، تياناقتاندىرىپ، فۋنكتسيالىق جاۋاپكەرلىگىن اتقارىپ، ساپالى دامۋدى ىلگەرىلەتىپ، اۋىر حاۋىپ - قاتەردەن ساقتانىپ جانە ونى شەشىپ، تەرەڭ قاتپارلى رەفورما مەن جوعارى دەڭگەيلى ەسىك اشۋدى ءبىر تۇتاس ىلگەرىلەتىپ، پارتيانى جاپپاي قاتاڭ جونگە سالۋدى ىشكەرىلەي ىلگەرىلەتىپ، باسشىلىق القاسى، كادرلار قوسىنى جانە نەگىزگى ساتى پارتيا ۇيىمى قۇرىلىسى سياقتى جاعدايلاردى كۇشەيتىپ، ساياسي اعاتتىقتاردى ىشكەرىلەي تاۋىپ، كورنەكتى ماسەلەلەردى شەشۋدى ىلگەرىلەتۋ كەرەك. شارلاۋ، قازىنالىق باقىلاۋ سياقتى باقىلاۋدا بايقالعان ماسەلەلەردى رەتتەۋ - تۇزەتۋ جاعدايىن باقىلاۋ - تەكسەرۋدى كۇشەيتىپ، رەتتەۋ - تۇزەتۋ جاۋاپكەرلىگىن اتقارۋدىڭ، ماسەلەنى شەشۋدى ىلگەرىلەتۋدىڭ ءىس جۇزىندىك ارەكەتى مەن ونىمدىلىگىن ىشكەرىلەي ۇعىسىپ، رەتتەۋ - تۇزەتۋگە نەمقۇرايدى قاراۋ، جالعان رەتتەۋ - تۇزەتۋ سياقتى ماسەلەلەردى ءتۇيىندى تۇردە تاۋىپ، رەتتەۋ - تۇزەتۋدى كۇشەيتۋدىڭ ايقىن سيگنالىن ۇزدىكسىز تاراتۋ كەرەك.
شارلاۋ جۇرگىزىلەتىن پارتيا ۇيىمدارىنىڭ نەگىزگى جاۋاپتىلارى مىنانى ءبىلدىردى: باس شۋجي شي جينپيڭنىڭ شارلاۋ قىزمەتى جونىندەگى ماڭىزدى پايىمداۋلارى مەن پارتيا ورتالىق كوميتەتىنىڭ ورنالاستىرۋلارىن، تالاپتارىن ىشكەرىلەي ۇيرەنىپ، دايەكتىلەندىرىپ، ساياسي دەڭگەيدى شىنايى جوعارىلاتىپ، باقىلاۋدى سانالىلىقپەن قابىلداپ، شارلاۋعا ىرىقتىلىقپەن سايكەسىپ، رەتتەۋ - تۇزەتۋدى مۇقيات ويداعىداي يگەرىپ، ساپالى دامۋدى ۇزدىكسىز ىلگەرىلەتىپ، پارتيانى جاپپاي قاتاڭ جونگە سالۋدى ىشكەرىلەي ىلگەرىلەتىپ، ءىس جۇزىندىك ارەكەتىمىز ارقىلى ”ەكىنى تۇراقتاندىرۋدى“ باتىل قولداپ، ”ەكىنى قورعاۋدى“ باتىل ورىندايمىز.
ۇعىسۋعا قاراعاندا، ورتالىقتىڭ 15 شارلاۋ گرۋپپاسى شارلاۋ جۇرگىزىلەتىن ورىنداردا 3 اي شاماسىندا قىزمەت ىستەيدى ەكەن، وسى ارالىقتا ارناۋلى كەزەكشىلىك تەلەفونى مەن پوچتا حات ساندىعىن ورناتىپ، نەگىزىنەن شارلاۋ جۇرگىزىلەتىن پارتيا ۇيىمىنىڭ باسشىلىق القاسى مەن ونىڭ مۇشەلەرىنىڭ، ءبىر دارەجە تومەن پارتيا ۇيىمىنىڭ نەگىزگى جاۋاپتىلارىنىڭ جانە ءتۇيىندى قىزمەت ورىندارىنداعى قىزمەتكەرلەردىڭ ماسەلەسىن اڭىس ەتكەن حاتتاردى، تەلەفونداردى، ارىز - ارماندى قابىلدايدى ەكەن، مۇندا ساياسي تارتىپكە، ۇيىمدىق تارتىپكە، پاكتىك تارتىبىنە، بۇقارالىق تارتىپكە، قىزمەت تارتىبىنە جانە تۇرمىس تارتىبىنە قايشىلىق جاساۋ، سونداي - اق شارلاۋ، رەتتەۋ - تۇزەتۋ سياقتى جاقتاردا اڭىس ەتىلگەن ماسەلەلەر ماڭىزدى ءتۇيىن ەتىلمەك. شارلاۋ گرۋپپاسىنىڭ ارىز - ارمان قابىلداۋ ۋاقىتى 2024 – جىلى 7 - ايدىڭ 12 – كۇنىنە دەيىن بولادى ەكەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
