- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ەتەنە تۋىستارداي قويۋ بەرەكە _ بىرلىك ورناتتى
حۋاڭ سانپيڭنىڭ ياسىنجان امەتپەن دوستىق _ تۋىستىق قاتىناسى
2016.10.28 14:07
قازاننىڭ 23–كۇنى تۇستەن كەيىن وبلىستىق پارتكومنىڭ شۋجيى حۋاڭ سانپيڭ قۇلجا قالاسى بايانداي قالاشىعىنىڭ بايانداي قىستاعىنا كەلىپ، قىستاق تۇرعىنى ياسىنجان امەتتىڭ قولىن قىسىپ تۇرىپ، جاتتىق ۇيعۇر تىلىندە «اكا، ياحشىمۇسىز» (اعاسى، سالەمەتسىزبە) دەپ ەسەندىك سۇرادى. ال جۇزىنەن قۋانىش لەبى ەسكەن ياسىنجان امەت «نيحاۋ، نيحاۋ، شيۇڭدي» دەپ حانزۋشالاپ ىستىق قۇشاعىن ايقارا اشىپ، «باۋىرىن» ۇيىنە باستادى.
حۋاڭ سانپيڭنىڭ زايىبى جاڭ زىفىڭ ياسىنجاننىڭ زايىبى ءماريام ماحمۇتقا «امانسىز با، جەڭگە» دەپ كوزىنە ىستىق جاس الىپ، بىرگە تۋعان اپەكە–سىڭلىلەردەي قۇشاقتاسىپ ديدارلاستى.
بايانداي قىستاعىنىڭ تۇرعىنى، ساقا پارتيا مۇشەسى، جەرگىلىكتى ۇگىت–لەكسياشى، بيىل 72 جاستاعى ياسىنجان امەت حۋاڭ سانپيڭنىڭ دوستىق – تۋىستىق قاتىناس ورناتۋ وبيەكتىسى ەدى.
ياسىنجان امەت: «الدىڭعى اپتادا كەلگەندە دە كوپ سالەمدەمە كوتەرە كەلىپ ەدىڭ، سەن كەلگەندە سويىپ بەرەم عوي دەپ ءبىر قوي الىپ قويعام، كەلەتىنىڭدى الدىن–الا ايتىپ قويساڭ بولماي ما؟»،–دەپ سويلەي ءجۇرىپ حۋاڭ سانپيڭدى ۇيىنە ەرتىپ كىردى.
حۋاڭ سانپيڭ كلەتتىڭ ىشىندەگى قىستىڭ قامى ءۇشىن ءتۇسىرىپ قويعان كومىردى جانە جەمدەپ وتىرعان قويدى كورىپ: ءبىز ءبىر وتباسىنىڭ ادامدارىمىز، ءىنىسى اعاسىن ساعىنسا، كورگىسى كەلسە الدىن–الا حابار بەرمەستەن توتە كەلە بەرەدى، وندا تۇرعان ەشتەڭە جوق، ءتىپتى، قوي سويۋدىڭ دا قاجەتى جوق، بۇل ءوزىمىزدىڭ ءۇيدىڭ مالى، سەمىرگەننەن كەيىن ساتىپ، كىرىس رەتىندە كادەگە جاراتىڭىز. بۇگىن جەكسەنبى، تۋىستارىمىزدى كورىپ قايتايىق، قىستا جاعاتىن كومىر ءتۇسىرىپ الدى ما ەكەن دەپ حال–جاعدايلارىڭىزدى بىلەيىك دەپ كەلدىك،–دەدى.
ءبىر ءۇيلى جان رەتتى دە تازا سىپى ۇستىنە جايعاسىپ، ىستىق شاي ىشە وتىرىپ، ىنتىماق جايىندا كوسىلە اڭگىمە دۇكەنىن قۇردى. اۋلادان اۋىق–اۋىق شاتتىق كۇلكىسى ەستىلىپ تۇردى.
حۋاڭ سانپيڭ ياسىنجان امەتتىڭ بالالارىنىڭ جاعدايىن سۇرادى، ول ۇلىنىڭ جۋىردا ۇيلەنەتىندىگىن، تويعا حۋاڭ سانپيڭ مەن ايەلى ەكەۋىنىڭ دە كەلىپ قاتىناسۋىن ىستىق ىقىلاسپەن ءوتىندى. حۋاڭ سانپيڭ تويعا بالا–شاعاممەن بىرلىكتە قاتىناسامىن دەپ قۋانا–قۋانا كەلىستى. اعا–ءىنى ەكەۋى قۋانا كۇلىپ، اڭگىمە ايتىپ، ارقا–جارقا بولدى.
حۋاڭ سانپيڭ: ياسىنجان امەت ءبىزدىڭ تۋىسىمىز، ونىڭ ءۇيى مەنىڭ ءۇيىم، بۇدان كەيىن دە ۇنەمى كەلىپ تۇرامىن. وراي بولىپ جاتسا وزدەرىڭىز دە مەنىڭ ءۇيىمدى، قىزمەت ورنىمدى كورىپ قايتىڭىزدار،–دەپ بايلانىس كارتۋچكاسىن ياسىنجانعا بەردى. ول تاعى: بۇل مەنىڭ تەلەفون ءنومىرىم، جۇمىس بولسا تەلەفون بەرىڭىزدەر، وسى كارتۋچكا ارقىلى مەنى تابا الاسىزدار،–دەدى.
ياسىنجان امەت قۋانىشتى تۇردە بىلاي دەدى: ساقا پارتيا مۇشەسى بولۋ سالاۋاتىممەن قىستاقتىڭ ورنىقتىلىعى مەن دامۋىنا باستان–اياق كوڭىل ءبولىپ كەلە جاتىرمىن. كەزەكتە «ۇلتتار ىنتىماعىنىڭ بەرەكەلى شاڭىراعى» قيمىلىنىڭ ورىستەتىلۋى وتە تاماشا بولدى، ىنتىماق، ورنىقتىلىق بولعاندا عانا دامۋعا بولادى. شينجياڭ كوپ ۇلتتى رايون، الايدا ءبارى جۇڭحۋا ۇلتتارى، وسىنداي ۇلى شاڭىراقتا ءبىز اناردىڭ دانىندەي تىعىز ىنتىماقتاسۋىمىز ءتيىس، سوندا عانا جاراسىمدى دا ورنىقتى ورتا بولادى، سوندا عانا كوپشىلىكتىڭ تۇرمىسى باقىتقا شومادى. كەشە قىستاعىمىزدا «پارتياعا قالتقىسىز ادال بولۋ» جونىندە تالقى ءماجىلىسىن وتكىزدىك، قىستاق پارتيا ياچەيكا شۋجيى تاماشا ساباق سويلەدى. ساقا پارتيا مۇشەسى جانە جەرگىلىكتى ۇگىت–لەكسياشى بولۋ سالاۋاتىممەن بۇدان كەيىن دە «پارتياعا قالتقىسىز ادال بولۋ» ارناۋلى ۇيرەنۋ–تاربيەسىن كۇشەيتىپ، جاستاردى جانە وزىمە قاراستى رايونداعى بۇقارانى ۇلتتار ىنتىماعى قىزمەتىن ويداعىداي ىستەۋگە باستايمىن.
حۋاڭ سانپيڭ ياسىنجان امەتتىڭ ءسوزىن جالعاپ بىلاي دەدى: بايانداي قالاشىعىنداعى ءار ۇلت حالقىندا باستان–اياق ىنتىماقتى، بەرەكەلى تاماشا ءداستۇر بار، كوپشىلىكتىڭ وسى تاماشا ءداستۇردى ۇزدىكسىز جالعاستىرا بەرۋىن ءۇمىت ەتەمىن.
سىپى ۇستىندە ۇلكەندەر اڭگىمە دۇكەنىن قۇرۋدا، بالالار حۋاڭ سانپيڭ اكەلگەن جاڭا كىتاپتار مەن سومكەلەردى اشىپ كورۋدە. حۋاڭ سانپيڭنىڭ ايەلى ياسىنجان امەتتىڭ ايەلىنە ارناپ العان پالتو مەن ىدىس–اياقتى ۇسىندى.
قوشتاسار ساتتە، ياسىنجان امەت حۋاڭ سانپيڭنىڭ قولىن قاتتى قىسىپ تۇرىپ بىلاي دەدى: سەندەي حانزۋ ءىنىم بولعانىنا قاتتى قۋانىشتامىن، بۇدان كەيىن وسى اۋىلدىڭ، وسى قىستاقتىڭ قىزمەتىن بار كۇشپەن قولدايمىن، بار كۇش–قۋاتىممەن ۇلتتار ىنتىماعى قىزمەتىن ويداعىداي ىستەيمىن.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
