- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
قۇلجا ساقشىلارى تۇرعىنداردىڭ اقشاسىن زاڭسىز يەمدەنىپ الۋ دەلوسىن پاش ەتتى، دەلو سوماسى 27 ميلليون 431 مىڭ يۋانعا جەتەدى
«فينانس قىلمىستى ىستەرىنە سوققى بەرىپ، فينانس ورتاسىن پاكتەندىرەيىك» قيمىلىندا اشكەرەلەنگەن تيپتىك دەلولار(3)
2015.01.06 13:34
وتكەن جىلدان بەرى، قۇلجا قالاسىندا تۇرعىنداردىڭ اقشاسىن زاڭسىز يەمدەنىپ الۋ دەلوسى ارت – ارتىنان تۋىلىپ، ەكونوميكانىڭ ءتارتىپتى دامۋى مەن قوعامنىڭ ورنىقتىلىعىنا ۇلكەن قاتەر ءتوندىردى. وسى تەكتەس دەلولارعا ساياتىن سوما قوماقتى، زياندالۋشىلار كوپ بولعاندىقتان، ونىڭ زاردابى فينانس باسقارۋ تارتىبىنە سالقىنىن تيگىزىپ قالماستان، قوعام ورنىقتىلىعىنا دا قاتەرلى فاكتور بولدى.
A . قۇرتتىڭ اتىن جاڭىلتىپ مالتا قويىپ، جۇرت كوزىن كولەگەيلەۋ
تامىزدىڭ 3 – كۇنى 3 تۇرعىن قۇلجا قالالىق قوعام حاۋىپسىزدىگى مەكەمەسى ەكونوميكالىق دەلولاردى بارلاۋ ۇلكەن اترەتىنە كەلىپ، قۇلجا قالاسى جينشين يىنحۇي قارجى قوسۋدى باسقارۋ سەرىكتىگىنىڭ تۇرعىنداردىڭ اقشاسىن زاڭسىز يەمدەنىپ العاندىعى جونىنەن دەلو مالىمدەيدى. دەلو مالىمدەگەن قۇلجا قالاسىنىڭ تۇرعىنى جاڭ شۇن (بۇركەنىش ەسىم) بىلاي دەدى: «چىن فاميليالى ەكەۋىمىز ساپتاس بولاتىنبىز، ول قۇلجا قالاسى جينشين يىنحۇي قارجى قوسۋدى باسقارۋ سەرىكتىگىنىڭ 66 – تۋان الاڭى بولىمشە سەرىكتىگىنىڭ باس ديرەكتورى ەكەن. كەزىندە چىن وسى نىسانعا قارجى قوسۋدىڭ ءونىمدى ەكەندىگىن، ءوسىمىنىڭ جوعارى، قاتەرىنىڭ از بولاتىنىن، 100 مىڭ يۋاننىڭ العاشقى 3 ايىنىڭ ءوسىمى 4 مىڭ 500 يۋان بولاتىنىن، ونىڭ ۇستىنە ءوسىمدى الدىمەن بەرەتىندىگىن مايىن تامىزا وتىرىپ ءتۇسىندىردى. سەرىكتىككە مال – مۇلكىن كەپىلگە بەرگەن 3 – جاققا الگى اقشانى قولما – قول قازىرعا بەرەدى ەكەن، الدا – جالدا قارىزعا العان اقشانى ۋاعىندا قايتارماسا، وندا قارىز الۋشىنىڭ كەپىلگە بەرگەن مال – مۇلكىن زاڭ بويىنشا ءبىر جاقتى ەتەدى ەكەن. وسىلاردى ەستىگەننەن كەيىن، مەن 100 مىڭ يۋان قارجى قوستىم. ارتىنان بۇل ساۋدانىڭ سەنىمدى ەمەس ەكەندىگىن سەزىپ دەلو مالىمدەدىم».
تۇرعىنداردىڭ اشكەرەلەۋىن تاپسىرىپ العاننان كەيىن ەكونوميكالىق دەلولاردى بارلاۋ ۇلكەن اترەتى بۇعان زور دەلو رەتىندە ءمان بەرىپ، جاعدايدى باسشىلارعا اڭىس ەتىپ، قالالىق پارتكوم، ۇكىمەتتىڭ تەز بارلاۋ، تەز ۇستاۋ، ەڭ جوعارى شەكتە ارام اقشانى تاركىلەۋ نۇسقاۋىنا ساي، سايلاۋىت ساقشى، ىسىلعان بارلاۋشىلاردان ارناۋلى دەلو گرۋپپاسىن قۇرىپ، بارلاپ تۇتقىنداۋ ارەكەتىن جاپپاي قانات جايدىردى.
تەكسەرۋ ارقىلى قاشقار قالاسى مەن قۇمىل قالاسى سىندى ەكى جەردە سەرىكتىك اشىپ قارجى قوسۋعا كەپىل بولۋ ساۋداسىمەن شۇعىلداناتىن جي فاميليالى قۇلجا قالاسىنا كەلىپ ىرگەسىن كەڭەيتكەن. 2013 – جىلى قاراشانىڭ 26 – كۇنى جي فاميليالىنىڭ جەلىكتىرۋىمەن جاڭ فاميليالى قۇلجا قالاسىنان جينشين يىنحۇي قارجى قوسۋدى باسقارۋ سەرىكتىگىن قۇرىپ، جاڭ سەرىكتىكتىڭ زاڭدى ۋاكىلى بولىپ، ءبىر ميلليون يۋان قارجىنى تىركەۋگە الدىرادى، ۇسىنىس ەتكەن شۇي فاميليالىنى سەرىكتىكتىڭ باس ديرەكتورلىعىنا سايلاپ، سەرىكتىكتىڭ كاسىپتەرىنە، ادام باسقارۋعا جاۋاپتى ەتەدى. جي فاميليالى ءبىر ميلليون يۋان اقشا شىعارىپ، سەرىكتىكتى بەزەندىرەدى، ۇستەل – ورىندىعىن الىپ بەرەدى، سونىمەن 2013 – جىلى 26 – قاراشادان جۇمىس باستاعان ايتىلمىش سەرىكتىك 2014 – جىلى تامىزدىڭ 7 – كۇنىنە دەيىن قۇلجا قالاسىنىڭ 115 تۇرعىنىن الداپ، ولاردىڭ 19 ميلليون 855 مىڭ يۋان اقشاسىن زاڭسىز يەمدەنىپ الادى.
2014 – جىلى قاڭتاردىڭ 28 – كۇنى جي فاميليالىنىڭ جەلىكتىرۋىمەن جاڭ فاميليالى 66 – تۋان الاڭىنان جينشين يىنحۇي قارجى قوسۋدى باسقارۋ سەرىكتىگىنىڭ بولىمشەسىن قۇرىپ، چىن فاميليالىنى سەرىكتىكتىڭ باس ديرەكتورى بولۋعا، جۋ فاميليالىنى كاسسىر بولۋعا ۇسىنىس ەتەدى، سەرىكتىك كاسسىرى سەرىكتىكتىڭ تۇرعىنداردان زاڭسىز يەمدەنىپ العان اقشانىڭ جۇمسالۋىنا جاۋاپتى بولادى. جي فاميليالى جانىنان 200 مىڭ يۋان اقشا شىعارىپ، سەرىكتىكتى بەزەندىرەدى، ۇستەل – ورىندىق الىپ بەرەدى. سونىمەن 2013 – قاڭتاردىڭ 28 – كۇنىنەن جۇمىس باستاعان ايتىلمىش سەرىكتىك 2014 – جىلى تامىزدىڭ 7 – كۇنىنە دەيىن 66 – تۋان الاڭىنداعى 47 تۇرعىندى الداپ، ولاردىڭ 2 ميلليون 136 مىڭ يۋان اقشاسىن زاڭسىز يەمدەنىپ الادى.
2014 – جىلى اقپاننىڭ 18 – كۇنى جي فاميليالى جاڭ فاميليالىنى تاعى جەلىكتىرىپ، قورعاس اۋدانىنان جينشين يىنحۇي قارجى قوسۋدى باسقارۋ سەرىكتىگىنىڭ قورعاس اۋدانى بولىمشەسىن قۇرىپ، وعان سۇي فاميليالىنى باس ديرەكتور بولۋعا ۇسىنىس ەتەدى، سۇي فاميليالى بۇنداعى سەرىكتىكتىڭ كاسىپتىك جۇمىستارىنا جاۋاپتى بولادى. جي فاميليالى 500 مىڭ يۋاننان ارتىق اقشا شىعارىپ، سەرىكتىكتى بەزەندىرەدى، ۇستەل – ورىندىق الىپ بەرەدى. سونىمەن 2014 – اقپاننىڭ 18 – كۇنىنەن جۇمىس باستاعان ايتىلمىش سەرىكتىك 2014 – جىلى تامىزدىڭ 7 – كۇنىنە دەيىن قورعاس اۋدانىنداعى 73 تۇرعىندى الداپ، ولاردىڭ 5 ميلليون 440 مىڭ يۋان اقشاسىن زاڭسىز يەمدەنىپ الادى.
جاڭ، چىن، سۇي قاتارلى ادامدار جي فاميليالىنىڭ جەلىكتىرۋىمەن، ۇگىت قاعازىن تاراتۋ فورماسىمەن، جوعارى ءوسىم بەرەمىز، دەپ جۇرتتى ەلىكتىرىپ، قۇلجا قالاسىنىڭ 115 تۇرعىنىن الداپ، ولاردىڭ 19 ميلليون 855 مىڭ يۋان اقشاسىن زاڭسىز يەمدەنىپ الادى؛ 66– تۋان الاڭىنداعى 47 تۇرعىندى الداپ، ولاردىڭ 2 ميلليون 136 مىڭ يۋان اقشاسىن زاڭسىز يەمدەنىپ الادى؛ قورعاس اۋدانىنداعى 73 تۇرعىندى الداپ، ولاردىڭ 5 ميلليون 440 مىڭ يۋان اقشاسىن زاڭسىز يەمدەنىپ الادى. بۇنىمەن تۇرعىنداردان الداپ العان زاڭسىز سوما 27 ميلليون 431 مىڭ يۋانعا جەتەدى. جي فاميليالى تۇرعىنداردان زاڭسىز يەمدەنىپ العان بۇل اقشالاردى ءوزى جەكە ىستەتەدى نە تۇرعىنداردان قارجى قوسۋعا العان اقشانىڭ ءوسىمى رەتىندە جۇمسايدى نە باسقاغا جوتكەپ ىستەتەدى. سونىمەن بىرگە، قاشقار قالاسى مەن قۇمىل قالاسىنداعى ەكى سەرىكتىگىنىڭ ەكى جىلدان بەرگى شىغىنىن تولىقتىرۋعا جۇمسايدى. قىلمىس كۇدىكتىسى جي فاميليالىنىڭ قۇمىل قالاسىنداعى تۇرعىنداردان زاڭسىز يەمدەنىپ العان اقشاسى 80 ميلليون يۋاننان اسقاندىقتان، شىلدەنىڭ 29 – كۇنى قۇمىل ايماقتىق قوعام حاۋىپسىزدىگى مەكەمەسى ەكونوميكالىق دەلولاردى بارلاۋ اترەتىنىڭ توراپتا قۋعىنداۋىنا ۇشىرايدى. ەكونوميكالىق دەلولاردى بارلاۋ ۇلكەن اترەتىندەگى ساقشىلاردىڭ تەكسەرۋىمەن ونىڭ بەت پەردەسى جىرتىلىپ، قۇلجا قالاسىنداعى جاڭ، شۇي، چىن، سۇي قاتارلىلار اكىمشىلىك جاقتان تۇتقىندالادى، سىبايلاستارىنىڭ قاقپان قاپقاندىعىنان حاباردار بولىپ زىتىپ كەتكەن جۋ فاميليالىعا توراپتا قۋعىنداۋ بۇيرىعى شىعارىلادى.
B . التى قىلمىس كۇدىكتىسىنىڭ بارلىعى تورعا ءتۇستى
زياندالعان بۇقارالاردىڭ ەكونوميكالىق شىعىنىن قايتارىپ بەرۋ ءۇشىن، قۇلجا قالالىق قوعام حاۋىپسىزدىگى مەكەمەسى ەكونوميكالىق دەلولاردى بارلاۋ ۇلكەن اترەتى جەر – جەرمەن بايلانىس ورناتىپ، قىرپۋلى شارا قولدانىپ، قىلمىس كۇدىكتىسى جۋ فاميليالىنىڭ ءۇرىمجى قالاسىندا جۇرگەندىگىنەن حاباردار بولىپ، سايلاۋىت ساقشىلار ءۇرىمجى قالاسىنا قىلمىستىنى ۇستاۋعا اتتانادى.
تامىزدىڭ 16 – كۇنى دەرەككە ساي، ارناۋلى دەلو گرۋپپاسىنداعى ساقشىلار ءۇرىمجى قالاسى تيانشان رايونىنان جينشين يىنحۇي قارجى قوسۋدى باسقارۋ سەرىكتىگىنىڭ بۇعالترى جۋ فاميليالىنى تۇتقىندايدى. وسى دەلوداعى بەس قىلمىس كۇدىكتىسى قولعا تۇسكەنىمەن، ءبىراق باس قىلمىسكەر جي فاميليالىنىڭ دەرەگى ۇشتى – كۇيدى جوق بولىپ، بارلاۋشىلاردىڭ يىعىنداعى سالماق ارتا تۇسەدى. قوعامداعى ءار سالانىڭ كۇشتى اڭىسىن قوزعاعان ايتىلمىش دەلودا الدامكوستەر 3 جەردىڭ 200 دەن ارتىق تۇرعىنىنىڭ قان مەن تەرىنىڭ بوداۋىنا كەلگەن اقشاسىن ءبىر – اق سىپىرىپ، ءبىر تۇندە تاقىرعا وتىرعىزدى. قىلمىس كۇدىكتىلەرىن قانشا تەز تۇتقىنداسا، زيان تارتقان تۇرعىندار سونشا از بولۋشى ەدى، سونىمەن ارناۋلى دەلو گرۋپپاسىنىڭ سايلاۋىت ساقشىلارى ءۇرىمجى قالاسىندا باس قىلمىس كۇدىكتسىنىڭ دەرەگىن قاراستىرا باستادى.
الىپ شاھار ۇرىمجىدەن ادام ىزدەۋ تەڭىزدەن تەبەن ىزدەگەنمەن بارابار ەدى. ونىڭ ۇستىنە ابدەن ىسقاياقتانىپ كەتكەن اككى قىلمىستى قۇيرىعىن ۇستاتار ەمەس. جي فاميليالى ءمىنىپ جۇرگەن كولىگىمەن، مايلاپ وتىرعان ءۇيىن باسقالاردىڭ اتىمەن العان ەكەن، بۇل بارلاۋ قىزمەتىنىڭ قيىندىعىن ارتتىرا ءتۇستى. جارتى ايعا جۋىق جىنتىكتەي بارلاۋ جۇرگىزۋ ارقىلى، ونىڭ ءۇرىمجى قالاسىنداعى مايلاپ وتىرعان ءۇيىنىڭ ورنى ۇلكەن جاقتان تۇراقتاندى.
ءبىر بارلاۋشى تىلشىگە بىلاي دەدى: «تۇراقتانعان بۇل اۋماقتىڭ كولەمى ۇلكەن بولىپ، 15 شاعىن رايوندى قامتيدى. سول كەزدە ءبىزدىڭ قولىمىزداعى بار دەرەك ول مىنەتىن كولىكتىڭ ءنومىرى ەدى، وسىنشاما ۇلكەن اۋماقتان وسى ءنومىرلى كولىكتى تابۋ دا قيىننىڭ قيىنى سانالاتىن. ءۇرىمجى قالاسىنا كەلگەن 3 ساقشى كۇندى تۇنگە جالعاپ، قۇزعىن سارىدەن جەتى قاراڭعى تۇنگە دەيىن تەكسەرۋ جۇرگىزسەك تە، قولعا ىلىنەتىن دەرەك تاپپادىق». سونىمەن بارلاۋ گرۋپپاسىنداعىلار بارلاۋ جولدارىن قايتا باستان رەتكە سالىپ، ىلە وبلىستىق قوعام حاۋىپسىزدىگى مەكەمەسىنىڭ ساقشىلارى مەن ءۇرىمجى قالاسىنداعى ساقشىلاردىڭ زور كۇشپەن قولداپ – قۋاتتاۋىمەن، قىلمىس كۇدىكتىسىنىڭ تۇراعىن تابادى. سارى تابان بولىپ تالاي كۇن اڭدىپ جاتىپ، قىركۇيەكتىڭ 5 – كۇنى دەلو گرۋپپاسىنداعى ساقشىلار 5 ساعات بويى اڭدىپ جاتقاننان كەيىن، جي فاميليالى مايلاپ العان تۇراعىنىڭ ماڭايىنان بوي كورسەتۋىمەن ساقشىلاردىڭ قولىنا تۇسەدى. بۇنىمەن دەلو شاتىلعان 6 قىلمىس كۇدىكتىسى تورعا تۇسەدى.
قىلمىس كۇدىكتىسى جي فاميليالى قولعا تۇسكەن سوڭ سۇراق سۇراۋدان ءمالىم بولۋىنشا، ول تۇرعىنداردان الداپ العان اقشاسىمەن بەيجيڭ جيڭديان سايفۋ قوعامىنا مۇشە بولعان ەكەن ءارى قۇلجا قالاسىنان قىزمەت ورنىن مايلاپ الىپ، قۇلجا قالاسى جينشين يىنحۇي قارجى قوسۋدى باسقارۋ سەرىكتىگىن، 66 – تۋان الاڭى مەن قورعاس اۋدانىنان بولىمشە سەرىكتىكتەرىن قۇرىپ ۇلگىرگەن. زيانعا ۇشىراعان تۇرعىنداردىڭ اقشاسىن ەڭ جوعارى شەكتە قايتارىپ بەرۋ ءۇشىن، ات باسىن ىرىكپەگەن بارلاۋشىلار بەيجيڭ قالاسىنا بارىپ تەكسەرۋ جۇرگىزىپ، سپات الىپ، مۇشەلىك اقىسىن قايتارىپ الادى. تىنباي قۇلشىنعان قۇلجا قالالىق قوعام حاۋىپسىزدىگى مەكەمەسى «ۇلى قورعان» ماركالى حاۆەل H6 ەكى اۆتوكولىكتى، «بەك» ماركالى ءبىر جەڭىل ماشينانى، «بەنز» ماركالى ءبىر مينبۋستى، ءبىر ءبولىم كەڭسە بۇيىمدارىن، 33 دانا KTV جاڭعىرتقىشىن تاركىلەپ قالۋمەن بىرگە، سەرىكتىك اشۋ ءۇشىن جۇمسالعان ءۇي مايلاۋ اقىسىن، باسقارۋ اقىسىن، ءۇرىمجى قالاسىنان شاراپحانا كوتەرمەگە الۋ اقىسىن، بەيجيڭ جيڭديان سايفۋ قوعامىنا مۇشە بولۋ ءۇشىن بەرىلگەن ءبىر ميلليون يۋاننان استام اقشانى قايتارىپ الادى. بۇنىمەن جالپى قايتارىپ العان ەكونوميكالىق زيان 2 ميلليون يۋاننان اسادى.
جي فاميليالى قاشقار، قۇمىل، قۇلجا سىندى قالالارداعى تۇرعىنداردى الداپ، ولاردىڭ 200 ميلليون يۋانعا جۋىق اقشاسىن زاڭسىز يەمدەنىپ الادى. تۇرعىنداردى قارجى قوسۋعا ەلىكتىرە ءتۇسۋ ءۇشىن، قارجى قوسقانداردىڭ ءوسىمىن باستاپقى ءۇش ايىندا بەرىپ وتىرعان، اي سايىن ءوسىم تاراتۋ، سەرىكتىكتەردىڭ باسقادا كۇندەلىكتى شىعىمدارى ءۇشىن 4 ميلليون يۋاننان ارتىق اقشا جۇمساسا؛ مايلاپ العان قىزمەت ورىندارىن بەزەندىرۋگە، ۇستەل – ورىندىق ساتىپ الۋعا، سايرانحانالاردى بەزەندىرۋگە 20 ميلليون يۋاننان ارتىق اقشا جۇمساعان. قۇرتتىڭ اتىن جاڭىلتىپ مالتا قويعان جي فاميليالى جۇرت كوزىن كولەگەيلەپ، ولاردى ورعا جىعىپ، قوماقتى ەكونوميكالىق زيان ارقالاتتى.
كەلۋ قاينارى: «ىلە كەشى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
