«ينتەرنەت+» ۇلگىسى تەكەستىڭ اۋىل شارۋاشىلىق ونىمدەرىنىڭ ساتىلۋىنا جول اشتى
2019.04.17 14:57
ءتىلشىمىز ما چىڭلۋ تەكەستەن حابارلايدى. ينتەرنەت داۋىرىندە تاۋ بوكتەرىندە باسىلىپ جاتقان ەرەكشە ونىمدەر جەدەل ساتىلىپ، قالاداعى بۇقارانىڭ داستارقانىنان ورىن الدى، بازار ينفورماتسياسى «ۇعىسۋ، تيىمدىلىك جاساۋ، توعىستىرۋ» قىزمەت اترەتىندەگى كادرلاردىڭ وتباسىلاردى ارالاپ، ۇگىت جۇرگىزۋىندە ەگىنشىلەردىڭ كادەسىنە جارادى.
جۇڭگو اۋىل شارۋاشىلىق بانكەسى ىلە بولىمشە بانكەسىنىڭ تەكەس اۋدانى قارادالا قالاشىعى ۇڭگىرتاس قىستاعىندا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتى مەن اۋداندىق قامداۋ - ساۋدا كووپەراتيۆىنىڭ كومەگىندە مۇگەدەك قىستاق تۇرعىنى ما حۋشىڭ قىستاقتان اۋىل - قىستاق ەلەكتروندىق ساۋدا ۋنيۆەرسالدى قىزمەت وتەۋ پۋنكتىن اشىپ، ينتەرنەتتىڭ پايداسىن كورىپ، كەدەيلىك قالپاعىن الىپ تاستادى.
4 – ايدىڭ 11 – كۇنى قىستاق تۇرعىنى ياڭ شۇنشيا ما حۋشىڭنىڭ پۋنكتىنە ەلەكتر اقىسىن تاپسىرۋعا كەلدى، ءبىر مينۋتقا جەتپەيتىن ۋاقىتتا اقىنى تاپسىرىپ بولدى. «بۇرىن ەلەكتر اقىسىن تاپسىرۋ ءۇشىن كولىكپەن اۋىلعا باراتىنبىز، قولايسىز ەدى. وسى ارادان ەلەكتر اقىسىن تاپسىرۋ كاسىبى اشىلعاننان بەرى وتە قولايلى بولدى» دەدى ياڭ شۇنشيا. كەتەرىندە ياڭ شۇنشيا ما حۋشىڭنىڭ ەلەكتروندىق ساۋدا تەكشەسىنەن كيىم الدىرتقان ەدى. «بىرنەشە كۇننەن كەيىن زاتىڭىز كەلگەندە حابارىن بەرەمىن» دەدى ما حۋشىڭ.
ءتىلشى بۇل اۋىل - قىستاق ەلەكتروندىق ساۋدا ۋنيۆەرسالدى قىزمەت وتەۋ پۋنكتىنىڭ تۇرمىستىق اقىلاردى تاپسىرۋدان سىرت، بەلەت جۇمىسىن ۋاكىلدىك ساتۋعا قىزمەت وتەۋ، توراپتا ۋاكىلدىك ساتۋ، جەدەل جولدامالاردى الۋ – تاراتۋ سياقتى كاسىپتەردى وتەيتىندىگىن كوردى.
ءتىلشى تىلشىلىك ىستەۋ بارىسىندا قىستاق تۇرعىنى كۋاڭ جيانيۇڭ ەكى جەرگىلىكتى تاۋىقتى اكەلىپ، ما حۋشىڭنىڭ ەلەكتروندىق ساۋدا تەكشەسى ارقىلى ساتۋىنا بەردى. كۋاڭ جيانيۇڭ تىلشىگە بيىل 500 دەن استام كۇركە تاۋىق باعىپ، % 80 ىن وسى پۋنكت ارقىلى ساتقانىن، مۇنان تىس ول تاعى مىڭنان استام قاراسامۇرىق تاۋىعىن باعىپ جاتقانىن ايتتى. «وسى تەكشەنىڭ ارقاسىندا تاۋىقتى ساتۋدان الاڭدامايتىن بولدىم» دەدى.
بىلتىر 3 – ايدان بەرى ما حۋشىڭ تەكشە ارقىلى قىستاق تۇرعىندارىنىڭ 30 مىڭنان استام تاۋىق جۇمىرتقاسى مەن مىڭنان استام جەرگىلىكتى تاۋىعىن جانە كۇركە تاۋىعىن ساتىپ بەرىپتى. ەلەكتروندىق ساۋدا ۋنيۆەرسالدى قىزمەت وتەۋ پۋنكتى قىستاق تۇرعىندارىنىڭ تۇرمىسىنا قولايلى بولۋمەن بىرگە، اۋىل – قىستاقتىڭ بۇرىنعى «ماردىمسىز، بىتىراندى، الىس بولۋ» سىندى ساتىلۋ فورماسىنا بۇرىلىس جاساپ، «شوعىرلاندىرىپ جيناقتاۋ، ارناسىن كەڭەيتۋ» فورماسىنا وزگەرتىپ، اۋىل شارۋاشىلىق ونىمدەرىن ساتۋعا باستاماشىلدىق ەتتى. مۇنان كەيىن بۇل قىستاق توراپتاعى ساتىلۋ جاعدايىنا نەگىزدەلىپ، ساپالى ونىمدەردى سارالاپ، كولەمدەندىرىپ، ماركالاندىرىپ، تاپسىرىس فورماسىندا ساتۋ ۇلگىسىن جاراتپاقشى.
2014 – جىلى ۇڭگىرتاس قىستاعى كەدەي قىستاق بولىپ بەكىتىلدى، ارحيۆتەستىرىلىپ، كارتوچكالاستىرىلعان 295 كەدەي وتباسى، ءبىر مىڭ 7 ادام 2017 – جىلى كەدەيلىكتەن ارىلعان، 2018 – جىلى كەدەيلىكتەن ارىلۋدى بەكەمدەۋ جىلى ەكەن. قىستاقتا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ ورىنباسار باستىعى ابدۇرەشيت ابىلەز: «فينانس جاعىنان كەدەيلەردى سۇيەمەلدەۋ - ماڭىزدى قىزمەتىمىز، بيىل جۇپ قۇراۋ جولىمەن سۇيەمەلدەۋ فينانس بىلىمدەرىن تومەنگە جەتكىزۋ شارالارىن اتقارۋدان باسقا، جۇڭگو اۋىل شارۋاشىلىق بانكەسى ىلە بولىمشە بانكەسى قىستاقتا <سەرىكتىك + شارۋالار> تاپسىرىس فورماسىنداعى اۋىل شارۋاشىلىق ۇلگىسىمەن 36 شارۋاعا 7 ميلليون 200 مىڭ يۋاننان استام قارىز تاراتىپ بەرىپ، شارۋالاردىڭ قيىنشىلىعىن شەشتى» دەدى.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
