شينجياڭ موڭعۇلكۇرە اۋدانى قالقاتى قىستاعى كەدەيلىكتەن ارىلتۋدان قامال الۋدىڭ «ۋاقىتتى شەگەرىپ ەسەپتەۋ تاقتاسىن» استى
ارزىگۇل ابدەش قىزى، ساۋلەت ءشارىپقان ۇلى موڭعۇلكۇرە اۋداننان حابارلايدى
2020.04.30 15:21 كەلۋ قاينارى : حالىق تورابى
«2020 ـ جىلى 12 ـ ايدىڭ 31 ـ كۇنىنە ەندى قانشا كۇن قالدى». جۋىردا، شينجياڭ موڭعۇلكۇرە اۋدانى ۇزىنبۇلاق اۋىلى قالقاتى قىستاعى قىزمەت عيماراتىنىڭ كورنەۋ جەرىنە كەدەيلىكتەن ارىلتۋدان قامال الۋدىڭ «كەرى شەگەرىپ ەسەپتەۋ كارتۋچكاسىن» ورناتىپ، ءار كۇنى ۋاقىتىن جاڭالاپ، كادرلار مەن جۇمىسشى ـ قىزمەتكەرلەرگە كەدەيلىكتەن ارىلتۋدان قامال الۋ جاۋاپكەرشىلىگىن ۇدايى ەسكەرتىپ، ۋاقىتتى ۇتىپ، قۇرىلىس مەرزىمىن ويداعىداي ورنالاستىرىپ، كەدەيلىكتەن ارىلتۋدان قامال الۋ شايقاسىنا بەلسەنە كىرىستى.
«وسى ۋاقىت شەگەرىپ ەسەپتەۋ تاقتاسىندا قىستاعىمىزداعى ارحيۆ تۇرعىزىلىپ، كارتۋچكا بەرىلگەن 103 كەدەي وتباسىنداعى 366 جاننىڭ نەگىزگى ينفورماتسياسى بار، ءاربىر وتباسىنىڭ احۋالى ايدان انىق. <ۋاقىت شەگەرىپ ەسەپتەۋ تاقتاسىن> ورناتۋ − ءبىزدىڭ قىستاق تۇرعىندارىنا بەرگەن ايبىندى ۋادەمىز ءارى ءبىزدى بىلەك سىبانا قايراتتانا ىستەپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە بار كۇشپەن قول جەتكىزۋگە جىگەرلەندىرەدى»، − دەدى قىستاق پارتيا ياچەيكاسىنىڭ شۋجيى وتقابايىر ءبىر جاعىنان جۇمىس ىستەي وتىرىپ، ەندى ءبىر جاعىنان قىستاق جاعدايىن تانىسترىپ. ونىڭ قىزمەتكە كىرىسكەننەن كەيىنگى ەڭ ءبىرىنشى جۇمىسى «كەدەيلىكتەن ارىلتۋدان قامال الۋدىڭ» ۋاقىتىن كەرى شەگەرىپ ەسەپتەۋ تاقتاسىن جاڭالاۋ بولدى.
ۇزىنبۇلاق اۋىلى قالقاتى قىستاعى موڭعۇلكۇرە اۋدانىنىڭ شىعىس قاقپاسى، مەملەكەت تاس جولى 577 لەنياسى قىستاقتى جاناپ وتەدى. موڭعۇلكۇرە اۋدان قالاشىعىنان 18 كيلومەتر قاشىقتىقتا ورنالاسقان اۆتونوميالى رايون دارەجەلى كەدەي قىستاق، ارحيۆ تۇرعىزىلىپ، كارتۋچكا بەرىلگەن 103 كەدەي وتباسىنداعى 366 جان؛ ەڭ تومەنگى تۇرمىسى قامتاماسىزداندىرىلاتىن 56 وتباسىنداعى 120 جان بار.
قاراستى وڭىردە اتتىڭ تاۋى ساحاراسى، 10 مىڭ مۋلىق قىشى گۇلى، كوكساي كورىنىس رايونى، قايقى كەمپىر قوساق كورىنىس ءوڭىرى سياقتى ەكولوگيالىق ساياحات ورتاسى، جاراتىلىستىق شارت ـ جاعدايى بولعانىمەن، ءبىراق ەجەلدەن بەرى ءداستۇرلى تۇرمىس كەشىرىپ كەلە جاتقان مالشىلاردىڭ ساياحات، قۇن كوزقاراسى تانىمنىڭ ىقپالىندا، «باعالى بايلىقتان» يگىلكتەنە الماي، جۇپىنى تۇرمىس كەشىرۋدە.
2014 ـ جىلدان بەرى، موڭعۇلكۇرە اۋداندىق پارتكوم مەن اۋداندىق ۇكىمەت، ءار دارەجەلى باسشىلار كەدەيلىكتەن ارىلتۋدان قامال الۋ قىزمەتىنە ايرىقشا ءمان بەرىپ، جوعارىداعىلاردان تومەندەگىلەرگە دەيىن جاۋاپكەرشىلىكتى ناقتىلاندىرىپ، وتباسىلارىن ارالاپ، كەدەي وتباسىلارىنىڭ شىعار جول تابۋىنا كومەكتەسىپ، كەدەي وتباسىلارىنا يدەياسىنا بۇرىلىس جاساۋدان باستاپ كىرىسىپ، ناۋقاسىنا قاراي ەمدەۋدەي نىسانالى ەمدەۋ شارالارىن شىعاردى. ءتۇرلى شارالاردىڭ ناتيجەسىندە 37 وتباسى، 132 ادام باسقا سالاعا ويىسىپ جۇمىسقا ورنالاستى؛ ءوندىرىستى دامىتۋ ارقىلى 38 وتباسى، 153 ادام، قوعامدىق قامتاماسىزداندىرۋ ارقىلى 3 وتباسى، 4 ادام كاسىپتەندىرىلدى؛ 25 وتباسى، 77 ادامعا ەكولوگيالىق تولىقتاما بەرىلدى. وسى پارمەندى شارالار كەدەيلەردى دالمە ـ ءدال سۇيەمەلدەۋدى ناقتىلى تياناقتاندىرىپ، كەدەيلىكتەن دالمە ـ ءدال ارىلتۋدى جۇزەگە اسىرۋدا جەبەۋشى بولدى، 2014 ـ جىلى وسى قىستاقتا 7 وتباسى، 33 ادام ، 2015 ـ جىلى 6 وتباسى، 18 ادام، 2016 ـ جىلى 20 وتباسى، 74 ادام، 2017 ـ جىلى 241 ادام كەدەيلىكتەن قۇتىلدى، سونىمەن وسى قىستاقتاعى بارلىق كەدەي وتباسىلارى تۇگەلدەي «كەدەيلىك قالپاعىن» الىپ تاستادى.
كەدەيلىكتەن ارىلىپ، كەدەيلىك قالپاعىن الۋ − كەدەيلىكتەن ارىلتۋدان قامال الۋدىڭ 10 مىڭ شاقىرىمدىق ۇزاق جورىعىنىڭ ءبىرىنشى قادامى عانا، كەدەيلىك قالپاعىن العاننان كەيىن كەدەيلىكتەن ارىلتۋ جەتىستىكتەرىن بەكەمدەۋ، جوعارىلاتۋ، باياندى، جوعارى ساپالى دامۋدى جۇزەگە اسىرۋ مىندەتى ءتىپتى دە جاپالى. قالقاتى قىستاعى موڭعۇلكۇرە اۋداندىق پارتكوم مەن اۋداندىق ۇكىمەتتىڭ كەدەيلەردى سۇيەمەلدەۋ «نىساناسى بويىنشا»، «قوسىندى بىتىراتپاۋ، ساياساتتى تومەندەتپەۋ، جاۋاپكەرشىلىكتى وزگەرتپەۋ، سەرپىندى السىرەتپەۋ، كۇش ـ قۋاتتى بوساڭسىتپاۋ» پرينسبنە تاباندى بولىپ، ەكولوگيانى تياناق ەتىپ، نازاردى كاسىپ سالاسىنىڭ دامۋىنا، جۇمىس ورنىندا جۇمىستانۋعا شوعىرلاندىرىپ، اۋىل ـ قىستاقتى گۇلدەندىرۋ ستراتەگياسىنا كۇش ۇيىستىرىپ، نەگىزدى ۇزدىكسىز بەكەمدەپ، كەدەيلىكتەن ارىلتۋ ونىمدىلىگىن بەكەمدەۋدى باستان ـ اياق ەڭ ۇلكەن ساياسي مىندەت، ەڭ ۇلكەن حالىق تۇرمىسى ينجەنەرياسى رەتىندە يگەردى.
2017 ـ جىلدان قازىرگە دەيىن، بۇل قىستاق 40 مىڭ يۋان قارجى قوسىپ، قىستاۋلىق ـ جايلىمدىق 3 كيلومەتر كوش جولىن جوندەدى؛ 16 كەدەي وتباسىنا كوكونىس مايساسىن تەگىن تاراتتى ءارى تەحنيكالىق جاقتان جەتەكشىلىك ەتتى؛ 450 مىڭ يۋان قارجى قوسىلعان «اعاش ءۇي بازارى» ساياحات كوشەسى سالىنىپ بولدى ءارى 8 وتباسى، 14 ادام جۇمىسقا ورنالاسىپ قىستاقتىڭ ساياحات كاسىبى العاشقى قادامدا قالىپتاستى؛ نەگىزگى ساتى پارتيا مۇشە ۋاكىلى مەن كەدەي وتباسىنان 37 ادامدى كۇنەس، نارات، توعىزتاراۋ، تەكەس اۋدانىنداعى حالىقتىق تۇسەلحانا، ەگىنشى – مالشىلار شاتتىعى ساياجايىن ەكسكۋرسيالاۋعا جانە ساياحاتتى دامىتۋعا ۇيىمداستىرىپ، قىستاق تۇرعىندارىنىڭ ساياحات ارقىلى كەدەيلىكتەن ارىلىپ، اۋقاتتانۋ يدەيالىق نەگىزىن جوعارىلاتتى؛ قىستاق دارەجەلى دەنە تاربيە، راديو قۇرىلعىلارىن جاڭالاۋ جوباسى بويىنشا 70 مىڭ يۋان قارجىعا تاق - تۇق دوپ ۇستەلى، بيليارد ۇستەلى، كەرناي، دىبىس كۇشەيتكىش سياقتى مادەنيەت، دەنە تاربيە جابدىقتارىن ساتىپ الىپ، ءاربىر ناقتى ءىس، يگى ىستەردىڭ بارلىعىن بۇقارا ءۇشىن ىستەپ، بۇقاراعا كەدەيلىكتەن ارىلسا دا ساياساتتىق سۇيەمەلدەۋ، كومەكتەسۋ شارالارىنىڭ ۇزىلمەيتىندىگىن شىنايى سەزىندىردى.
«2014 - جىلى بەيقۇت ءۇي سالىپ، حالىقتى اۋقاتتاندىرۋ ساياساتىنان يگىلىكتەنىپ، 28 مىڭ 500 يۋان الدىم؛ 2017 ـ جىلى قۇنى 10 مىڭ يۋانعا جەتەتىن 10 قوي ؛ 2019 - جىلى 12 مىڭ يۋان بولعان ءبىر سيىر بەرىپ مەنىڭ كەدەيلىكتەن ارىلۋىما دەم بەرگەن پارتيا مەن ۇكىمەتتىڭ جاقسى ساياساتىنا العىسىمدى بىلدىرەمىن، پارتيالى كادرلاردىڭ شىنايى كومەگىنە ءدان ريزامىن، قيىن كۇندەر ءوتىپ كەتتى»، − دەيدى كەدەي وتباسى مۇرات توقتارقوجا ۇلى وتكەن كۇندەردى وي ەلەگىنەن وتكىزىپ، ول تاعى وزىنىڭ بۇل كۇندەردى قادىرلەپ، قوس قولىنا سۇيەنىپ، تىپتى دە جاقسى تۇرمىس كەشىرۋگە قۇلشىناتىندىعىن ءبىلدىردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
