- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تالعات ۇسەن ۇلى التاي ايماعىنىڭ ءوندىرىس حاۋىپسىزدىگى قىزمەتىنە تەكسەرىپ ـ زەرتتەۋ جۇرگىزدى
2015.01.08 13:34
«التاي گازەتىنىڭ» ءتىلشىسى پاڭ ۋىنشىڭ حابارلايدى.
5 ـ قاڭتار ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ءۋاليى تالعات ۇسەن ۇلى ايماقتق ءوندىرىس حاۋىپسىزدىگىن باقىلاپ ـ باسقارۋ، ءورت ءوشىرۋ، قاتىناس ساقشى قاتارلى قاتىستى تاراۋلاردىڭ (ورىندار) جاۋاپتىلارىن باستاپ ىلگەرىندى ـ كەيىندى التاي قالالىق ورتالىق بازار، التاي قالالىق 2 ـ ورتا مەكتەپ، ايماقتىق قوعام حاۋىپسىزدىگى مەكەمەسى قاتىناس ساقشى تارماق اترەتى، سونداي ـ اق كۇيتۇن ـ التاي جوعارى قارقىندى تاس جولىنىڭ بەيتۇننان التايعا دەيىنگى بولەگىندە شاعان مەرەكەسىنەن بۇرىنعى ءوندىرىس حاۋىپسزىدىگى قىزمەتى ورنالاستىرۋ جاعدايىنا تەكسەرىپ ـ زەرتتەۋ جۇرگىزدى. تالعات ۇسەن ۇلى مىنانى باسا دارىپتەدى: «تاراۋلار (ورىندار) مەرەكە كەزىندەگى ءوندىرىس حاۋىپسزىدىگى قىزمەتىن ويداعىداي ىستەپ، حاۋىپسىز باسقارۋدى كۇشەيتىپ،ءار ۇلت بۇقاراسىنىڭ مەرەكەنى شات ـ شادىمان وتكىزۋىنە كەپىلدىك ەتۋ كەرەك».
التاي قالالىق ورتالىق بازاردا تالعات ۇسەن ۇلى بازار ىشىندە ءورت ءوشىرۋ حاۋىپسىزدىك ءتۇزىمى جاسالعان ـ جاسالماعاندىعىنا، ءورت ءوشىرۋ قۇرىلعى جابدىقتارى تولىق تۇلعالانعان ءارى جۇيەلى تالاپتارعا ۇيلەسكەن ـ ۇيلەسپەگەندىگىنە، قاتەرلى جاعدايدا بۇقارانى حاۋىپسىز تاراتۋ جولدارىنىڭ ىركىلىسسىز بولعان ـ بولماعانىنا، تاراتۋ كورسەتكىش بەلگىلەرىنىڭ ولشەمگە تولعان ـ تولماعانىنا تەكسەرۋ جۇرگىزدى. ءمالىم ءبىر ءتۇرلى بۇيىمدار دۇكەنىندە تالعات ۇسەن ۇلى دۇكەن قوجايىنىنان وتتان، توكتەن پايدالانۋ احۋلىن ۇعىسىپ، دۇكەن قوجايىنىنا دۇكەندەگى زاتتاردى وتتان الىس قويىپ، توك پايدالانۋدا حاۋىپسىزدىككە كوڭىل ءبولۋدى قاداعالاي تاپسىردى. ول بىلاي دەدى: «شاعان مەرەكەسى قارساڭىنداعى ءورت ءوشىرۋ حاۋىپسىزدىگى قىزمەتىنە باسا ءمان بەرىپ، قىزمەت تەبىنىن ۇزدىكسىز ارتتىرىپ،ءتۇرلى كومەسكى كىناراتتاردى جويىپ، التاي قالاسىنداعى تۇرعىنداردىڭ زات ساتىپ الۋ، تۇتىنۋ حاۋىپسىزدىگىنە كەپىلدىك ەتۋ كەرەك».
التاي قالالىق 2 ـ ورتا مەكتەپتە تالعات ۇسەن ۇلى قاتارلىلار مەكتەپتىڭ وقۋشىلار جاتاعى، اسحانا قاتارلى ورىندارىنداعىءورت ءوشىرۋ قۇرىلعىلارىن ەگجەي ـ تەگجەيلى تەكسەرىپ، مىنانى باسا دارىپتەدى: «ساقتالىپ وتىرعان حاۋىپسىزدىك كومەسكى كىناراتتارىن دەركەزىندە تەكسەرىپ، حاۋىپسىز باسقارۋدى كۇشەيتۋ، اسىرەسە، ازىق ـ تۇلىك حاۋىپسىزدىگىن باقىلاپ ـ باسقارۋعا باسا ءمان بەرىپ، مەكتەپ اۋلاسى حاۋىپسىزدىگىن ۇنەمىلىك ءىس رەتىندە باسقارۋدى مىقتى يگەرىپ،ءتۇرى حاۋىپسزدىك تۇزىمدەرىن ناقتى تياناقتاندىرىپ، ناقتى ونىمدىلىككە جەتىپ، مەكتەپ اۋلاسى حاۋىپسىزدىك كومەسكى كىناراتىن ەڭ تومەنگى شەككە ءتۇسىرىپ، مەكتەپ ورنىقتىلىعى مەن وقىتۋشى ـ وقۋشىلاردىڭ حاۋىپسىزدىگىنە كەپىلدىك ەتۋ كەرەك».
ايماقتىق قوعام حاۋىپسىزدىگى قاتىناس ساقشى تارماق اترەتىندە قىزمەتكەرلەر تەكسەرۋ گرۋپپاسىنا وسى تارماق اترەتتىڭ قاتىناس حاۋىپسىزدىگى قىزمەتى بارىسىنداعى تاجىريبەلەرى مەن ادىستەرىن ەگجەي ـ تەگجەيلى تانىستىردى. تالعات ۇسەن ۇلى قاتارلىلار تاس جولداعى باقىلاۋ جۇيەسى، كەسكىندى ۋنيۆەرسال پايدالانۋ تەكشەسى،ءتۇيىندى تاسىمال اۆتوكولىكتەرىن باسقارۋ تەكشەسىنىڭ ٴدال كەزىندە ىسكە قوسىلۋ احۋالىن تەكسەردى. وسى قولدانىلمالى تەكشەلەردىڭ اۆتوكولىك جولىن، قاتىناۋ قارقىنىن تۇتاس ارالىقتا باقىلاپ مەڭگەرەتىنىن ۇعىسقاننان كەيىن ول بىلاي دەدى: «شاعان مەرەكەسى الدىندا، جولاۋشى مولشەرى كورنەكتى ارتادى، قاتىناس تاسىمالىن قامتاماسىزداندىرۋ مىندەتى توتەنشە اۋىر، اۆتوكولىكتەردىڭ قاتىناۋىنا بولعان تەكسەرۋدى شىنايى كۇشەيتىپ، ءوندىرىس حاۋىپسىزدىگىنىڭ ءتۇرلى ەرەجە ـ تۇزىمدەرىن قاتاڭ اتقارۋ كەرەك».
كۇيتۇن ـ التاي جوعارى قارقىندى تاس جولى بەيتۇن ـ التاي جول بولەگىندە تالعات ۇسەن ۇلى قىزمەت ىستەپ جاتقان قاتىناس ساقشىلارىنان قىزمەتتى ورىستەتۋ احۋالىن جانە قىزمەت بارىسىندا ساقتالىپ وتىرعان قيىنشىلىقتاردى ەگجەي ـ تەگجەيلى ۇعىسا كەلىپ مىنانى باسا دارىپتەدى: «تاراۋلار (ورىندار) ءوزارا سايكەسۋدى كۇشەيتىپ، كۇيتۇن ـ التاي جوعارى قارقىندى تاس جولى بەيتۇن ـ التاي جول بولەگىن سىناق رەتىندە ىسكە قوسۋ كەزىندەگى قاتىناس حاۋىپسىزدىگى قىزمەتىن ويداعىداي ىستەپ، شوفەرلەرگە بولعان حاۋىپسىزدىك تاربيەسىن كۇشەيتىپ، اۆتوكولىك قاتىناۋ ٴتارتىبىن جۇيەلەندىرىپ، بۇقارانىڭ ءجۇرىس-تۇرىس حاۋىپسىزدىگىنە كەپىلدىك ەتۋ كەرەك».
كەلۋ قاينارى: «التاي گازەتى» - التاي اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
