ديماشپەن ارناۋلى سۇحبات: شىرقاي بەر، بۇل سەنىڭ كوكتەمىڭ
2017.02.28 13:42 كەلۋ قاينارى : حالىق تورابى
ءتىلشى: ونەرلى وتباسىندا تۋىلىپسىڭ، قارشادايىڭنان ءانشى بولسام دەپ ارماندادىڭ با؟
ديماش: ونەرلى وتباسىندا تۋىلعانىما، وسىنداي اتا - انام بولعانىنا ٶزىمدى ەرەكشە باقىتتى سەزىنەمىن. اتا – انام ونەر ادامدارى بولماعاندا، قانشالىق قۇلشىنعانىممەن، ٵنشى بولۋىم ەكىتالاي ەدى.
ءتىلشى: سەنشە قايتكەندە جاقسى ٵنشى بولۋعا بولادى؟
ديماش: مەنشە، مۋزيكالىق جاقتان تابىسقا جەتۋمەن قاتار، كاسىپتىك قابىلەتى بولۋى كەرەك، ەڭ ماڭىزدىسى ٵندى جۇرەكپەن ايتا ءبىلۋىڭ كەرەك. مەن ٶزىم مايكەل جەكسوننىڭ، چىڭ لۇڭنىڭ، لۋكيانو پاۆاروتتيدىڭ جان كۇيەرىمىن. ولاردىڭ بارلىعى تابان ەت، ماڭداي تەرلەرىنىڭ ارقاسىندا تابىسقا جەتكەن، بارىنەن دە ماڭىزدىسى ولاردىڭ ءبارى الەمدىك دەڭگەيدەگى جۇلدىز بولسا دا، ەرەكشە كىشپەيىل، باۋىرمال جاندار. سوندىقتان مەن ولاردى ۇلگى تۇتامىن.
ءتىلشى: ونەر جولىڭدا ساعان ەرەكشە ىقپال ەتكەن ادام بولدى ما، سول جايلى اڭگىمەلەشى؟
ديماش: ماعان ەرەكشە اسەر ەتكەن ادام، ارينە، مەنىڭ اتا - انام، مەن سول كىسىلەردىڭ ارقاسىندا وسى كۇنگە جەتتىم. وسى ورايدا، ۇستازدارىما دا ەرەكشە العىس ايتامىن، ولار قاي – قاشان دا ماعان كومەكتەسىپ، مەنى قولداۋمەن كەلەدى، ءارى مەنىڭ كاسىپتىك دەڭگەيىمنىڭ جوعارىلاۋىنا ۇزبەي كومەك كورسەتىپ، ماعان مول ءبىلىم بەردى.
ءتىلشى: قازاق، ورىس، سەرب، يتاليان، فرانسۋز تىلدەرىندە، ءتىپتى حانزۋ تىلىندە دە ٵر ءتۇرلى اندەردى ايتتىڭ، مۋزيكالىق قابىلەتىڭدى حالىقارا مويىندادى. سەن وسى تىلدەردى قالاي ۇيرەندىڭ؟
ديماش: مەن ىزدەنگىش ٵنشىمىن، وپەرا ٵنشىسىمن، الەمنىڭ تۇرلىشە تىلدەرىندەگى ايگىلى وپەرالاردى ورىنداپ كورگەنمىن. ارينە قۇلشىنا ۇيرەنۋ كەرەك. بىلاي دەسەم بولار، الدىمەن وسى ەلدەردىڭ مۋزيكاسى مەن اۋەنىن ۇناتۋىڭ كەرەك، سوسىن ءان ءماتىنىن ۇيرەنسەڭ، وسى اندەردى ءتىپتى دە تولىق تۇسىنە الاسىڭ. ۇستازدارىمنىڭ كومەگىندە وسى تىلدەردى قۇلشىنا ۇيرەنىپ، بۇل اندەردى ناشىنا كەلتىرىپ ورىندادىم. سول سەبەپتى گەرمان، ۋكراين، فرانسۋز، يتاليان، اعىلشىن، تۇرك تىلدەرىن ۇيرەندىم، قازىر حانزۋ ءتىلىن ۇيرەنىپ جاتىرمىن.
ءتىلشى: قانداي ورايمەن جۇڭگوداعى «ٵنشى» بايقاۋىنا كەلدىڭ، بۇرىنعى قاتىناسقان حالىقارالىق جارىستارىڭا قاراعاندا، قانداي كوڭىل كۇيدە بولدىڭ؟
ديماش: حۇڭ تاۋ تالىمگەر بۇرىنعى جارىستارىمدى كورگەن سوڭ، مەنى وسى رەتكى بايقاۋعا شاقىردى. «ٵنشى» جوباسى ناعىز انشىلەر ونەر سىناساتىن باعدارلاما. ۋاقىتى مەن اينالىمى دا ەرەكشە ۇزاق، ول سەنىڭ ساحناداعى ءساتىڭدى عانا ەمەس، ٵنشىنىڭ جارىسقا دايىندالۋ بارىسىن، سونداي – اق حال – جايىن جۇرتقا كورسەتۋ ارقىلى كورەرمەندەر ءانشىنىڭ ساحناداعى ونەرىن عانا كورىپ قالماستان، انشىمەن تولىعىراق تانىسا الادى. ەڭ ۇلكەن ۇقساماستىق، مەن بۇرىن قاتىناسقان جارىستاردىڭ بارلىعىندا جاڭا شىققان انشىلەر نەمەسە جاس انشىلەر ونەر كورسەتەتىن، ال «ٵنشى» باعدارلاماسىنا قاتىناسقانداردىڭ بارلىعى مەنەن جاسى ۇلكەن، اتاعى ايگىلى، ىقپالى كۇشتى، ونەردە تابىسقا جەتكەن تانىمال انشىلەر.
ءتىلشى: «ٵنشى» ساحناسىندا وزىڭنەن قاندايءۇمىت كۇتەسىڭ؟
بۇل ساۋالعا جاۋاپ بەرۋ قيىن ەكەن. وزىمنەن كۇتكەن ءۇمىتىمدى قالاي ايتام. ەڭ باستىسى، كورمەندەردىڭ قولداۋىنا يە بولسام دەيمىن، قۇلشىنا ونەر كورسەتىپ، ءتىپتى دە بيىكتەرگە ۇمتىلىپ، كورەرمەندەردىڭ كوڭىلىنەن شىقسام دەپ ويلايمىن. ساحناداعى ءوز تىرىسشاڭدىعىما ءوزىم ءتانتى بولاتىن دا كەزدەرىم بولادى.
ءتىلشى: سەنىڭ ونەرىڭنەن قازاقستان مۋزيكاسى مەن جۇڭگو مۋزيكاسىنىڭ شارپىسىپ وتكەنىن بايقاعانداي بولدىق، مۋزيكا مادەنيەتىندەگى وسىنداي ۇندەستىككە قالاي قارايسىڭ؟
ديماش: ەكى ەل مۋزيكاسىنىڭ كەيبىر تۇستارى ساباقتاسىپ جاتادى، وزىندىك ەرەكشەلىكتەرى دە از ەمەس. قازاقستان مۋزيكاسى مەن جۇڭگو مۋزيكاسى تۇگەلدەي جوعارى دەڭگەيدە دەۋگە بولادى. جۇڭگوداعى كورەرمەندەردىڭ ماعان دەگەن ىستىق ىقىلاسىن كورگەندە، بەينە قازاقستانداعى دوس - جاراندارىمنىڭ ىستىق ىقىلاسىنا بولەنگەندەي سەزىندىم. جۇڭگولىق انشىلەردىڭ قازاقستانعا كەلىپ ونەر كورسەتۋىن، كونسەرت بەرۋىن ەرەكشە قارسى الامىن، ولاردى ءبىزدىڭ حالقىمىز دا ەرەكشە ىستىق ىقىلاسپەن قارسى الاتىنىنا سەنەمىن.
ءتىلشى: ەڭ ۇناتاتىن جۇڭگولىق ٵنشىڭ تۋرالى توقتالساڭ، ونىڭ انشىلىگىن قالاي باعالايسىڭ؟
ديماش: مەنىڭ جاقسى كورەتىن ٵنشىم كوپ، جۇڭگولىق انشىلەرمەن دە كوپ كەزدەسۋدە بولدىم، بارلىعى وتە قاراپايىم، اشىق - جارقىن، يناباتتى ادامدار ەكەن. مەن حان حۇڭ تالىمگەردى، لين جىشۋان تالىمگەردى وتە جاقسى كورەمىن. «ٵنشى» باعدارلاماسى ارقىلى لين جىشۋان تالىمگەرمەن كەزدەستىم، العاش كەزىككەنىمىزدە ول كىسى ماعان سونداي جاقىن سەزىلدى، ول كىسى وتە كىشپەيىل، جىلى ءجۇزدى ادام ەكەن.
ءتىلشى: جۇڭگو مەن قازاقستان دوستىق قارىم – قاتىناسى قويۋ كورشى ەل. بيىل جۇڭگو مەن قازاقستاننىڭ ساياحات جىلى، كوپشىلىكتىڭ قازاقستانعا بولعان قىزىعۋى سەنەن القىپ ساياحات، اس - سۋ قاتارلى سان – سالاعا ۇلاسقانداي، جۇڭگولىق دوستارعا ەلىڭدى قالاي تانىستىراسىڭ؟
ديماش: بيىل ماۋسىم ايىندا قازاقستاندا ەكسپو وتەدى، بۇل ەكسپونىڭ تۇڭعىش رەت ورتا ازيا ەلدەرىندە وتكىزىلۋى. كوپشىلىكتى قازاقستانعا كەلىپ، ەكسپونى تاماشالاۋعا، ءدامدى تاعامداردان اۋىز تيۋگە شىن جۇرەكتەن ۇسىنىس ەتەمىن. ءبارى ساتىمەن بولسا مەن ەكسپودا ٵن ايتاتىن بولامىن، سوندىقتان كوپشىلىكتى قازاقستانعا كەلىپ ەكسپونى تاماشالاۋعا، كونسەرتىمدى كورۋگە شاقىرامىن.
ءتىلشى: جۇڭگولىق جانكۇيەرلەرىڭە قانداي تىلەك جولدايسىڭ؟
ديماش: ارماندارىڭىزدىڭ ورىندالۋىن، ٶمىر جولدارىڭىزداعى كوزدەگەن ماقساتتارىڭىزعا قول جەتكىزۋلەرىڭىزدى تىلەيمىن. ارماننىڭ بارلىعى ورىندالادى، ويتكەنى سىزدەر مەنىڭ ارمانىمنىڭ ورىندالۋىنا قولداۋ كورسەتتىڭىزدەر. سىزدەردىڭ ءار كۇنى كوڭىلدى، تاتۋ – ءتاتتى، مەيىرىمدى دە سيلاسىمدى بولۋلارىڭىزدى تىلەيمىن. كوڭىلدى كۇندەرىمىز كوبەيە بەرسىن.
(سۇحباتتى دايىنداعان: حالىق گازەتى «ورتالىق اس ءۇي» قىزمەتحاناسىنىڭ كەيىپكەرلەر قىزمەت ءبولىمى. سۇحباتتاسقان: كەيىپكەرلەر قىزمەت ءبولىمىنىڭ قىزمەتكەرى) سۇحباتتى اۋدارعان: حالىق تورابىنىڭ قازاقشا ارناسى
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
