دەمالىس كەزىندە كوڭىلدى دە كوتەرىڭىز، ساقتىقتى دا ۇمىتپاڭىز
چىن ليڭ
2020.04.30 14:01 كەلۋ قاينارى : حالىق تورابى
بيىلعى مامىر مەرەكەسىندە بەس – التى دوسىڭىزبەن بىرگە قالا ماڭىنا شىعىپ سەيىلدەپ، «كوكتەم سوڭىن» كوڭىلدى وتكىزۋدى جوسپارلاپ جاتقان بولارسىز؛ ۇزاقتان بەرى كەزدەسپەگەن ساباقتاستارىڭىزبەن كەزدەسىپ، سورپالانىپ قايتۋعا ۋاعدالاسقان بولۋىڭىز مۇمكىن؛ وتباسىڭىزبەن وشارىلا قوزعالىپ، كوڭىلدى سەيىل قۇرىپ كەلۋگە دە بولادى ... جەر مەن كوك جاسىل ءپۇلىس ورانىپ، گۇل – بايشەشەك قۇلپىرا اشىلىپ كەلەدى. «1 – مامىر» كەلىپ قالدى، ىندەت پەن ىس – تۇتەك بىرتىندەپ سەيىلدى، وسى جولعى دەمالىستا سىرتقا شىعىپ، كوكتەمنىڭ شۋاعىنا شومىلىپ، تاۋ – وزەننىڭ كوركىنەن ءلاززاتتانىپ، تابيعاتتىڭ سۇلۋلىعىن سەزىنىپ، مادەنيەتتىڭ مايەگىنەن سۋسىنداپ كەلۋگە جوسپار قۇرىپ وتىرعان ادام كوپ.
ۇيدە ۇزاق وتىرعان ادامنىڭ سىرتقا شىعىپ، كوڭىل كوتەرۋدى اڭسايتىنى تابيعي. ەلىمىز ىندەتتەن ساقتانۋدى ۇدايىلانعان شاراعا اينالدىرعاننان كەيىن تۇڭعىش رەت كەلىپ وتىرعان ساياحاتتاۋعا تاپتىرمايتىن قىسقا دەمالىس _ «1 – مامىر» مەرەكەسىنىڭ دەمالىسى 5 كۇنگە جالعاسادى، بۇل دا ىزدەگەنگە سۇراعان دەگەندەي جاقسى وراي بولدى. ۇيدەن ۇزاقتان بەرى شىقپاعانىمىزدى ەسكەرسەك، سىرتقا شىعىپ سەيىلدەۋدىڭ كوڭىلدى سەرگىتۋگە پايدالى جاعى بار، دەمالىستان ءلاززاتتانۋدىڭ تاپتىرماس تالعامى وسى. ونىڭ ۇستىنە، قازىر بۇكىل ەلىمىزدەگى كوپ ءبولىم جەرلەر حاۋىپ – قاتەرى تومەن ورىندار بولىپ جاريالاندى، بەلگىلى كولەمدە ساياحات جاساۋعا قاجەتتى شارت – جاعدايلار جاسالعان. سوندىقتان، مەيلى، باقشا، ساياحات ورنى بولسىن، نەمەسە، مۇراجاي، كورگىزبە سارايلارى بولسىن، ءبارى دە جۇرتشىلىقتىڭ قاجەتىنە سايكەس تارتىپپەن اشىق ۇستاۋعا دايىندالۋى، جۇرتشىلىقتىڭ دەمالىستا سەيىلدەپ شىعۋدان ءلاززاتتانۋىنا قولايلىلىق جاراتۋى كەرەك.
ەسكەرەرلىك جايت تە جوق ەمەس، بۇكىل ەل بويىنشا ىندەتتەن ساقتانۋ مەن ونى تىزگىندەۋدە كەلەلى ستراتەگيالىق جەتىستىكتەرگە قول جەتكىزگەنىمىزبەن، شەتەلدە ىندەتتىڭ ورشىگەن جاعدايى ءالى جالعاسۋدا، ەلىمىزگە ىندەتتىڭ شەتەلدەن كەلگەندەر ارقىلى تارالۋى سىندى حاۋىپ – قاتەردىڭ قىسىمى ارتا تۇسۋدە، ەل ىشىندە ىندەتتىڭ قايتادان تارالۋىنىڭ ىقتيمالدىعىنان دا ساقتانباساق بولمايدى. دەمالىس بولعان سوڭ، ادامدار ساياحاتتايدى، ادامدار اراسىنداعى بارىس – كەلىس جيىلەيدى، جۇرتتىڭ ءبىر جەرگە توپتاسۋى سىندى جاعداي وڭاي تۋىلادى. ەگەر ساياحات ورىندارى ساقتىق شارالارى مەن ۇيلەسىمدى توتەپ بەرۋ شارالارىن تولىق جوسپارلامايتىن بولسا، «دۇرمەككە ىلەسۋ» جاعدايى تۋىلۋى مۇمكىن، مىنە، بۇل ادامدى الاڭداتاتىن ءىس. وسى جاعىنان الىپ قاراعاندا، مەيلى، ساياحاتقا قاتىستى تاراۋلار بولسىن، مەيلى، قالىڭ قاۋىم بولسىن، ساقتىق تانىمىن ءالى دە بوساڭسىتۋعا بولمايدى، ىندەتتەن ساقتانۋ – تىزگىندەۋدىڭ ارقاۋىن بوساتۋعا بولمايدى.
«1 – مامىر» مەزگىلىندە قاتىناس قۇرالدارى مەن قاتىناس قۇرالدارى توقتايتىن ورىنداردى ديزەنفەكسيالاۋ سىندى قىزمەتتەردى ويداعىداي ىستەۋ كەرەك، ساياحات ورىندارىندا ىندەتتەن ساقتانۋ مەن ونى تىزگىندەۋدى كۇشەيتكەن ءجون. ساياحات ورىندارىن ىندەتتەن ساقتانۋ مەن ونى تىزگىندەۋدەگى قاتەرلى ورىنعا اينالدىرىپ الماۋ كەرەك. بيىلعى «1 – مامىر» مەرەكەسىنىڭ دەمالىسى مەزگىلىندە، قالىڭ قاۋىمنىڭ قالاۋى كوڭىلدى دە ءتارتىپتى ساياحات بولىپ ، استە، قۇجىناعان قالىڭ ادامنىڭ شوعىرىنا جولىعۋدى قالامايدى. مادەنيەت جانە ساياحات مينيسترلىگى مەن مەملەكەتتىك دەنساۋلىق ساقتاۋ جانە سالاماتتىق كوميتەتى «ساياحات ورىندارىندا ىندەتتەن ساقتانۋ – تىزگىندەۋدى ويداعىداي ىستەۋ جانە ولاردى حاۋىپسىز، ءتارتىپتى اشۋ قىزمەتى جونىندەگى ۇقتىرۋدى» باسىپ تاراتتى. الدا ساياحاتتاۋشىلاردىڭ سانى كۇرت ارتادى، ساياحات ورىندارىن باسقارۋ تاراۋلارى دايىندىق قىزمەتتەرىن ويداعىداي ىستەپ بولعان – بولماعانىن تەكسەرىپ كورگەنى ءجون. مىسالى، ينفورماتسيا جاريالاۋ، الدىن – الا تاپسىرىس قابىلداۋ، ساياحاتشىلاردىڭ مولشەرىن تەجەۋ، ارناعا ءبولىپ جەتەلەۋ، حاۋىپسىزدىكتى تەكسەرۋ قاتارلى ءتۇرلى جاقتاردا تولىق جوبا جاسالدى ما؟ ساۋدا الاڭدارى مەن اس – سۋ قاتارلى تيجارات ورىندارى حاۋىپسىزدىك جانە ساقتانۋ جەلىسىن ورنالاستىرىپ بولدى ما؟ ساياحات ورىندارىنداعى ساياحاتشىلار كىرىپ – شىعاتىن ەسىك، ماڭىزدى ساياحات تۇيىندەرى قاتارلى ادامدار وڭاي توپتاساتىن جەرلەرگە ورنالاستىرىلعان قىزمەتكەرلەر مەن قاتىستى قۇرىلعىلاردىڭ سانى جەتكىلىكتى بولدى ما؟ ساياحات ورىندارى دايىندىقتى تولىق ىستەسە، شار – تاراپتان كەلگەن ساياحاتشىلار دا كوڭىلدى بولادى، جاقسى ساياحاتتاپ قايتادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
