- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
دىڭ جاڭۋ التاي قالاسىندا قىزمەت تەكسەردى
2016.11.28 10:04
ايماقتىق پارتكومنىڭ شۋجيى دىڭ جاڭ-ۋ قاراشانىڭ 23- كۇنى التاي قالاسىندا تەكسەرۋ- زەرتتەۋ جۇرگىزىپ، التاي قالاسىنداعى ەكونوميكا مەن قوعامدىق ىستەردىڭ دامۋ جاعدايىن جاپپاي ۇعىسىپ، دامۋعا تۇساۋ بولعان كىلتەڭ ماسەلەلەردى شەشۋ جولدارىن اقىلداستى.
سول كۇنى دىڭ جاڭ-ۋ التاي قالاسىنداعى گەنارال تاۋى شاڭعى الاڭىنىڭ قىسقى ساياحات قىزمەتى، التاي قالالىق 3- ورتا مەكتەپتىڭ تازا ەنەرگيا ارقىلى جىلۋمەن قامداۋ نىسانى، بۇرىنعى سەمونت زاۆودىنىڭ ورنىنا «گۋباۋ» مەيمانسارايىن سالۋ نىسانى، التاي سالت- ءداستۇر كوشەسىن سالۋ نىسانى، ايماقتىق 2- ورتا مەكتەپتەگى ىڭعايلى ساقشىلىق پونكىتىنىڭ سالىنۋ جاعدايى، ۆوكزالداعى قوناقتاردى قارسى الۋ جولىنىڭ ەكىنشى مەرزىمدىك قۇرىلىسى جانە ۆوكزالدىڭ الدىنداعى الاڭ قۇرىلىسى، زەردەلى قالا قالىپتاستىرۋ سەكىلدى قىزمەتتەردىڭ ورىستەتىلۋ احۋلىن تەكسەرىپ- زەرتتەدى.
سول كۇنى تۇستەن كەيىن دىڭ جاڭ-ۋ التاي قالاسىنىڭ قىزمەتى جونىندە مالىمەت تىڭداۋ ءماجىلىسىن باسقارىپ اشتى. تەكسەرۋ- زەرتتەۋ گرۋپپاسىنداعىلار التاي قالاسىنىڭ قوعام ورنىقتىلىعى، ەكونوميكاسىنىڭ دامۋى سەكىلدى قىزمەتتەر جٶنىندە مالىمەت تىڭداعان سوڭ التاي قالاسىنىڭ قازىرگى ەكونوميكاسى مەن قوعامىنىڭ دامۋى بارىسىندا ورىن تەۋىپ وتىرعان ماسەلەلەر، سونداي-اق نىساندارعا قارجى قۇراۋ، ساياحات كاسىبىن دامىتۋ، قاتىناس قۇرىلىسى، ساۋداگەر شاقىرىپ قارجى ەنگىزۋ، قالا قۇرىلىسى سياقتىلار جٶنىندەگى ۇسىنىس- پىكىرلەرىن العا قويدى.
دىڭ جاڭ-ۋ مالىمەت تىڭداۋ ماجىلىسىندە مىنالاردى اتاپ كورسەتتى: التاي قالاسىنداعى جولداستاردىڭ دامۋ جونىندەگى وي جەلىسى ايقىن، نىساناسى انىق، شارالارى لايىقتى، دامۋى بەتالىسى مەن قول جەتكىزگەن ناتيجەلەرى قۋانارلىق بولىپ، التايدىڭ دامۋ تاريحىنا ەلەۋلى ەڭبەك سىڭىرگەن. نەگىزدىك قۇرىلعى قۇرىلىسى، كاسىپتەردى دامىتۋ، قارجى قۇراۋ قابىلەتى سەكىلدى جاقتاردا ەلەۋلى ناتيجەلەرگە قول جەتكىزدى. التاي قالاسىنداعى جولداستار 2016- جىلعى قىزمەتتەردى دەن قويا قورتىندىلاپ، قوعام ورنىقتىلىعى مەن باياندى تىنىشتىقتى ساقتاۋ باس نىساناسىن مىقتاپ ارقاۋ ەتىپ، كۇش ۇستىنە كۇش قوسىپ، ءتۇرلى قىزمەتتەردى تىڭ بەلەسكە جەتكىزگەندەرى ءجون.
دىڭ جاڭ-ۋ ەندىگى قىزمەتتەردى ويداعىداي ىستەۋ جونىندە مىنالاردى تالاپ ەتتى: قازىرگى جاعدايعا دۇرىس تالداۋ جاساۋ جانە تۇجىرىم جاساۋ، جاڭا قالىپقا بەلسەندىلىكپەن ىرىقتىلىقپەن ۇيلەسۋ كەرەك. ۇيرەنۋدى كۇشەيتىپ، ورتالىق پەن اۆتونوميالى رايوننىڭ كاسىپ، فينانىس جٶنىندەگى ساياساتتارىن دەن قويا ۇيرەنۋ قاجەت. تەكسەرۋ- زەرتتەۋ ايىنداعى قيمىلداردى ويداعىداي ورىستەتىپ، اۋىل- قىستاقتارعا، مالىلەرگە بارىپ تەكسەرۋ- زەرتتەۋ قيمىلىن ورىستەتۋ قاجەت. دامۋ بارىسىنداعى جاڭا قالىپقا ۇيلەسپەيتىن ماسەلەلەردى دەن قويا انىقتاۋ، زەرتتەۋ قىزمەتىندەگى ءالسىز بۋىندارعا تاعى دا تالداۋ جاساۋ، اسىرەسە يدەيالىق تانىمداعى جاڭا قالىپقا ۇيلەسپەۋ ماسەلەلەرىن انىقتاۋ، يدەيانى ازات ەتىپ، ماسەلەنى بەتكە الۋ، جاڭالىق اشۋ ارقىلى دەم بەرۋگە، جان سانى، جەر، كاپيتال سەكىلدى فاكتورلار ارقىلى دەم بەرۋگە ءمان بەرۋ، ەكونوميكانى ارتتىرۋ جانە دامىتۋ، قامداۋ جاعىنداعى قۇرىلىمدىق رەفورمانىڭ تالابىنا بەلسەنە ۇيلەسۋ كەرەك. ءار دارەجەلى باسشى كادرلار فيلوسوفيالىق ويلام، زاڭمەن جونگە سالۋ ويلامى، عالامتور ويلامى بويىنشا جاڭا قالىپقا بەلسەنە ۇيلەسۋلەرى كەرەك.
دىڭ جاڭ-ۋ مىنالاردى تالاپ ەتتى: التاي قالاسىنداعى جولداستار «13- بەسجىلدىق جٶبانىڭ» سوڭعى مەزگىلىندە جاپپاي دوڭگەلەك داۋلەتتى قوعام قۇرىپ شىعۋ مىندەتىنە دەن قويا تالداۋ جاساپ، پارىقتاردى تاۋىپ، نىسانا ورناتىپ، دامۋ قارقىنىن اناعۇرلىم تەزدەتۋ، تۇراقتى مۇلىككە قارجى قوسۋ، قازىنالىق كىرىستى ارتتىرۋ، قالا-اۋىل تۇرعىندارىنىڭ كىرىسى جاقتارىندا جۇك ارقالاۋ ساناسىن كۇشەيتىپ، توپ جارىپ توپتان وزۋ جىگەرى جانە بەكىمى ارقىلى التاي قالاسىنىڭ قۇرىلىسىن قولداۋعا تۇتاس ايماقتىڭ كۇشىن شوعىرلاندىرعان وراي مەزگىلىن مىقتى يگەرىپ، دامۋ نىساناسىن اناعۇرلىم بيىك تۇراقتاندىرىپ، دامۋ قارقىنىن جەدەلدەتىپ، 3 جىلدا قازىنا كىرىسىن 1 ميلليارد يۋاننان اسىرىپ، التاي قالاسىن ايماعىمىز ەكونوميكاسى مەن قوعامىنىڭ دامۋىنداعى قوزعالتقىشقا اينالدىرۋ ارقىلى تۇتاس ايماعىمىزدىڭ دامۋىنا تۇرتكىلىك ىستەپ، باسقا اۋدانداردىڭ دامۋىنا ۇلەس قوسۋلارى كەرەك.
دىڭ جاڭ-ۋ مىنالاردى تالاپ ەتتى: ورايدى مىقتى يگەرىپ، ەكونوميكانىڭ ءتۇرىن جاڭالاپ، دارەجەسىن ءوسىرۋ كەرەك. «13- بەسجىلدىق جٶبا» مەزگىلىندە التاي قالاسىنداعى جولداستار ەكونوميكانىڭ ءتۇرىن جاڭالاپ، دارەجەسىن ءوسىرۋ سىندى نەگىزگى اۋەندى ساباقتاستىرىپ، قالا يقۋاتىنىڭ، كاسپتەردىڭ، ەكونوميكالىق قۇرىلىمىنىڭ ءتۇرىن جاڭالاپ، دارەجەسىن ءوسىرۋ قىزمەتىن قۇلشىنا ىستەپ، كورشىلەس اۋدانداردى قامتىپ، شوعىرلاندىرۋ يقۋاتىن كۇشەيتۋلەرى كەرەك. جٶبالاۋ قىزمەتىن، نىسانداردىڭ الدىڭعى مەرزىمدىك قىزمەتتەرىن جانە نىسانداردى تەكسەرىپ بەكىتۋ قىزمەتىن، قارجى قۇراۋ قىزمەتىن قالانى ەگجەي-تەگجەيلى باسقارۋدى مىقتى ۇستاپ، قالا قۇرىلىسى مەن كاسىپ قۇرىلىسىندا ىڭعايىنا قاراي، قالانىڭ نەگىزدىك قۇرىلعىلارىن، قاتىناس تورابى ورتالىعى، جاتاعان ۇيلەر رايونى مەن كونەتوز شاعىن اۋلالاردى جاڭالاۋ، كاسىپ باقشاسىنىڭ ورنىن تۇراقتاندىرۋ، قالا ماڭىن جاسىلداندىرۋ سەكىلدى ءتۇيىندى قىزمەتتەردى كورنەكىلەندىرۋ كەرەك. قالا- اۋىلدى ءبىر تۇلعالاندىرۋ قۇرىلىسىن مىقتى ۇستاپ، جاڭاشا قالا- قالاشىقتاندىرۋ جونىندە ىشكەرىلەي زەرتتەۋ جۇرگىزىپ، كاسىپ پەن قالانىڭ توعىسپالى دامۋىن جەبەۋلەرى ءتيىس.
دىڭ جاڭ-ۋ مىنالاردى باسا دارىپتەدى: تۇتقانى كۇشەيتىپ، ەكونوميكالىق قىزمەت قابىلەتىن جوعارىلاتۋ كەرەك. التاي قالاسىنداعى جولداستار تۇلعالىق رولىن ساۋلەلەندىرىپ، جاۋاپكەرلىگى مەن كوكەيتەستىلىگىن كۇشەيتۋلەرى كەرەك. ۇكىمەت پەن بازاردىڭ قاتىناسىن ايقىنداپ، تيەسەلى قىزمەتتەردى ويداعىداي ىستەۋلەرى قاجەت. نىسان، ساۋداگەر شاقىرىپ قارجى ەنگىزۋ، فينانىس، قازىنا قاينارىن قالىپتاستىرۋ، كاسىپ قۇرىلىسى، ينفورماتسيالاندىرۋ قۇرىلىسى سەكىلدى 6 تۇتقادان شىنايى پايدالانىپ، ەكونوميكانى باياندى ارتتىرۋلارى ءتيىس.
دىڭ جاڭ-ۋ مىنالاردى باسا دارىپتەدى: التاي قالاسىن كوركەيتۋگە تۇتاس ايماعىمىزدىڭ كۇشى ارقىلى قولداۋ كورسەتىپ، باسشىلىق ەتۋ، قۇرىلىم، نىسان، ساۋداگەر شاقىرۋ، قارجى قۇراۋ، قارجى سەكىلدى 6 جاقتا التاي قالاسىنا قولداۋ كورسەتۋ جانە كومەكتەسۋ كەرەك. سونىمەن بىرگە پارتيانىڭ باسشىلىعىن كۇشەيتىپ، پارتيانى جاپپاي قاتاڭ جونگە سالىپ، تۇلعالىق جاۋاپكەرلىك پەن باقىلاۋ جاۋاپكەرلىگىن قاتاڭ تياناقتاندىرۋ، التاي قالالىق پارتكوم مەن ۇكىمەتتى جۇرەكتىلىكپەن باقىلاپ- باسقارۋ كەرەك. ءار دارەجەلى باسشى كادرلار وزىنە قاتاڭ تالاپ قويىپ، پاكتىك ساناسىن كۇشەيتىپ، جەمقورلىققا استە جول قويماۋلارى ءتيىس؛ ستيل قۇرىلىسىن كۇشەيتىپ، «ءتورت ءتۇرلى سانانى» بەرىك ورناتىپ، قىزمەتتى جاپاعا شىداپ شىنايى ىستەپ، جۇرەكتىلىكپەن جۇك ارقالاپ، التاي قالاسىنىڭ ءتۇرلى قىزمەتتەرىن ۇزدىكسىز العا ىلگەرىلەتۋلەرى قاجەت.
مالىمەت تىڭداۋ ماجىلىسىندە ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ءۋاليى تالعات ۇسەن ۇلى مىنالاردى ءبىلدىردى: التاي قالاسىنداعى جولداستار 2016- جىلعى ەكونوميكا مەن قوعامدىق ىستەردى دامىتۋداعى كورسەتكىشتەردى ايتارلىقتاي ورىندادى ءارى جوعارى ورلەۋدەگى ءورىسى مەن كومەسكى كۇشىن ايگىلەدى. وسى رەتكى ماجىلىستە العا قويىلعان تالاپتارعا ۇشتاستىرىپ، دەن قويا تۇجىرىم جاساۋ جانە تالداۋ جاساۋ ارقىلى وي جەلىسىن ايقىنداپ، نىسانا- مىندەتتەردى تۇراقتاندىرىپ، التاي قالاسىنىڭ ەكونوميكاسى مەن قوعامىنىڭ دامۋىن اناعۇرلىم ىلگەرىلەتۋلەرى قاجەت. كەلەر جىل التاي قالاسى قاۋىرت داميتىن جىل بولماق، التاي قالاسىنداعى جولداستار ايماقتىق پارتكوم مەن اكىمشىلىك مەكەمەسىنىڭ تالابى بويىنشا، ەكونوميكانىڭ قۇلدىرۋ قىسىمىنا توتەپ بەرىپ، قوعام ورنىقتىلىعى مەن باياندى تىنىشتىقتى ساقتاۋ باس نىساناسىن ارقاۋ ەتىپ، قازىرگى جاعدايعا دەن قويا تالداۋ جاساپ جانە تۇجىرىم جاساپ، ورايدى مىقتى يگەرىپ، يدەيانى ازات ەتىپ، ءورىس اشا جاڭالىق اشىپ، ەكونوميكا مەن قوعامدىق ىستەردى دامىتۋداعى كورسەتكىشتەردى ويداعىداي تۇراقتاندىرىپ، تۇراقتى مۇلىككە قارجى قوسۋ، كاسىپتەر مەن قالانى توعىستىرۋ، ماڭىزدى نەگىزدىك قۇرىلعى قۇرىلىسى، قالانى جارىقتاندىرۋ، كورىكتەندىرۋ، ىجداعاتپەن باسقارۋ، جاتاعان ۇيلەر رايونىن جاڭالاۋ، تاماشا قارجى قۇراۋ شارت- جاعدايىن قالىپتاستىرۋ قىزمەتتەرىن ءتۇيىندى تۇردە ويداعىداي ىستەۋلەرى كەرەك. سونىمەن بىرگە، الدىمەن جوبا جاساۋدان جازباي، نىسانداردىڭ الدىڭعى مەرزىمدىك قىزمەتتەرىن مىقتى ۇستاپ، يدەيانى ازات ەتىپ، جۇرەكتىلىكپەن جۇك ارقالاپ، ناقتى ءونىمدى تالاپ ەتىپ، قىزمەتتەردى تياناقتاندىرىپ، التاي قالاسىنىڭ ەكونوميكاسى مەن قوعامدىق ىستەرىن اناعۇرلىم ويداعىداي ءارى جەدەل دامىتۋلارى كەرەك.
ايماق باسشىلارىنان دۋ چاۋحٷي، چي چۇڭجياڭ، ۋاڭ شىڭپيڭ، ءسابيت قازەز ۇلى تەكسەرۋ- زەرتتەۋدە بىرگە بولدى.
كەلۋ قاينارى：التاي تەلەۆيزياسى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
