بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

جۇڭگونىڭ قىرعىزستانعا بارعان بىرىككەن قىزمەت اترەتى مىندەتتى تابىسپەن ورىنداپ، ەلگە ورالدى

2020.04.29 15:28     كەلۋ قاينارى : شينجياڭ گازەتى

  گازەتىمىزدىڭ جالپىلىق اقپارات قۇرالدارى ءتىلشىسى يۋان لەي 4 - ايدىڭ 27 - كۇنى ۇرىمجىدەن حابارلايدى. جۇڭگونىڭ قىرعىزستانعا بارعان بىرىككەن قىزمەت اترەتىندەگى 10 ادام قىزمەت مىندەتىن تابىستى ورىنداپ، 4 - ايدىڭ 27 - كۇنى ءۇرىمجى ديوپۋ حالىقارالىق اۋەجايىنا كەلىپ جەتتى. اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى تيان ۋىن اۋەجايعا بارىپ قارسى الدى.

  4 - ايدىڭ 20 - كۇنىنەن 27 - كۇنىنە دەيىن بىرىككەن قىزمەت اترەتى قىرعىزستاننىڭ بىشكەك قالاسىندا قىزمەت ورىستەتىپ، جۇڭگونىڭ قىرعىزستاندا تۇراتىن ەلشىحاناسىنا بارىپ ىندەتتەن ساقتانۋ - تىزگىندەۋ لەكسياسىن جۇرگىزىپ، قىرعىزستاندا وقيتىن جۇڭگولىق وقۋشىلاردىڭ جانە كۇڭزى شۋەيۋانىنىڭ وقىتۋشىلارىنىڭ ۋاكىلدەرىمەن اڭگىمە وتكىزدى ءارى ”سالاماتتىق قالتاسىن“ ۇسىندى، قىرعىزستاندا تۇراتىن حۋاچياۋلار، جۇڭگو قارجىلاندىرعان قۇرىلىمداردىڭ قىزمەتكەرلەرى قاتارلىلارمەن بەينەەكراندا حابارلاسىپ، عىلىم جالپىلاستىرۋ تاربيەسىن جانە ساقتانۋ - قورعانۋ بىلىمدەرى ۇگىتىن جۇرگىزىپ، كوپشىلىكتىڭ جاڭا تيپتى ايدارشا ۆيرۋس وكپە قابىنۋىنان ساقتانۋ، دياگنوز قويۋ، ەمدەۋ سياقتىلار جونىندەگى ماسەلەلەرىنە سابىرلىلىقپەن ىجداعاتتى جاۋاپ بەردى. جۇڭگونىڭ قىرعىزستاندا تۇراتىن حۋاچياۋلارى، جۇڭگو قارجىلاندىرعان قۇرىلىمداردىڭ قىزمەتكەرلەرى، كۇڭزى شۋەيۋانىنىڭ وقىتۋشىلارى جانە جۇڭگولىق وقۋشىلار تۇس - تۇستان مىنالاردى ءبىلدىردى: وتانىمىزدىڭ كوڭىل ءبولۋى مەن قامقورلىعىنا شىن جۇرەكتەن العىس ايتامىز، قىزمەت گرۋپپاسىنىڭ كەلۋى كوپشىلىككە وتانىمىزدىڭ قامقورلىعىن تولىق سەزىندىردى، كوپشىلىك وزدەرىن كۇش سالا جاقسى قورعاپ، وتان حالقىن الاڭسىز ەتەدى، ەلدەگى تۋىس - تۋعاندارىن ۋايىمداتپايدى.

  قىرعىزستانداعى كەزدەرىندە بىرىككەن قىزمەت اترەتى تاعى قىرعىزستان زۇڭتۇڭ جانە ۇكىمەت ىستەرىن باسقارۋ مەكەمەسى كلينيكالىق شيپاحاناسى، مەملەكەتتىك مەديتسينالىق ءبىلىم اسىرۋ شۋەيۋانى، دەنساۋلىق ساقتاۋ مينيسترلىگى اۋرۋدى تىزگىندەۋ مەكەمەسىنىڭ تاجىريبەحاناسى، مەملەكەتتىك حاۋىپتى، جۇقپالى اۋرۋلار كارەنتين ورتالىعى تاجىريبەحاناسى، بىشكەك قالاسى وكتابر الەۋمەتتىك اۋماعى ەمدەۋ ورتالىعى سياقتى قۇرىلىمدارعا ارنايى بارىپ - ارالاپ، شۋ وبلىسى سياقتى جەرلەردەگى ۇكىمەت مانساپتىلارىمەن، ەمدەۋ قۇرىلىمدارىنىڭ جاۋاپتىلارىمەن اۋىس - كۇيىس جاساپ، جالپى 20 نەشە رەتتەن استام جۇمىس ۇستىندە جەتەكشىلىك جاسادى جانە اڭگىمە، اۋىس - كۇيىسىن ورىستەتىپ، قىرعىزستاننىڭ ەمدەۋ قىزمەتكەرلەرى، الەۋمەتتىك اۋماق قىزمەتكەرلەرى قاتارلىلارعا 15 مىڭ ادام - رەت جەلىدە جانە جەلىدەن سىرت كەڭەس بەرىپ، باۋلۋ جۇرگىزىپ، جۇڭگو جاقتىڭ ىندەتتەن ساقتانۋ - تىزگىندەۋ جانە دياگنوز قويۋ، ەمدەۋ تاجىريبەسىن ءبولىستى. 4 - ايدىڭ 26 - كۇنى قىرعىزستاننىڭ ورىنباسار زۇڭليى يسمايىلوۆانىڭ كۋا بولۋىندا، قىرعىزستان دەنساۋلىق ساقتاۋ مينيسترى ابدىكارىموۆ قىزمەت گرۋپپاسىنداعى بارلىق قىزمەتكەرلەرگە قىرعىزستان دەنساۋلىق ساقتاۋ مينيسترلىگى بەرگەن الەۋمەتتىك دەنساۋلىق ىستەرى ەلەۋلى ۇلەس مەدالىن بەردى. ورىنباسار زۇڭلي يسمايىلوۆا قىزمەت اترەتىمەن اڭگىمە وتكىزگەندە، جۇڭگو جاقتىڭ ىندەت كەزىندە كورسەتكەن ادامگەرشىلىك كومەگىنە شىن جۇرەكتەن العىس ايتىپ، جۇڭگو جاقتىڭ ىندەتتەن ساقتانۋ - تىزگىندەۋ تاجىريبەلەرىنىڭ قىرعىزستان جاققا زور سەپتىگىن تيگىزىپ، قىرعىزستاننىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋىنا ماڭىزدى ۇلەس قوسقاندىعىن القاپ، جۇڭگو جاقتان ىندەتتەن ساقتانۋ - تىزگىندەۋ جانە دياگنوز قويۋ، ەمدەۋ تاجىريبەلەرىن ۇيرەنىپ، ۇلگى الىپ، ىندەتكە قارسى اتتانۋدا سەلبەستىكتى ۇزدىكسىز كۇشەيتۋدى قالايتىندىعىن ءبىلدىردى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار