- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى وبلىس ءتارتىپ پەن تالاپتى قاتاڭداستىرىپ، كەزەك اۋىستىرۋدىڭ تاماشا اۋانىن قالىپتاستىرۋعا كەپىلدىك ەتتى
2016.04.11 15:58
ەرىكتى ءتىلشى جوۋ زۋ حابارلايدى. كەزەكتە ىلە وبلىسىنا توتە قاراستى اۋدان، قالا، اۋىل، قالاشىق پارتكومدارىنىڭ، حالىق قۇرىلتايلارىنىڭ، ۇكىمەتتەرىنىڭ جانە اۋداندىق، قالالىق پارتكومداردىڭ كەزەك اۋىستىرۋ قىزمەتى قاۋىرت جۇرىلۋدە. وبلىستىق پارتكوم بارشا پارتيالى كادرلاردان ورتالىق ءتارتىپ تەكسەرۋ كوميتەتىنىڭ، ورتالىق ۇيىمداستىرۋ ءبولىمىنىڭ ورتاعا قويعان كەزەك اۋىستىرۋ قىزمەتىندەگى «توعىزعا قاتاڭ تيىم سالۋ» ءتارتىبى مەن تالابى بويىنشا ءتارتىپتى قاتاڭداستىرىپ، كەزەك اۋىستىرۋ ءتارتىبىنىڭ شەكتەمەسىنەن اسىپ كەتپەي، بارشا كادرلار مەن بۇقارانىڭ باقىلاۋىن سانالىلىقپەن قابىلداۋىن؛ ءار دارەجەلى باسشى كادرلاردىڭ ءتارتىپتى باستاماشىلدىقپەن قاتاڭ اتقارىپ، كەزەك اۋىستىرۋ ءتارتىبىنىڭ حالىق قالاۋىنان شىعۋىنا، كەزەك اۋىستىرۋ ورتاسىنىڭ ءادىل بولۋىنا كەپىلدىك ەتۋىن تالاپ ەتتى.
«توعىزعا قاتاڭ تيىم سالۋدىڭ» نەگىزگى مازمۇنى مىنالار: ءبىرىنشى، سىبايلاسىپ توپ قۇرۋعا، جەكە پايداسىن كۇيىتتەۋگە قاتاڭ تيىم سالىنىپ، ءتارتىپ جازاسى بەرىلەدى. ەكىنشى، دەموكراتيالىق سايلاۋ بارىسىندا بەلەت توپتاعاندارعا، پارا بەرۋ ارقىلى بەلەت جيناعاندارعا قاتاڭ تيىم سالىنىپ، كانديداتتىق تولىمدىلىعى كۇشىنەن قالدىرىلادى جانە تارتىپكە قايشى قىلمىسىنىڭ اۋىر - جەڭىلىنە قاراي زاڭ بويىنشا جازا بەرىلەدى. ءۇشىنشى، پارا بەرۋ ارقىلى ءمانساپ ساتىپ الۋ، قىزمەتىن اۋىستىرۋ، دارەجەسىن ءوسىرۋ سياقتىلاردى ماقسات ەتىپ باسقالارعا پايدا جەتكىزگەن جانە پارا العاندار مىندەتىنەن توقتاتىلادى نەمەسە مىندەتىنەن قالدىرىلادى جانە زاڭ بويىنشا ءبىر جاقتى ەتىلەدى. ءتورتىنشى، ءمانساپ قۋىپ سابىلۋعا قاتاڭ تيىم سالىنىپ، بايلانىس قاراستىرۋ سياقتى تاسىلدەردى قولدانىپ ءمانساپ الىپ، دارەجەسىن وسىرمەكشى بولعانداردىڭ ءمانسابىن ءوسىرۋ تولىمدىلىعى كۇشىنەن قالدىرىلادى. بەسىنشى، جالعان قاۋەسەت تاراتىپ ءمانساپتى الداپ الۋعا قاتاڭ تيىم سالىنىپ، كادرلاردىڭ ارحيۆ ماتەريالىن جالعاننان جاساعاندارعا ۇيىمدىق جانە ءتارتىپ جازاسى بەرىلەدى. التىنشى، اراعا ادام سالىپ جاعداي ايتۋعا قاتاڭ تيىم سالىنىپ، ءمانساپتىلاردى شاۋجايلاۋدى ماقسات ەتكەندەرگە جانە باسقالاردىڭ ءمانسابىن ءوسىرۋ ءۇشىن جاعداي ايتقاندارعا، تومەندەگى كادرلاردى تاڭداپ وسىرۋگە كيلىككەندەرگە ەستەلىككە الىپ ارحيۆ تۇرعىزىلادى، جاعدايى اۋىرلاردىڭ جاۋاپكەرلىگى قاتاڭ قۋزاستىرىلادى. جەتىنشى، تارتىپكە قايشىلىق جاساپ ادام ىستەتۋگە قاتاڭ تيىم سالىنىپ، كادرلاردى تاڭداپ وسىرۋگە كيلىككەندەرگە، شەكتەن اسىرا كادر سەپتەگەندەرگە جانە كادرلاردى تاڭداپ ىستەتۋ تارتىبىنە اۋىر قايشىلىق جاساعاندارعا ءتارتىپ جازاسى بەرىلەدى. سەگىزىنشى، كەزەك اۋىستىرۋ قىزمەتىنىڭ ورنالاستىرىلۋ قۇپيالىعىن شاشۋعا قاتاڭ تيىم سالىنىپ، قاتىستى ادامداردىڭ جاۋاپكەرلىگى قۋزاستىرىلادى. توعىزىنشى، كەزەك اۋىستىرۋ قىزمەتىنە كيلىگىپ، وسەك - اياڭ تاراتىپ، باسقالارعا جالا جاۋىپ، سايلانۋ ۇقىعىنا زيان سالعانداردىڭ جاۋاپكەرلىگى قاتاڭ قۋزاستىرىلادى ءارى ءادىليا ورگاندارىنىڭ ءبىر جاقتى ەتۋىنە تاپسىرىلادى.
بارشا پارتيالى كادرلار مەن بۇقارانىڭ كەزەك اۋىستىرۋ تارتىبىنە قيعاشتىق جاساۋ ارەكەتىن بايقاعاندارى بولسا حات ارقىلى، اشكەرەلەۋ تەلەفون نومىرىنە تەلەفون جالعاۋ ارقىلى جانە اشكەرەلەۋ توراپ ادرەسى مەن «ءتورتتى ءبىر تۇلعالاندىرۋدىڭ» «12380» اشكەرەلەۋ تەكشەسى ارقىلى وبلىستىق پارتكومنىڭ ۇيىمداستىرۋ بولىمىنە اڭىس ەتۋىنە بولادى. اڭىس ەتكەن ماسەلەسى، ءسوزسىز، شىندىقتى ءىس جۇزىنەن ىزدەگەن بولۋى، اڭىس ەتەتىن ادامى مەن مەكەمەسىنىڭ ناقتى اتى - ءجونىن ايتۋى كەرەك.
ىلە وبلىستىق پارتكوم ۇيىمداستىرۋ ءبولىمىنىڭ اشكەرەلەۋ ادرەسى: قۇلجا قالاسى ازاتتىق باتىس داڭعىلى 1-ءنومىرلى اۋلا، پوچتا ءنومىرى: 835000.
ىلە وبلىستىق پارتكوم ۇيىمداستىرۋ ءبولىمىنىڭ اشكەرەلەۋ تەلەفون ءنومىرى: 01238-0999.
ىلە وبلىستىق پارتكوم ۇيىمداستىرۋ ءبولىمىنىڭ اشكەرەلەۋ توراپ بەكەتى: http://yl.xj12380.gov.cn
ىلە وبلىستىق پارتكوم ۇيىمداستىرۋ ءبولىمىنىڭ كەلتە حات ارقىلى اشكەرەلەۋ تەلەفون ءنومىرى: 18139212380
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
