- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەكەس اۋدانى ىلەنىڭ قازاق سويىس قوي شارۋاشىلىعىن دامىتىپ، مالشىلار كىرىسىن ارتتىردى
2014.11.06 13:32
تەكەس اۋدانى سوڭعى جىلداردان بەرى ءداستۇرلى مال شارۋاشىلىعىنان وسى زامانعى مال شارۋاشىلىعىنا ويىسۋ قادامىن جەدەلدەتىپ، مال شارۋاشىلىعىن ەكونوميكا مەن اۋىل–قىستاق شارۋاشىلىعىن دامىتۋدىڭ جانە مالشىلاردى اۋقاتتاندىرۋدىڭ نەگىزگى تىرەگى رەتىندە مىقتى يگەرۋمەن بىرگە، ىلە قازاق سويىس قويىن ءوسىرۋدى تىڭعىلىقتى ىستەپ، مالشىلار كىرىسىن ارتتىردى.
تەكەس اۋداندىق مال شارۋاشىلىق–مال شيپاگەرلىگى مەكەمەسىنىڭ باستىعى تاۋلان تۇرداۋ ۇلىنىڭ تانىستىرۋىنا قاراعاندا، تەكەس اۋدانى ىلە وبلىستىق مال تۇقىمىن اسىلداندىرۋ پۋنكتىنىڭ جان–جاقتى قولداپ–قۋاتتاۋى مەن جەتەكشىلىك ەتۋىندە 2004–جىلدان باستاپ قاراتوعاي اۋىلى داعىنبەل قىستاعىنداعى 6 مالشى وتباسىن ءتۇيىن ەتىپ، ءاربىر قورادا 200 تۇياقتان جيىنى ءبىر مىڭ 200 تۇياق ىلە قازاق سويىس قويىن تاڭداپ باعىپ، مالشىلار اراسىندا ونى كوپتەپ ءوسىرۋ جۇمىسىن تىڭعىلىقتى ورىستەتتى. وسىعان جالعاس تەكەس اۋدانى تاعى 35 مالشى وتباسىن ىلە قازاق سويىس قويىن وسىرەتىن ۇلگى قوس ەتىپ بەلگلەۋدىڭ ناتيجەسىندە بىرنەشە جىلدا ىلە قازاق سويىس قويىنىڭ سانى 6 مىڭ 500 تۇياققا جەتكەن. ىلە قازاق سويىس قويىن ءوسىرۋدىڭ پايداسى مول ەكەندىگىن جەتە تۇسىنگەن تەكەس اۋداندىق پارتكوم مەن حالىق ۇكىمەتى جانە اۋداندىق مال شارۋاشىلىق–مال شيپاگەرلىگى مەكەمەسى اۋدانعا قاراستى ءارقايسى اۋىل، قالاشىقتاردى جابال اتتانىسقا كەلتىرۋمەن بىرگە، جوعارى دارەجەلى قاتىستى تاراۋلاردان مامان، تەحنيكەردى ۇسىنىس ەتىپ، اۋدان كولەمىندەگى مالشىلاردىڭ قوراسىنداعى ىلە قازاق سويىس قويىنىڭ انالىقتارىن سارالاۋ جۇمىستارىن تىڭعىلىقتى ىستەدى ءارى ىلە قازاق سويىس قويىن اسىلداندىرۋ، تازا قاندىلىعىن جوعارىلاتۋ قىزمەتتەرىن مىقتى يگەردى. ناتيجەدە اۋدان بويىنشا قازىرگە دەيىن قارا، قىزىل كۇرەڭ، كوك، اق سىندى ءبىرىڭعاي 4 ءتۇرلى تۇستەگى ىلە قازاق سويىس قويىن وسىرگەن مالشى وتباسى مىڭعا، جالپى ىلە قازاق سويىس قويى 150 مىڭ تۇياققا جەتتى. مۇندا اۋدان بويىنشا ءبىرىڭعاي قىزىل كۇرەڭ ءتۇستى ىلە قازاق سويىس قويىن تابىنداستىرىپ باعىپ وتىرعان مالشى وتباسى 966 عا، قارا ءتۇستى قوي وسىرگەن مالشى وتباسى 15 كە، اق ءتۇستى قوي وسىرگەن مالشى وتباسى 12 گە، كوك ءتۇستى قوي وسىرگەن مالشى وتباسى 7 گە جەتتى. سونىمەن تەكەس اۋدانىنداعى مالشىلار ىلە قازاق سويىس قويىن تۇسكە ايىرىپ تابىنداستىرىپ باعىپ، قوزىسىن ساتقاندا باعاسى وتە جوعارى بولاتىندىعىن جەتە ءتۇسىنىپ، ىلە قازاق سويىس قويىن ءوسىرۋ بەلسەندىلىكتەرى ارتا تۇسكەن.
تەكەس اۋداندىق مال شارۋاشىلىق–مال شيپاگەرلىگى مەكەمەسى مال تۇقىمىن اسىلداندىرۋ پۋنكتىنىڭ باستىعى ماعىش كامالقان ۇلىنىڭ تانىستىرۋىنا قاراعاندا، ىلە قازاق سويىس قويىنىڭ دەنە ءبىتىمى شىمىر، بۇلشىق ەتتەرى مول، قوشقارلارى جۋان ءبىر ءمۇيىزدى، ساۋلىقتارىنىڭ تەڭ جارىمى قۋشىق ءمۇيىزدى، قالعانى توقال بولادى ەكەن. ىلە قازاق سويىس قويى جەرگىلىكتى وڭىرلەردىڭ وزگەشە جاراتىلىستىق ورتاسىنا ءتوزىمدى، ىندەتكە قارسىلىق قۋاتى كۇشتى بولۋدان تىس، بيىك تۇلعالى، كۇيشەڭ، ءوسىپ–جەتىلۋى تەز، تۇقىم قۋالاۋى تۇراقتى، ورتاعا ۇيلەسكىش بولۋ سىندى ەرەكشەلىكتەرىمەن تەكەس اۋدانىنىڭ قوي شارۋاشىلىعىن دامىتۋداعى نەگىزگى قوي تۇقىمىنا اينالعان.
تەكەس اۋدانى مالشىلاردىڭ ىلە قازاق سويىس قويىن ءوسىرۋ جاعىنداعى بەلسەندىلىگىن ونان ارى جوعارىلاتۋ ءۇشىن «ىلە قازاق سويىس قويى» ماركاسىن جاراتىپ، قاراتوعاي اۋىلى مەن قارادالا قالاشىعىن ءتۇيىن ەتىپ، ىلە قازاق سويىس قويىن باعۋدىڭ مەنشىكتى ۇقىعىنا يە تولىمدى بازا قۇرۋعا بارىنشا قۇلشىنىس جاسادى. ءسويتىپ، تەكەس اۋدانى 10 جىل قۇلشىنىس جاساۋ ارقىلى ىلە وزەنى اڭعارىندا ىلە قازاق سويىس قوي بازاسىن قۇرىپ شىعىپ، ىلە وڭىرىندە ساپالى اتالىق قوشقار جەتىسپەۋ قيىنشىلىعىن تۇبىرىنەن شەشىپ، ىلە وبلىسىنا توتە قاراستى 8 اۋدان، ءبىر قالانى جىلىنا 2000–2500 تۇياق اسىل تۇقىمدى ىلە قازاق سويىس قويىنىڭ قوشقارىمەن قامداپ كەلەدى. سونداي–اق ىلە قازاق سويىس قويىنىڭ اسىل تۇقىمدى قوشقارىن وسىرگەن مالشى وتباسىلارى ءار تۇياق قوشقار ءۇشىن اۆتونوميالى رايون جاعىنان بەرىلەتىن 800 يۋان قوسىمشا قاراجاتتان يگىلىكتەنىپ، اسىل تۇقىمدى قوي ءوسىرۋدىڭ پايداسىن كورىپ وتىر.
كەلۋ قاينارى؛ «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
