ۇلكەن شىعاناق رايونىمەن ىرىقتىلىقپەن توعىسقان گانجوۋ نانكاڭنىڭ قوزعاۋشى كۇشى نىعايدى (وڭىرلىك سايكەستى دامۋعا بايلانىستى شاعىن تۇيىندەرگە نازار)
«حالىق گازەتىنىڭ» تىلشىلەرى زاڭ چۇنلەي، جۋ لەي
2024.04.19 16:21 كەلۋ قاينارى : حالىق تورابى
”مەملەكەتتىڭ كەلەلى دامۋ ستراتەگياسىمەن ىرىقتى تۇردە ۇشتاسقاندا عانا، جاڭا دامۋ ورايىنا يە بولامىز. بۇل − نانكاڭ رايونىنىڭ وڭىرلىك كوزقاراسى، دامۋ كوزقاراسى“ دەدى جياڭشي ولكەسى گانجوۋ قالالىق پارتكومنىڭ تۇراقتى مۇشەسى، نانكاڭ رايوندىق پارتكومنىڭ شۋجيى حى شانجين.
ءبىر ءوندىرىس جەلىسى كۇنىنە 2 مىڭ تاقتايشانى 300 شكاپقا اينالدىرادى. نانكاڭ رايونى سان - تيسبۋرگ زەردەلى ءۇي جيھازدارى كاسىپ باقشاسىنا بارعاندا، سيفرلانعان ءوندىرىس جەلىسىندە مەحانيكالىق بىلەكتەر ارلى - بەرلى قايشالىسىپ، اعاش تاقتايلاردى كەسىپ، پەشەتتەپ، تەسىك تەسىپ جاتتى...
”“ۇلكەن ساندى مالىمەتتەردى جيناقتاۋ، زەردەلىلەندىرىپ ءبىر جاقتى ەتۋ ارقىلى ءبىز الارمانداردىڭ ءار تۇردەگى تاپسىرىس قاجەتىن جۇزەگە اسىردىق“ دەدى سان - تيسبۋرگتىڭ قاتىستى جاۋاپتىسى شۇي بيڭجوۋ. گۋاڭدۇڭنىڭ دۇڭگۋان قالاسىندا ءۇي جيھازدارى كاسىبىن 40 نەشە جىل دوڭگەلەتكەن سان - تيسبۋرگ ۇلگى زاۆودىن قۇرۋ ويىن ارقالاپ، نانكاڭعا كەلدى.
نانكاڭنان وڭتۇستىككە قاراي 300 كيلومەتردەن استام جول باسساڭىز، گۋاڭدۇڭ - شياڭگاڭ - اۋمىن ۇلكەن شىعاناق رايونى قۇرىلىسى ىشكەرىلەي ىلگەرىلەتىلۋدە. جياڭشي ولكەسى ۇلكەن شىعاناق رايونىمەن ىرىقتى تۇردە توعىسىپ، گانجوۋدى ءتۇيىن ەتىپ، توڭكەرىستىك بايىرعى رايوندار مەن ۇلكەن شىعاناق رايونى سەلبەستىگىنىڭ ۇلگى رايونىن كۇش سالا قۇرۋدى العا قويدى.
نانكاڭ سىندى وسى وڭتۇستىك جياڭشيدەگى ءۇي جيھازدارى ايگىلى قالاسى ۇلكەن شىعاناق رايونىمەن بارعان سايىن جاقىنداي ءتۇستى: جياڭشي - شىنجىن جوعارى قارقىندى تەمىر جولى اشىلىپ، ”شىنجىن جىلدامدىعىمەن“ تۇتاستى؛ ”جياڭشي - شىنجىن قۇراما پورتى“ ىسكە قوسىلىپ، تەڭىز جاعالاۋىنداعى پورتتارمەن ارالىقتى قىسقارتتى؛ گانجوۋ حالىقارالىق قۇرلىق پورتى تەمىر جول، تەڭىز جولى بىرلەسكەن تاسىمالدى شەتەل بازارىنا تىكە جەتكىزدى...
ارنانى اشىپ، ساۋداگەر شاقىرىپ، قارجى ەنگىزدى، نانكاڭ رايونى تەرەزەنى قۇلشىنا اشىپ، ورايدى ىرىقتىلىقپەن قارسى الدى.
2023 - جىلى نانكاڭ ۇلكەن شىعاناق رايونىنا بارىپ 20 نەشە رەت ساۋداگەر شاقىرىپ، ۇلكەن شىعاناق رايونىنداعى ساۋداگەرلەر ۇيىرمەسىنەن 50 نەشە رەت قابىلداپ، A جيا وتباسى جيھازدارى، جياحى وتباسى جيھازدارى، مەكستون سياقتى 10 نەشە ايگىلى كاسىپورىندى ەنگىزدى.
”بۇرىن نانكاڭ ءۇي جيھازدارى تىم ءوتىمدى ەمەس ەدى، باسقا جەرلەردىڭ ’بەلگىسىن‘ جاپسىرعاندا عانا زات شىعارۋعا بولاتىن. قازىر نانكاڭ اعاش ءۇي جيھازدارىنىڭ بۇكىل ەل بازارىنداعى ۇلەسى 30 پايىزدى ۇستايدى، ماركاسى دا بارعان سايىن تانىمال بولىپ كەلەدى“ دەدى نانكاڭ رايوندىق ءۇي جيھازدارى قوعامى پارتيا ياچەيكاسىنىڭ شۋجيى جۇڭ يۇيحۋا.
10 نەشە جىلدان بەرى ءۇي جيھازدارى كاسىبىمەن شۇعىلدانعان جۇڭ يۇيحۋا ەنگىزىلگەن دارىندى رەتىندە 2017 - جىلى نانكاڭعا كەلىپ ونەركاسىپ (ءۇي جيھازدارى) جوبالاۋ ورتالىعىن قۇردى. وسىدان كەيىن ول گۋاڭجوۋ، شىنجىن سياقتى جەرلەردەن 100 دەن استام جوبالاۋ قۇرىلىمىن ەنگىزىپ، قالىپتى ءوندىرىس كۇيىنە ەنگىزدى.
ۇلكەن شىعاناق رايونىنداعى كاسىپتىك دارىندىلاردىڭ، وزىق ۇستانىمداردىڭ ەنگىزىلۋىنە بايلانىستى، ساپاسىن جوعارىلاتۋ، ماركا اتىن شىعارۋ نانكاڭ ءۇي جيھازدارى كاسىبىنىڭ ورتاق تانىمىنا اينالدى ءارى العاشقى ادىمدا ونىمدىلىككە قول جەتكىزدى.
نانكاڭ رايونى ءبىر تۇتاس قۇرعان زەردەلى بۇركۋ ورتالىعىندا شىت جاڭا جاساندى زەردەنىڭ باعدارلامالاۋ تەحنيكاسى ءارقايسى ءۇي جيھازدارى زاۆودىنىڭ ورتاق يگىلىكتەنۋىنە جاراپ، وزىندىك قۇندى تومەندەتۋمەن بىرگە، ءوندىرىس ونىمدىلىگىن دە نەشە ون ەسە جوعارىلاتتى.
نانكاڭ رايونى لۇڭليڭ قالاشىعىنداعى گانجوۋ حالىقارالىق قۇرلىق پورتىندا كراندار ەكسپورت ەتىلەتىن ءۇي جيھازدارى ونىمدەرى مەن اعاش ماتەريالدارىن تيەپ جاتىر. وسى ارادان نانكاڭ ءۇي جيھازدارى مەملەكەت قاقپاسىنان شىعىپ، دۇنيە ءجۇزىنىڭ جەر - جەرىنە ساتىلادى.
2023 - جىلى نانكاڭ ءۇي جيھازدارى كاسىپ شوعىرىنىڭ جالپى ءونىم قۇنى 270 ميلليارد يۋانعا، كولەمدەنگەن كاسىپورىن 585 كە جەتتى؛ بيىل 1 - توقساندا 120 كاسىپورىن تىڭنان بۇلتتىق جەلىگە قوسىلىپ، سيفرلى سەح 200 دەن استى.
30 نەشە جىلدىڭ الدىندا كوپتەگەن اعاششىلار نانكاڭنان گۋاڭدۇڭعا بارىپ جۇمىس ىستەپ، يگىلىك جاراتقان. جاڭا داۋىردە كەيبىرەۋلەر تەحنيكا ۇيرەنىپ، قارجىنى الىپ نانكاڭعا قايتىپ كەلىپ، ءۇي جيھازدارى قالاسىن قۇرىپ، ءۇي جيھازدارى ونىمدەرى گۋاڭدۇڭ ارقىلى دۇنيە جۇزىنە بەت الدى.
ۇلكەن شىعاناق رايونىمەن توعىسۋدىڭ جاڭا حيكاياسى ءالى جازىلۋدا.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
