- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
موڭعۇلكۇرە اۋدانىنىڭ حالىق ساقشىسى ۋ جيانجيە مالشىنى جانە ونىڭ مالىن قۇتقارۋ جولىندا ەرلىكپەن قۇربان بولدى
2015.07.13 13:39
شىلدەنىڭ 9 – كۇنى موڭعۇلكۇرە اۋداندىق ءورت ءوشىرۋ ۇلكەن اترەتىنىڭ ازا زالىنىڭ الدىندا موڭعۇلكۇرە اۋدانى قاشاجار قالاشىقتىق پارتكومنىڭ شۋجيى دۋمان ماعاۋ ۇلى قايعىلى بەينەدە تىلشىگە بىلاي دەدى: قالاشىقتىق ساقشى بولىمشەسىنىڭ قىزمەتىن باسقارىپ وتىرعان بولىمشەنىڭ ورىنباسار باستىعى ۋ جيانجيە شىلدەنىڭ 7 – كۇنى ساعات 20 مولشەرىندە اعاياز وزەنىندە قامالىپ قالعان مالشى مەن قورالى قويدى قۇتقارۋ جولىندا باسىنا تونگەن حاۋىپكە قاراماي، وزەنگە سەكىرىپ تۇسەدى، ەكى كومەكشى قازاق ساقشى اساۋ وزەنگە سەكىرىپ تۇسكەن ەرەكشە حاۋىپتى ساتتە ۋ جيانجيە ءوزىنىڭ باسىنا تونگەن قاتەردى ەلەمەي، شەشۋشى كەزەڭدە ەكى جاۋىنگەر سەرىگىن قۇتقارادى، الايدا ول اساۋ وزەنگە اعىپ، 32 جاستىق ومىرىنەن ايرىلادى.
سول كۇنى تۇستەن كەيىن ءتىلشى اعاياز وزەنى جاعاسىنا بارعاندا وزەن سۋى تاسىپ جاتىپتى. شىرعالاڭ تۋىلعان ورىننىڭ باسى – قاسىندا بولعان حالىق ساقشىسى سول كەزدەگى قورقىنىشتى جاعدايدى بىلاي دەپ ءتۇسىندىردى: سول كۇنى ساعات 20 دان 3 مينۋت وتكەندە قاراسۋ اۋىلىنىڭ مالشىسى سەيسەن توقتاسىن ۇلى مەن ونىڭ بالاسى 302 تۇياق قويدى جايلاۋعا ايداپ بارا جاتىپ، قاشاجار قالاشىقتىق ۇكىمەتتەن ەكى كيلومەتر ارالىقتاعى اعاياز وزەنىندە قويلارىن سۋارىپ جاتقاندا تاۋ قويناۋىنان تۇتقيىل تاسقىن سۋ كەلىپ، وزەن سۋى ارناسىنان اسىپ، قاس قاققانشا قورالى قوي وزەندە قامالىپ قالادى. وزەن سۋى تەرەڭ بولماسا دا، قورالى قوي سۋدان وتۋدەن قورعانىپ، جاعاعا شىعا المايدى. وسى ساتتە سەيسەن توقتاسىن ۇلىنىڭ ەسىنە حالىق ساقشىلارىءتۇسىپ، ولارعا دەرەۋ تەلەفون سوعىپ جاعدايدى مالىمەيدى.
قالاشىقتىق ساقشى بولىمشەسىندە كەزەكشىلىك وتەپ جاتقان ۋ جيانجيە دەرەۋ كەڭسەدەگى حالىق ساقشىلارى مەن كومەكشى ساقشىلاردى باستاپ، شىرعالاڭ تۋىلعان ورىنعا بارادى ءارى قالاشىقتىق پارتكوم مەن ۇكىمەتكە جاعدايدى حابارلايدى.
وزەن جاعاسىندا ۋ جيانجيە شۇعىل جاعدايدى كورىپ، دەرەۋ ارقان ساتىپ اكەلىپ، قالاشىقتىق پارتكوم مەن ۇكىمەتتىڭ باسشىلارىمەن قۇتقارۋ جوباسىن اقىلداسادى. سونىمەن قالاشىقتىق پارتكوم مەن ۇكىمەتتىڭ كادرلارىنان جانە حالىق ساقشىلارى مەن كومەكشى ساقشىلاردان ۇيىمداسقان 18 ادام ارقان بايلاپ، سۋعا ءتۇسىپ، وزەن ورتاسىنداعى قورالى قويدى وزەن جاعاسىنا شىعارۋعا كىرىسەدى. ادامدى قامال ەتۋدىڭ كومەگىندە نەشە ونداعان قوي وزەننەن ءساتتى وتەدى. وسى كەزدە كەيبىر قوزىلار سۋدان وتكەندە وزەن سۋى تاسىپ، قويلار ادامنان جاسالعان قامالعا ەكپىنمەن سوعىلىپ، سۋعا اعادى، ەڭ الدىڭعى جاقتا قويدى قاۋمالاپ كەلە جاتقان ۋ جيانجيە كومەكشى ساقشى تالعات پەن ءسابيتتىڭ وزەندە جانتالاسىپ ومىرىنە حاۋىپ تونگەنىن كورىپ، باسىنا تونگەن قاتەرگە قاراماي، ولاردى سۋدان شىعارادى. تالعات پەن ءسابيت قۇتقارىلادى، الايدا، ۋ جيانجيە باقىتقا قارسى اساۋ وزەندەگى ۇلكەن كوپىر استىنا اعىپ بارىپ، لەزدە عايىپ بولادى.
ۋ جيانجيە سۋعا كەتكەننەن كەيىن قالاشىق كادرلارى مەن حالىق ساقشىلارى دەرەۋ ونى تومەنگى اعاردان ىزدەيدى، حاباردى ەستىسىمەن – اق جەتىپ كەلگەن 100 دەن استام شارۋا دا ۋ جيانجيەنى ىزدەۋگە كىرىسەدى. 12 ساعات شۇعىل ىزدەۋ ارقىلى ەرتەسى ساعات 8 دە شىرعالاڭ تۋىلعان ورىننىڭ تومەنگى اعارىنداعى 18 كيلومەتر ارالىقتان ونىڭ سۇيەگىن تابادى. ناق مايدانداعى كادرلار مەن بۇقارا جانە قوعام حاۋىپسىزدىگى حالىق ساقشىلارى كوزدەرىنە ەرىكسىز جاس الادى. وسى رەتكى قۇتقارۋ قيمىلىندا مالشى قۇتقارىلىپ قالماستان، ونىڭ 285 تۇياق قويى دا وزەن جاعاسىنا امان – ەسەن شىعارىلادى.
موڭعۇلكۇرە اۋداندىق پارتكومنىڭ تۇراقتى مۇشەسى، قوعام حاۋىپسىزدىگى مەكەمەسىنىڭ باستىعى ياڭ حاي كوزىنە جاس الىپ بىلاي دەدى: ۋ جيانجيە مالشىنى قاتەردەن قۇتقارۋ، از ۇلت جاۋىنگەر سەرىگىن قۇتقارۋ جولىندا ەرلىكپەن قۇربان بولدى. ول ۇنەمى وزىنە قاتاڭ تالاپ قوياتىن، قىزمەتتە مۇقيات، شىنايى ىستەيتىن، ول موڭعۇلكۇرەدەگى بارشا قوعام حاۋىپسىزدىگى حالىق ساقشىلارىنىڭ ۇيرەنۋ ۇلگىسى.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
