لي چياڭ 135 - كەزەكتى جۇڭگو يمپورت - ەكسپورت تاۋارلارى جارمەڭكەسىندە سارايلاردى كوزدەن كەشىرگەندە مىنانى دارىپتەدى
گۋاڭجوۋ جارمەڭكەسى سىندى ”التىن ماڭدايشالىقتىڭ“ جاڭا داۋىرلىك كەلبەتىن ۇزدىكسىز ايگىلەۋىنە مۇمكىندىك جاساۋ كەرەك
2024.04.19 16:23 كەلۋ قاينارى : حالىق تورابى
4 – ايدىڭ 18 – كۇنى مەملەكەتتىك كەڭەستىڭ زۇڭليى لي چياڭ 135 - كەزەكتى جۇڭگو يمپورت - ەكسپورت تاۋارلارى جارمەڭكەسىندە (گۋاڭجوۋ جارمەڭكەسى) كاسىپورىن سارايىن ارالاۋدا. سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن
شينحۋا اگەنتتىگى، 4 - ايدىڭ 18 – كۇنى، گۋاڭجوۋ. 4 – ايدىڭ 18 - كۇنى مەملەكەتتىك كەڭەستىڭ زۇڭليى لي چياڭ 135 - كەزەكتى جۇڭگو يمپورت - ەكسپورت تاۋارلارى جارمەڭكەسىندە (گۋاڭجوۋ جارمەڭكەسى) كاسىپورىن سارايىن ارالاپ شىقتى. ول بىلاي دەپ دارىپتەدى: باس شۋجي شي جينپيڭنىڭ گۋاڭجوۋ جارمەڭكەسىن ويداعىداي وتكىزۋ جونىندەگى ماڭىزدى نۇسقاۋىنىڭ رۋحىن ىشكەرىلەي تياناقتاندىرىپ، رەفورما جاساپ، ەسىك اشۋدى تەرەڭدەتىپ، جاڭالىق اشا دامۋدا تاباندى بولىپ، گۋاڭجوۋ جارمەڭكەسىنىڭ بارعان سايىن جاقسى وتكىزىلۋىن ىلگەرىلەتىپ، گۋاڭجوۋ جارمەڭكەسى سىندى ”التىن ماڭدايشالىقتىڭ“ جاڭا داۋىرلىك كەلبەتىن ۇزدىكسىز قاۋلاتۋىنا مۇمكىندىك جاساۋ كەرەك.
4 – ايدىڭ 18 – كۇنى تۇستەن بۇرىن لي چياڭ كورمە سارايىنىڭ A رايونىنداعى كاسىپورىن سارايىنا كەلىپ، لايك ەلەكتر - گازى، مايشىڭ ەمدەۋى، چۋاڭۋەي، كىدا - شۇنفەي، گۋاڭجوۋ اۆتوموبيل سەرىكتەستىگى، لۇڭشين امبەباپ اۆتوموبيلى سياقتى كوپتەگەن كاسىپورىننىڭ كورمە رايونىن ەكسكۋرسيالاپ، كاسىپورىنداردىڭ كورمەگە قاتىناسۋ جاعدايىن ۇعىسىپ، ونىمدەردىڭ ىقپالداستىق كورسەتپەسىن كوردى. لي چياڭ قاتىستى كاسىپورىنداردىڭ تەحنيكا توپتاۋ، ونىمدە جاڭالىق جاراتۋ ارقىلى قيانكەسكى حالىقارا باسەكەدە وزىندىك ورىن العانىن تۇراقتاندىردى. ول كاسىپورىنداردى دەربەس زەرتتەۋ - اشۋ قابىلەتىن ۇزدىكسىز جوعارىلاتىپ، سيفرلاندىرۋدى، زەردەلىلەندىرۋدى، جاسىلداندىرۋدى ىلگەرىلەتىپ، جۇڭگونىڭ جاساۋ كاسىبىنىڭ جۇڭگو جاسامپازدىعىنا بۇرىلىس جاساۋىن جەدەلدەتىپ، ءوز سالاسىنداعى كاسىپتىڭ باستاماشىسى، سەركەسى بولۋعا قۇلشىنۋعا شابىتتاندىردى. ول مىنالاردى اتاپ كورسەتتى: گۋاڭجوۋ جارمەڭكەسى تۇعىرىنان تولىق، ويداعىداي پايدالانىپ، جۇڭگو ماركاسىنىڭ تانىمالدىعى مەن ىقپال كۇشىن ۇزدىكسىز جوعارىلاتىپ، سىرتقى ساۋدا ساپاسىنىڭ جوعارىلاۋىن، مولشەرىنىڭ ورنىقتى بولۋىن ىلگەرىلەتۋ كەرەك. لي چياڭ تاعى ءارقايسى مەملەكەتتىڭ ساتىپ الۋشى ساۋداگەرلەرىمەن شىنايى پىكىر الماستىرىپ، كوپشىلىكتى جۇڭگو مەن شەتەلدەردىڭ سەلبەستىگىن ىلگەرىلەتەتىن كوپىر بولۋعا، جۇڭگو مەن دۇنيە ءجۇزىنىڭ سەلبەسىپ تەڭ يگىلىكتەنۋىن ىلگەرىتۋگە شابىتتاندىردى.
لي چياڭ گۋاڭجوۋ جارمەڭكەسىنىڭ دامۋ تاريحى كورمە سارايىن ەكسكۋرسيالادى. ول مىنالاردى اتاپ كورسەتتى: جاڭا جاعدايدا گۋاڭجوۋ جارمەڭكەسى بارعان سايىن جاقسى وتكىزىلىپ، ەلىمىزدىڭ جوعارى دەڭگەيدەگى سىرتقا ەسىك اشۋىن كەڭەيتۋىنە، اشىق دۇنيە ءجۇزى ەكونوميكاسىن قۇرۋدى ىلگەرىلەتۋىنە اناعۇرلىم زور ۇلەس قوسۋى كەرەك. داعدىلى كۇيدەگى جەلىدەگى تۇعىردى ويداعىداي قۇرۋ جونىندە بەلسەنە ىزدەنىس جاساپ، جەلى ءىشى - سىرتىندا اناعۇرلىم ويداعىداي توعىسۋدى ىلگەرىلەتىپ، ”ماڭگى جابىلمايتىن“ گۋاڭجوۋ ساۋدا جارمەڭكەسىن تۇلعالاۋ؛ بازاردىڭ الدىڭعى لەگىن تياناق ەتىپ، جاڭا تەحنيكا، جاڭا كاسىپ كۇيى سياقتىلاردى ارقاۋ ەتىپ، نەگىزگى تاقىرىپتىق جوبالاۋدى كۇشەيتىپ، كورمەگە قاتىناسقان كاسىپورىنداردى ەنگىزىپ، كاسىپ سالاسىنىڭ دارەجەسىن جوعارىلاتۋدى، تۇتىنۋدىڭ ساپاسىن جوعارىلاتۋدى اناعۇرلىم ويداعىداي جەبەپ، ”بازارعا جەتەكشىلىك ەتەتىن“ گۋاڭجوۋ ساۋدا جارمەڭكەسىن قالىپتاستىرۋ كەرەك.
وسىدان بۇرىن لي چياڭ گۋاڭجوۋ جارمەڭكەسىنە قاتىناسقان كاسىپورىنداردىڭ ۋاكىلدەرىمەن اڭگىمە وتكىزىپ، پىكىر الماستىردى. ميدي، بەيلى زەردەلىسى، شىنچى ماشينا - ەلەكترى، جيڭسۇڭ زەردەلىسى، جۇڭشين قورشاعان ورتانى قورعاۋى، دى - ي مادەنيەت جاسامپازدىعى، مىڭبايحى ءۇي جيھازدارى، تيانشان ءجۇن توقىماشىلىعى سياقتى كاسىپورىنداردىڭ جاۋاپتىلارى اڭگىمە ماجىلىسىنە قاتىناستى.
لي چياڭ ماجىلىسكە قاتىناسقان ۋاكىلدەردىڭ ءسوزىن ەستىگەننەن كەيىن مىنالاردى ءبىلدىردى: جاقىنعى جىلداردان بەرى دۇنيە ءجۇزى ەكونوميكاسىنىڭ ارتۋى باسەڭ بولۋ، ساۋدا قورعانىمپازدىعى باس كوتەرۋ سياقتى ءتيىمسىز ىقپال الدىندا ەلىمىزدىڭ سىرتقى ساۋداسىندا مىقتى سەرپىمدىلىك جانە باسەكە كۇشى ايگىلەندى، مۇنىڭ ىشىندە قالىڭ سىرتقى ساۋدا كاسىپورىندارىنىڭ ماشاقاتتى كۇرەسى جاتىر. سىرتقى ساۋدا كاسىپورىندارىنىڭ حالىقارالىق بازاردى ىشكەرىلەي اشۋ، ءونىم ساپاسى مەن قوسىمشا قۇندى ۇزدىكسىز جوعارىلاتۋ، حالىقارالىق ولشەمدى جاساۋعا بەلسەنە ات سالىسۋ جاعىنا كۇش سالىپ، جاڭالىق اشۋعا، ساپاعا، ايگىلى ماركاعا ۇمتىلۋدىڭ جاڭا جولىمەن ءجۇرىپ، ىسىلعان تەحنيكا، ساپا جانە قىزمەت وتەۋ ارقىلى بازارعا، بولاشاققا قول جەتكىزۋىن ءۇمىت ەتەمىن. ۇكىمەت تاراۋلارى سىرتقى ساۋدا كاسىپورىندارىنا پارمەندى قولداۋ كورسەتىپ، ءونىمدى جەتەكشىلىك ەتىپ، ساپالى قىزمەت وتەپ، كاسىپورىنداردىڭ ساياساتتىڭ پايداسىنان شىنايى يگىلىكتەنۋىنە مۇمكىندىك جاساپ، كاسىپورىنداردىڭ زاڭدى ۇقىق - مۇددەسىن ويداعىداي قورعاپ، كاسىپورىنداردىڭ بازار اشۋىنىڭ، جاڭالىق اشا دامۋىنىڭ بەرىك تىرەگى بولۋى كەرەك.
حۋاڭ كۇنميڭ، ۋ جىڭلۇڭ قاتىستى قيمىلدارعا قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
