- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
پارتيانى جاپپاي قاتاڭ جونگە سالۋدى تياناقتاندىرامىز
2016.10.28 13:16 كەلۋ قاينارى : شينجياڭ گازەتى
مەشىن جىلىنىڭ التىن كۇزى − مول ءونىم ماۋسىمى. جۇڭگو كوممۋنيستىك پارتياسى 18 - كەزەكتى ورتالىق كوميتەتىنىڭ التىنشى جالپى ءماجىلىسى جەڭىسپەن جابىلدى. بۇل − جۇڭگو كوممۋنيستىك پارتياسىنىڭ قۇرىلعانىنا 95 جىل، قىزىل ارميا ۇزاق جورىعىنىڭ جەڭىسكە جەتكەنىنە 80 جىل تولعان تاريحي مەزەتتە، رەفورمانى جاپپاي تەرەڭدەتۋ مەن جاپپاي دوڭگەلەك داۋلەتتى قوعام قۇرۋدىڭ شەشۋشى ساتىندە اشىلعان اسا ماڭىزدى ءماجىلىس. جالپى ءماجىلىس ورتالىق كوميتەت ساياسي بيۋروسىنىڭ پارتيا 18 - كەزەكتى ورتالىق كوميتەتىنىڭ بەسىنشى جالپى ماجىلىسىنەن بەرگى قىزمەتتەرىن تولىق تۇراقتاندىرىپ، پارتيانى قاتاڭ جونگە سالۋدا قول جەتكەن تابىستارعا جوعارى باعا بەردى. جالپى ءماجىلىس پارتيا قۇرىلىسى ءدوپ كەلگەن جاعداي مەن مىندەتتەرگە جان - جاقتى تالداۋ جاساپ، سوڭعى جىلدارداعى، اسىرەسە، پارتيانىڭ 18 - قۇرىلتايىنان بەرگى پارتيانى جاپپاي قاتاڭ جونگە سالۋدىڭ نازارياسى مەن امالياتىن جۇيەلى قورىتىندىلاپ، جاڭا جاعدايدا پارتيا قۇرىلىسىن كۇشەيتۋ جونىندە جاڭا ماڭىزدى ورنالاستىرۋ جاساپ، پارتيا ورتالىق كوميتەتىنىڭ پارتيانى جاپپاي قاتاڭ جونگە سالۋدى تاباندىلىقپەن العا ىلگەرىلەتۋدەگى بەرىك بەكىمى مەن تاريحي جاۋاپكەرشىلىگىن تولىق ايگىلەدى، بۇكىل پارتيانىڭ ورتاق تىلەگىن بەينەلەدى، بۇل پارتيانىڭ قاشاندا جۇڭگوشا سوتسياليزم ىستەرىنىڭ پارمەندى باسشىلىق كۇشى بولۋىنا كەپىلدىك ەتۋدە، «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس ىلگەرىلەتىپ جانە «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، كوپتەگەن جاڭا تاريحي ەرەكشەلىكتەرگە يە ۇلى كۇرەستى اناعۇرلىم ويداعىداي جۇرگىزىپ، پارتيا قۇرىلىسىنىڭ جاڭا ۇلى ينجەنەرياسىن جانە جۇڭگوشا سوتسياليزم ۇلى ىستەرىن ىلگەرىلەتىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ىسكە اسىرۋدا ماڭىزدى مانگە، تەرەڭ ىقپالعا يە.
مەملەكەتتى جونگە سالۋ ءۇشىن، ءسوز جوق، الدىمەن پارتيانى جونگە سالۋ، پارتيانى جونگە سالۋدا، ءسوز جوق، قاتاڭ بولۋ قاجەت. پارتيانى جاپپاي قاتاڭ جونگە سالۋ − وسى رەتكى جالپى ءماجىلىستىڭ ايقىن تاقىرىبى. 88 ميلليوننان اسا مۇشەسى بار ءىرى پارتيا، ءبىر ميلليارد 300 ميلليوننان اسا حالقى بار الىپ ەلدە ۇزاق ۋاقىت بيلىك جۇرگىزگەن پارتيا جونىنەن العاندا، پارتيا قۇرىلىسىنىڭ قاتىسى ماڭىزدى ءارى جالپى جاعدايعا قوزعاۋشىلىق ەتەدى پارتيانىڭ 18 - قۇرىلتايىنان بەرى، پارتيامىز 18 - كەزەكتى ورتالىق كوميتەتتىڭ ءۇشىنشى، ءتورتىنشى، بەسىنشى جالپى ماجىلىستەرىن اشىپ، رەفورمانى جاپپاي تەرەڭدەتۋ، مەملەكەتتى جاپپاي زاڭمەن جونگە سالۋ، جاپپاي دوڭگەلەك داۋلەتتى قوعام قۇرۋ جونىندە ورنالاستىرۋ جاسادى، وسى جولعى جالپى ءماجىلىس پارتيانى جاپپاي قاتاڭ جونگە سالۋدى ارناۋلى زەرتتەدى، بۇل پارتيا ورتالىق كوميتەتىنىڭ «ءتورتتى جاپپاي ورىنداۋ» ستراتەگيالىق ورنالاستىرۋىن نازارعا الا وتىرىپ جاساعان ماڭىزدى جوباسى، پارتيا ورتالىق كوميتەتىنىڭ ەل باسقارىپ، بيلىك جۇرگىزۋ جالپى جوباسىنىڭ رەتىمەن ورىستەپ، تەرەڭدەي ىلگەرىلەۋى. پارتيانىڭ ىشكى ساياسي تۇرمىسىن كۇشەيتۋ جانە ارناعا ءتۇسىرۋ، پارتيا ىشىندەگى باقىلاۋدى كۇشەيتۋ − جاڭا جاعدايدا پارتيا قۇرىلىسىن كۇشەيتۋدىڭ ماڭىزدى تاقىرىبى جانە پارتيانى جاپپاي قاتاڭ جونگە سالۋدىڭ تۇتقاسى. پارتيانىڭ ىشكى ساياسي تۇرمىسىن قاتايتۋ − پارتيامىزدىڭ تاڭداۋلى ءداستۇرى جانە ساياسي ابزالدىلىعى ءارى پارتيانى جاپپاي قاتاڭ باسقارۋدىڭ نەگىزى. پارتيانى پارتيا باسقارۋدا، الدىمەن، پارتيانىڭ ىشكى ساياسي تۇرمىسىن باسقارۋدان باستاۋ؛ پارتيانى قاتاڭ جونگە سالۋدا، الدىمەن، پارتيانىڭ ىشكى ساياسي تۇرمىسىن قاتايتۋدان باستاۋ كەرەك. پارتيا ىشىندەگى باقىلاۋ − پارتيا قۇرىلىسىنىڭ ماڭىزدى مازمۇنى جانە پارتيانى جاپپاي قاتاڭ جونگە سالۋدىڭ ماڭىزدى كەپىلى، پارتيانىڭ بيلىك جۇرگىزۋ مارتەبەسى پارتيا ىشىندەگى باقىلاۋدىڭ پارتيا مەن مەملەكەتتىڭ ءتۇرلى باقىلاۋ تاسىلىندە ەڭ نەگىزگى، ماڭداي الدى ورىندا تۇراتىندىعىن بەلگىلەگەن.
«زاڭ زامان وزگەرىسىنە بەيىمدەلسە، ءونىمدى، باسقارۋ اۋقىمعا سايكەسسە، ناتيجەلى بولادى؛ بيلىك قوعام ومىرىنە ۇيلەسسە، ناقتى ناتيجە بەرەدى». پارتيا ورتالىق كوميتەتىنىڭ وسى رەتكى جالپى ماجىلىستە ولشەم بەلگىلەپ، ەرەجەگە وزگەرىس ەنگىزۋدى ۇيعارۋى − پارتيانى جاپپاي قاتاڭ جونگە سالۋدى ىلگەرىلەتۋدى كوزدەپ، پارتيانىڭ يدەيالىق قۇرىلىسىن كۇشەيتۋ مەن پارتيانى ءتۇزىم ارقىلى جونگە سالۋدى ۇشتاستىرۋعا تاباندى بولۋ تۇرعىسىنان جاسالعان ماڭىزدى ورنالاستىرۋ. ەكى حۇجاتتىڭ ەڭ كورنەكتى ەرەكشەلىگى − جالعاستىرۋ مەن جاڭالاۋدىڭ يكەمدى بىرلىككە كەلگەندىگىندە. مۇندا پارتيامىزدىڭ ءوز قۇرىلىسىن كۇشەيتۋ جاعىنداعى تاجىريبە - ساباقتارى تەرەڭ قورىتىندىلانىپ، پارتيامىزدىڭ ۇزاق مەرزىمدىك اماليات بارىسىندا قالىپتاستىرعان تۇزىمدەرى مەن بەلگىلەمەلەرى جالعاستىرىلىپ، پارتيامىزدىڭ تاڭداۋلى ءداستۇرى ساۋلەلەندىرىلدى، سونىمەن بىرگە، پارتيانىڭ 18 - قۇرىلتايىنان بەرى، پارتيا ورتالىق كوميتەتىنىڭ پارتيانى جاپپاي قاتاڭ جونگە سالۋدى ىلگەرىلەتكەن جالىندى امالياتى جان - جاقتى قورىتىندىلانىپ، پارتيانى جاپپاي قاتاڭ جونگە سالۋدىڭ نازاريالىق جانە امالياتتىق جاڭا جەتىستىكتەرى قابىلداندى ءارى جاڭا جاعدايدا پارتيا قۇرىلىسى ءدوپ كەلگەن جاڭا جاعدايعا، تىڭ ماسەلەلەرگە ىشكەرىلەي تالداۋ جاسالىپ، قازىرگى كەزدە پارتيانىڭ ىشكى ساياسي تۇرمىسى مەن پارتيا ىشىندەگى باقىلاۋدا ورىن تەپكەن ەلەۋلى ماسەلەلەرگە تىكە قارالىپ، پارتيالى باسشى كادرلار، وتە - موتە، جوعارى دارەجەلى كادرلار −− وسى «شەشۋشى ازشىلىق» نازارعا الىنىپ، جاڭا تۇزىمدىك ورنالاستىرۋ جاسالىپ، پارتيانىڭ ىشكى ساياسي تۇرمىسى مەن پارتيا ىشىندەگى باقىلاۋدىڭ تۇزىمدەنۋى، ارناعا ءتۇسۋى، تارتىپتەنۋى ىسكە اسىرىلىپ، پارتيانى جاپپاي قاتاڭ جونگە سالۋعا، پارتيانىڭ جاسامپازدىق قابىلەتىن، ۇيىسقىشتىق قابىلەتىن، جاۋىنگەرلىك قابىلەتىن وسىرۋگە ءتۇزىم جاعىنان پارمەندى كەپىلدىك جاسالدى.
ءبىر مەملەكەت، ءبىر ساياسي پارتيا جونىنەن العاندا، باسشىلىق ۇيتقى توتەنشە ماڭىزدى. ءبىز سەكىلدى ءىرى مەملەكەت، ءىرى پارتيا جونىنەن العاندا، بۇكىل پارتيانى جۇمىلدىرىپ، حالىقتى ىنتىماقتاستىرىپ، سىن - سايىستاردى جەڭىپ، تولقىن جارا العا ىلگەرىلەپ، پارتيامىزدىڭ قاشاندا تاباندى دا پارمەندى بيلىك باسىنداعى ماركستىك پارتيا، قاشاندا جۇڭگوشا سوتسياليزمنىڭ پارمەندى باسشىلىق ۇيتقىسى بولا بەرۋىنە كەپىلدىك ەتۋ ءۇشىن، پارتيا ورتالىق كوميتەتىندە، بۇكىل پارتيادا، ءسوز جوق، ءبىر ۇيتقى بولۋى كەرەك. پارتيانىڭ 18 - قۇرىلتايىنان بەرى، باس شۋجي شي جينپيڭ بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن باستاپ، جۇڭگوشا سوتسياليزم ۇلى ىستەرى مەن پارتيا قۇرىلىسىنىڭ جاڭا ۇلى ينجەنەرياسىنىڭ جاڭا جاعدايىن قالىپتاستىرىپ، رەفورما، دامۋ، ورنىقتىلىق ىستەرى، ىشكى - سىرتقى ىستەر جانە مەملەكەت قورعانىسى، پارتيانى، مەملەكەتتى، ارميانى جونگە سالۋ سياقتى جاقتاردا ماڭىزدى رەال مانگە جانە تەرەڭ تاريحي مانگە يە ءبىرسىپىرا جەتىستىكتەرگە قول جەتكىزىپ، پارتيا مەن مەملەكەت ىستەرىنىڭ بۇرىنعىعا مۇراگەر، كەيىنگىگە بۇيداگەر بولۋىن ىسكە اسىردى. باس شۋجي شي جينپيڭ جاڭا ۇلى كۇرەس امالياتىندا پارتيا ورتالىق كوميتەتىنىڭ ۇيتقىسىنا، بۇكىل پارتيانىڭ ۇيتقىسىنا اينالدى. وسى رەتكى جالپى ماجىلىستە «شي جينپيڭ جولداستى ۇيتقى ەتكەن پارتيا ورتالىق كوميتەتى» دەگەن تىركەستى رەسمي العا قويىلۋى بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ ورتاق تىلەگىن بەينەلەدى، بۇل پارتيا مەن مەملەكەتتىڭ ءتۇبىرلى مۇددەسى ءارى پارتيانىڭ باسشىلىعىنا تاباندى بولۋدىڭ جانە ونى كۇشەيتۋدىڭ ءتۇبىرلى كەپىلى، كوپتەگەن جاڭا تاريحي ەرەكشەلىككە يە ۇلى كۇرەستەردى جۇرگىزىپ، جۇڭگوشا سوتسياليزم ۇلى ىستەرىنە تاباندى بولۋدىڭ جانە ونى دامىتۋدىڭ كوكەي تەستى قاجەتى. بۇل پارتيا ورتالىق كوميتەتىنىڭ بەدەلىن، پارتيانىڭ ىنتىماعى مەن شوعىرلى ءبىر تۇتاس باسشىلىعىن قورعاپ، بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ كۇش - قۋاتتى اناعۇرلىم ويداعىداي توپتاپ، ورايدى مىقتى يگەرىپ، سىن - سايىستاردى جەڭۋىندە، بۇكىل پارتيانىڭ ءبىر نيەت، ءبىر تىلەكپەن ىنتىماقتاسىپ، اۋەلگى ماقساتتى ەستەن شىعارماي، ۇدەرە العا تارتۋىندا، پارتيا مەن مەملەكەتتىڭ گۇلدەنىپ - كوركەيۋىنە، باياندى تىنىشتىعىنا كەپىلدىك ەتۋدە ايرىقشا ماڭىزدى جانە تەرەڭ ماڭىز الادى.
تاريحي بورىشتار نەعۇرلىم داڭقتى، العا باسۋ جولى نەعۇرلىم كەڭ بولعان سايىن، پارتيامىزدىڭ جالپى جاعدايدى جوبالاپ، بەتالىسقا ءجون سىلتەۋى سولعۇرلىم قاجەت بولادى. جالپى ءماجىلىس پارتيانىڭ مەملەكەتتىك 19 - قۇرىلتايىن 2017 - جىلدىڭ سوڭعى جارتىسىندا بەيجيڭدە اشۋدى ۇيعاردى. بۇل پارتيا مەن مەملەكەتتىڭ ساياسي ومىرىندەگى ءىرى ءىس، بۇكىل پارتيا پارتيانىڭ 18 - قۇرىلتايى مەن 18 - كەزەكتى ورتالىق كوميتەتتىڭ ءۇشىنشى، ءتورتىنشى، بەسىنشى، التىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، سەنىمدى بەكەمدەپ، ۇدەرە العا تارتىپ، پارتيا مەن مەملەكەتتىڭ ءتۇرلى قىزمەتىن، اسىرەسە، يدەيالىق - نازاريالىق دايىندىق قىزمەتىن، ۇيىمدىق دايىندىق قىزمەتىن، ەكونوميكالىق، قوعامدىق دامۋ قىزمەتىن جانە يدەولوگيا قىزمەتىن ونان ارى جاقسى ىستەپ، قوعامنىڭ جاراسىمدىلىعى مەن ورنىقتىلىعىن شىنايى قورعاپ، پارتيانىڭ 19 - قۇرىلتايىن ۇزدىك ناتيجەمەن قارسى الۋى كەرەك.
ارمان الدان قول بۇلعاپ تۇر، ەكپىندەي ىلگەرىلەيتىن كەز كەلدى. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز توپتاسىپ، وسى رەتكى جالپى ءماجىلىستىڭ رۋحىن جان - جاقتى، ىشكەرىلەي دايەكتىلەندىرىپ، ساياسي تانىمدى، جالپى جاعداي تانىمىن، ۇيتقى تانىمىن، ساپ تۇزەۋ تانىمىن بەرىك ورناتىپ، پارتيا ورتالىق كوميتەتىنىڭ بەدەلى مەن شوعىرلى ءبىر تۇتاس باسشىلىعىن تاباندىلىقپەن قورعاپ، پارتيانى جاپپاي قاتاڭ جونگە سالۋدى ۇزدىكسىز العا ىلگەرىلەتىپ، ستيلى پاك، سالتى دۇرىس ساياسي ەكولوگيانى بىرگە قالىپتاستىرىپ، پارتيا ورتالىق كوميتەتىنىڭ ءتۇرلى شەشىمدەرى مەن ورنالاستىرۋىن اناعۇرلىم تىڭعىلىقتى تياناقتاندىرىپ، جۇرت تىلەگىن جۇمىلدىرىپ، قۇرىش قورعان تۇرعىزىپ، «قوس 100 جىلدىق» كۇرەس نىساناسىن، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قاجىماي - تالماي كۇرەس جۇرگىزە بەرەيىك.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
