فرانسيادا، سەربيادا جانە ۆەنگريادا مەملەكەتتىك ساپاردا بولۋ ءۇشىن بەيجيڭنەن اتتاندى
شي جينپيڭ پاريجگە بارىپ، فرانسياداعى مەملەكەتتىك ساپارىن باستادى
2024.05.06 16:22 كەلۋ قاينارى : حالىق تورابى
 |
سول جەر ۋاقىتى 5 - ايدىڭ 5 - كۇنى تۇستەن كەيىن مەملەكەت ءتوراعاسى شي جينپيڭ ارناۋلى ۇشاقپەن پاريجگە باردى، الدا فرانسيا رەسپۋبليكاسىنىڭ زۇڭتۇڭى ماكروننىڭ ۇسىنىسىمەن فرانسيادا مەملەكەتتىك ساپاردا بولادى.
شي جينپيڭ وتىرعان ارناۋلى ۇشاق پاريج ورلي اۋەجايىنا جەتكەندە، فرانسيانىڭ زۇڭليى اتار قاتارلى فرانسيا ۇكىمەتىنىڭ جوعارى دارەجەلى ۋاكىلدەرى قىزۋ قارسى الدى.
سۋرەتتى شينحۋا اگەنتتىگىنىڭ ءتىلشىسى يان يان تۇسىرگەن
|
«حالىق گازەتى»، 5 - ايدىڭ 5 - كۇنى، پاريج (تىلشىلەر ليۋ شاۋحۋا، ۋاڭ جوۋ). سول جەر ۋاقىتى 5 - ايدىڭ 5 - كۇنى تۇستەن كەيىن مەملەكەت ءتوراعاسى شي جينپيڭ ارناۋلى ۇشاقپەن پاريجگە باردى، الدا فرانسيا رەسپۋبليكاسىنىڭ پرەزيدەنتى ماكروننىڭ ۇسىنىسىمەن فرانسيادا مەملەكەتتىك ساپاردا بولادى.
شي جينپيڭ وتىرعان ارناۋلى ۇشاق پاريج ورلي اۋەجايىنا جەتكەندە، فرانسيانىڭ زۇڭليى اتار قاتارلى فرانسيا ۇكىمەتىنىڭ جوعارى دارەجەلى ۋاكىلدەرى قىزۋ قارسى الدى.
شي جينپيڭ جازباشا ءسوز سويلەدى. شي جينپيڭ مىنالاردى اتاپ كورسەتتى: مەن فرانسيادا 3 - رەت مەملەكەتتىك ساپاردا بولىپ، فرانسيا حالقىمەن بىرگە جۇڭگو مەن فرانسيانىڭ ديپلوماتيالىق قارىم - قاتىناس ورناتقانىنىڭ 60 جىلدىعىن قۇتتىقتاعانىما توتەنشە قۋانىشتامىن. شىعىس پەن باتىس وركەنيەتىنىڭ ماڭىزدى ۋاكىلى رەتىندە، جۇڭگو مەن فرانسيا ۇزاق ۋاقىتتان بەرى ءبىر – بىرىنەن ۇلگى – ونەگە الىپ، ءبىرىن - ءبىرى باۋراپ كەلەدى. 60 جىلدىڭ الدىندا جۇڭگو مەن فرانسيا قىرعي قاباقتىق سوعىستىڭ قورشاۋىن بۇزىپ، باس ەلشى دارەجەلى ديپلوماتيالىق قارىم - قاتىناس ورناتتى. 60 جىلدان بەرى جۇڭگو - فرانسيا قارىم – قاتىناسى باستان – اياق جۇڭگو جانە باتىس مەملەكەتتەرى قارىم – قاتىناسىنىڭ الدىڭعى قاتارىندا ءجۇردى. جۇڭگو - فرانسيا قارىم - قاتىناسىنىڭ دامۋى ەكى ەل حالىقتارىنا ىرىس – قۇت اكەلۋمەن بىرگە، اۋمالى - توكپەلى دۇنيە جۇزىنە ورنىقتىلىق پەن وڭ ەنەرگيا ۇستەدى. ساپار كەزىندە مەن ماكرون زۇڭتۇڭمەن جاڭا جاعدايداعى جۇڭگو - فرانسيا، جۇڭگو - ەۆروپا قارىم - قاتىناسىنىڭ دامۋى، سونداي - اق قازىرگى كەلەلى حالىقارالىق جانە وڭىرلىك ماسەلەلەر جونىندە ىشكەرىلەي پىكىر اۋىستىرامىن. مەن وسى رەتكى ساپار ارقىلى ەكى ەلدىڭ ءداستۇرلى دوستىعىن بەكەمدەپ، ساياسي ءوزارا سەنىمدىلىكتى ارتتىرىپ، ستراتەگيالىق ورتاق تانىمدى ۇيىستىرىپ، ءار سالاداعى اۋىس - كۇيىستى، سەلبەستىكتى تەرەڭدەتىپ، تاريحتىڭ الاۋى ارقىلى العا باسۋ جولىن نۇرلاندىرىپ، جۇڭگو - فرانسيا قارىم - قاتىناسىنىڭ اناعۇرلىم كوركەم بولاشاعىن جاراتىپ، دۇنيە ءجۇزىنىڭ بەيبىتشىلىگىنە، ورنىقتىلىعىنا، دامۋىنا تىڭ ۇلەس قوسۋدى ءۇمىت ەتەمىن.
ءتوراعا شي جينپيڭنىڭ حانىمى پىڭ لييۋان، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسە مەڭگەرمەسىنىڭ مەڭگەرۋشىسى ساي چي، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، سىرتقى ىستەر مينيسترى ۋاڭ ي قاتارلى ساپارلاستارى وسى ۇشاقپەن بىرگە باردى.
جۇڭگونىڭ فرانسياداعى باس ەلشىسى لۋ شايە دە اۋەجايعا بارىپ قارسى الدى.
شي جينپيڭ اۆتوكولىكپەن اۋەجايدان قونالقى قوناقجايعا بارا جاتقان جولىندا جۇڭگولىق مۇھاجىرلار مەن جۇڭگولىق وقۋشىلار وزدىكتەرىنەن جولدىڭ ەكى جاعىندا توسىپ تۇرىپ، ”جۇڭگو - فرانسيا دوستىعى جاساسىن!“، ”ءتوراعا شي جينپيڭنىڭ فرانسياداعى ساپارىنىڭ تابىستى بولۋىن تىلەيمىز!“ دەگەن سياقتى جازۋلار جازىلعان قىزىل كەرمە تۋلاردى بيىك كوتەرىپ، جۇڭگو مەن فرانسيانىڭ مەملەكەت تۋلارىن بۇلعاپ، بارابان سوعىپ، ارىستان ءبيىن بيلەپ، ءتوراعا شي جينپيڭنىڭ ساپارلاي كەلگەنىن قىزۋ قارسى الدى.
شينحۋا اگەنتتىگى، 5 - ايدىڭ 5 – كۇنى، بەيجيڭ. 5 - ايدىڭ 5 - كۇنى تۇستەن بۇرىن مەملەكەت ءتوراعاسى شي جينپيڭ فرانسيا رەسپۋبليكاسىنىڭ زۇڭتۇڭى ماكروننىڭ، سەربيا رەسپۋبليكاسىنىڭ زۇڭتۇڭى ۋچيچتىڭ، ۆەنگريانىڭ زۇڭتۇڭى شۋيۋكتىڭ جانە زۇڭليى ورباننىڭ ۇسىنىسىمەن جوعارىداعى 3 ەلدە مەملەكەتتىك ساپاردا بولۋ ءۇشىن ارناۋلى ۇشاقپەن بەيجيڭنەن اتتاندى.
ءتوراعا شي جينپيڭنىڭ حانىمى پىڭ لييۋان، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسە مەڭگەرمەسىنىڭ مەڭگەرۋشىسى ساي چي، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، سىرتقى ىستەر مينيسترى ۋاڭ ي قاتارلىلار شي جينپيڭمەن بىرگە ساپارعا اتتاندى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
