- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
كۇنەس اۋدانى مالدى قىس قىرىنان امان شىعارۋعا ساقاداي سايلاندى
2014.10.31 16:13
ىلە اڭعارى بيىل 19 جىلدان بەرى بولىپ كورىلمەگەن قۋاڭشىلىق اپاتىنا ۇشىراپ، ءشوپتىڭ شىعۋى كورنەكتى تومەندەدى. مىنە وسىنداي كوز الداعى قيىنشىلىقتا مالدى قىس قىرىنان امان الىپ شىعۋ ءۇشىن كۇنەس اۋداندىق مال شارۋاشىلىق - مال شيپاگەرلىك مەكەمەسى دايىندىق قىزمەتىن ويداعىداي ىستەدى.
بۇل اۋدان مالدى قىس قىرىنان امان الىپ شىعۋ ءۇشىن دايىندىق قىزمەتىنە ەرتە باستان كىرىسىپ، جايىلىمنىڭ تۇياقكەستى بولۋىنىڭ الدىن الۋ، سۋارمالى جايىلىمنىڭ كولەمىن كەڭەيتۋ، جايىلىم ەكولوگياسىن جاقسارتۋ سياقتى نىسانداردى كۇش سالا اتقارىپ، مالشىلاردى جەم – ءشوپ ەگۋگە جىگەرلەندىرىپ، بيىل 80 مىڭ مۋ جەرگە مال ازىعىندىق سۇرلەمدىك جۇگەرى ەگىپ، ءبىر ءبولىم مالدىڭ جەم – ءشوبىن قامدادى. كۇنەس اۋدانىندا قازىر قورادا ساقتالعان مال ءبىر ميلليون 300 مىڭ باس، بۇل مالدىڭ قىستان امان شىعۋىنا 800 مىڭ توننا ءشوپ جيناۋدى جوسپارلاپ، قازىرگە دەيىن %80 ءشوپ دايىندالىپ بولدى. سونىمەن ءبىر ۋاقىتتا بايىنعۇلين موڭعۇل اۆتونوميالى وبلىسى سياقتى جەرلەردەن ءبىر ءبولىم ءشوپ ساتىپ الۋعا مالشىلاردى جۇمىلدىردى. سونداي - اق مالشىلاردى جايىلىمدى قالپىنا كەلتىرۋگە ۇگىتتەپ، بيىل 8 مىڭ مۋ ەگىستىك جەردى جايىلىمعا اينالدىرى. كۇنەس اۋداندىق مال شارۋاشىلىق - مال شيپاگەرلىك مەكەمەسىنىڭ شۋجيى ۋاڭ جانشىڭ بىلاي دەيدى: «قازىر كۇنەس اۋدانى قوراداعى مال سانى ىلە اڭعارىنداعى اۋدان - قالالاردىڭ ىشىندە ەڭ كوپ اۋدان، بيىل جەم –ءشوپ وتە تاپشى جاعدايدا ءارى كەلەر جىلعى مال شارۋاشىلىق كاسىبىنىڭ دامۋى مەن ساقتالعان جەم -شوپتىك قوردى ارتتىرۋ ءۇشىن قوراداعى مال سانىن ازايتتى. وسى ارقىلى مالدىڭ قىس قىرىنان حاۋىپسىز شىعۋىنا ءارى كەلەر جىلعى مال شارۋاشىلىق كاسىبىنىڭ دامۋىنا كەپىلدىك ەتۋگە بولادى»، - دەدى.
ۇعىسۋىمىزشا، كۇنەس اۋدانى جاڭا سورتتى ءشوپ تۇقىمىن سىناق رەتىندە ەگىپ تابىسقا جەتتى، بۇل ءشوپتى ءبىر جىلدا ەكى رەت ورۋعا بولادى،ءار مۋىنان 8 دە 12 توننا ءشوپ ءونىمىن الۋعا بولادى ەكەن.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
