- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى وبلىستىڭ «ەڭ تاڭداۋلى وتباسىن» سارالاۋ قيمىلى ءساتتى ورىستەتىلۋدە
ايەلدەر بىرلەستىگى ۇيىمىنىڭ ابزالدىعىن ساۋلەلەندىرىپ، ايەلدەردىڭ «جارتى الەمدىك» رولىن كورنەكتىلەندىرەيىك
2014.11.06 13:31
قاراشانىڭ 2 – كۇنى وبلىستىق ايەلدەر بىرلەستىگى تەكەس اۋدانىندا اۆتونوميالى وبلىستىڭ «ەڭ تاڭداۋلى وتباسىن» سارالاۋ قيمىلىن ناق مايداندا ىلگەرىلەتۋ ءماجىلىسىن وتكىزدى ءارى تەكەس اۋدانى قۇجىرتى موڭعۇل ۇلتتىق اۋىلى كۇرە قىستاعىنان شىققان «ەڭ تاڭداۋلى وتباسىلارىن» ماداقتاپ - سيلادى. وبلىستىق پارتكومنىڭ تۇراقتى مۇشەسى، ايەلدەر بىرلەستىگىنىڭ ءتورايىمى تۇرسىنقان سابىر قىزى ماجىلىسكە قاتىناستى.
سول كۇنى وبلىسقا توتە قاراستى 8 اۋدان، 2 قالادان كەلگەن ايەلدەر بىرلەستىگىنىڭ 20 دان استام كادرى كۇرە قىستاعىنداعى «جەلەكتىلەر ءۇيىنىڭ» كەستەشىلىك كورمەسى، «شايا جاراستىرۋ كەڭسەسى»، مادەنيەت كىتاپ ءۇيى، اجۋا سۋرەت قابىرعاسى، تىنىش وتباسىنان ۇلگى كورسەتۋ كوشەسى سياقتى جەرلەردى ەكسكۋرسيالادى. بيىل 38 جاستاعى شايا 2006 – جىلدان باستاپ، كۇرە قىستاقتىق ايەلدەر قۇرىلتايىنىڭ مەڭگەرۋشىسى بولىپ تاعايىندالىپ، قىستاق «ەكى كوميتەتى» باسشىلىق القاسىنىڭ قولداۋىندا «سۇريا» موڭعۇل ۇلتتىق كەستەشىلىك سەلبەستىك كووپەراتيۆىن قۇرىپ، قىستاقتاعى 30 دان استام ايەلدى كاسىپتەنۋگە باستايدى. ول اشقان «شايا جاراستىرۋ كەڭسەسى» دە قىستاقتاعى ايەلدەردىڭ وكپە – نازىن اقتارىپ، كوڭىل تۇيىنشەگىن شەشەتىن ورنى، كورشىلەر اراسىنداعى داۋ – داماي، ەرلى – زايىپتىلار ورتاسىنداعى ۇرىس - كەرىس سياقتى ۇنەمى تۋىلىپ تۇراتىن ۇساق ماسەلەلەر قىستاق كوميتەتىن اۋرەلەمەي، وسى جەردەن – اق شەشىم تاۋىپ جاتادى.
وبلىسقا توتە قاراستى ورىندارداعى ايەلدەر بىرلەستىگىنىڭ كادرلارى تاعى تەكەس قالاشىعىنىڭ بوستان الەۋمەتتىك اۋماعى مەن قوبى الەۋمەتتىك اۋماعىنداعى «ەڭ تاڭداۋلى كەلىن بەزەندىرۋ بازاسى»، «ەڭ تاڭداۋلى انالار ۇيىرمەسىنىڭ» ــ «رايحانگۇل جاراستىرۋ ورنى» سياقتى جەرلەردى ەكسكۋرسيالادى. بوستان الەۋمەتتىك اۋماعىنداعى «ەڭ تاڭداۋلى كەلىن بەزەندىرۋ بازاسى» وبلىستىق ايەلدەر بىرلەستىگىنىڭ «ءبىر يۋاندىق جىلۋ قاراجاتىمەن» اشىلعان نىسان، كەزەكتە، بۇل بازا وبلىسقا توتە قاراستى ورىنداردا تانىلعان بازاعا اينالىپ، ونىمدەرى نىلقى، موڭعۇلكۇرە، توعىزتاراۋ سياقتى جەرلەردەگى قاريدارلاردىڭ قىزۋ قارسى الۋىنا بولەنىپ قانا قالماستان قازاقستانعا دەيىن ساتىلۋدا.
قوبى الەۋمەتتىك اۋماعىنىڭ «ەڭ تاڭداۋلى انالار ۇيىرمەسى» ــ الەۋمەتتىك اۋماق جاعىنان سارالانعان بەدەلدى 3 ايەل مەن ۇيىمداستىرۋ قابىلەتىنە يە 8 ايەلدەن قۇرام تاپقان، ولاردىڭ ءوز اتتارىندا جەكە – جەكە جاراستىرۋ ءۇيى بار. رايحانگۇل باستاعان «مەيىرىمدى انالار» الەۋمەتتىك اۋماقتاعى قايشىلىقتاردى ءبىر جاقتى ەتىپ قانا قالماستان، ۇنەمى بۇقارانىڭ وتباسىلارىن ارالاپ، قيىنشىلىعى بار تۇرعىندارعا كومەكتەسىپ، ولاردىڭ يدەيادا بۇرىلىس جاساپ، «وتباسىلار اراسىنداعى قايشىلىقتى كوشە ءىس باسقارماسىنا جەتكىزبەي، وتباسى مەن الەۋمەتتىك اۋماق اراسىنداعى قايشىلىقتى الەۋمەتتىك اۋماقتىڭ وزىندە ءبىرجاقتى ەتىپ، الەۋمەتتىك اۋماقتار اراسىنداعى قايشىلىقتى اۋىل – قالاشىققا جەتكىزبەي» ويداعىداي شەشىپ كەلەدى.
تۇرسىنقان سابىر قىزى ماجىلىستە بىلاي دەدى: وسى رەتكى ناق مايدان ىلگەرىلەتۋ ءماجىلىسىن اشۋداعى ماقسات -«ەڭ تاڭداۋلى وتباسىن» سارالاۋ قيمىلىن وبلىسىمىزدا ىشكەرىلەي ورىستەتۋ. جاقىنعى جىلداردا وبلىسىمىزدا كاميلا، جوۋ شيحۋا، گۋ شۇيمەي قاتارلى ءداۋىر رۋحىنا يە تاڭداۋلى انالار مەن ۇزدىك ايەلدەر تيپى ارت – ارتىنان جارىققا شىقتى، ولار قاراپايىم ىزگى ىستەرى ارقىلى ۇلى انا سۇيىسپەنشىلىگىن ايگىلەپ، ەڭ مەيىرلى ادامزات سۇيىسپەنشىلىگى مەن اۋىر قوعامدىق جاۋاپكەرلىكتى ارقالاپ، وبلىسقا توتە قاراستى ورىندارداعى ءار ۇلت ايەلدەرىنىڭ، وتباسىلاردىڭ ۇيرەنۋ ۇلگىسىنە اينالدى. وبلىسقا توتە قاراستى اۋدان – قالالار جەر – جەردەگى، اۋىل – قالاشىقتارداعى «جەلەكتىلەر ۇيىنەن» تولىق پايدالانىپ، ايەلدەر بىرلەستىگى ۇيىمىنىڭ ابزالدىعىن ساۋلەلەندىرىپ، بارشا ايەلدەر قاۋىمىن مەملەكەتتى زاڭمەن جونگە سالۋدى جاپپاي ىلگەرىلەتۋ بارىسىندا «جارتى الەمدىك» رولدارىن ويداعىداي ساۋلەلەندىرۋگە جۇمىلدىرۋ كەرەك.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
