- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ايماعىمىز جەرگىلىكتى جاعدايعا قاراي كاسىپتەندىرۋدى جەبەدى
2015.01.08 13:38
«التاي گازەتىنىڭ» ءتىلىشسى پاڭ ۋىنشىڭ حابارلايدى.
2014 ـ جىلى ايماعىمىزداعى ءار دارەجەلى پارتيا ـ ۇكىمەت كاسىپتەندىرۋ حالىق تۇرمىسىنىڭ نەگىزى، ورنىقتىلىقتىڭ تياناعى سىندى تانىمدى بەرىك تىكتەپ، كاسىپتەندىرۋدى جەبەۋدى ەڭ ۇلكەن حالىق تۇرمىسى ينجەنەرياسى رەتىندە مىقتى يگەرۋگە تاباندى بولدى. 2014 ـ جىلى 24 ـ جەلتوقساندا، ٴتىلشىمىزدىڭ ايماقتىق الەۋمەتتىك كاسىپتەندىرۋگە قىزمەت وتەۋ مەكەمەسىنەن ۇعىسۋىنا قاراعاندا، قاڭتاردان قازانعا دەيىن تۇتاس ايماعىمىزدىڭ قالا ـ قالاشىعى جاڭادان 40 مىڭ 506 ادامدى، كاسىپتەنۋدە قيىنشىلىعى بار 2998 ادامدى كاسىپتەندىرىپ، قالا ـ قالاشىقتاعى بىردە-ءبىر ادامى كاسىپتەنبەگەن وتباسى بولماۋ جاعدايىن ۇزدىكسىز ساقتاپ، بيىل وقۋ تاۋىسقان جوعارى مەكتەپ ستۋدەنتتەرىنىڭ كاسىپتەنۋ مولشەرىن %86 كە جەتكىزىپ، 47 مىڭ 758 اۋىل ـ قىستاق ارتىق ەڭبەككۇشىن باسقا كاسىپكە ويىستىرىپ كاسىپتەندىردى.
بيىل ءارقايسى اۋدان (قالا، كورىنىس رايونى) جەرگىلىكتى جاعدايعا قاراي ابزالدىلىقتى ساۋلەلەندىرىپ، كاسىپتەندىرۋدى جەبەپ، ءونىمدى ناتيجەگە قول جەتكىزدى. كوكتوعاي اۋدانى «باقشا رايونى ەكونوميكاسىن دامىتۋ، كاسىپتەندىرۋدى ارتتىرۋ» وي جەلىسىنە ساي، ونەركاسىپ باقشا رايونى نەگىزگى قۇرىلعىلار قۇرىلىسىن جەدەلدەتىپ، ونەركاسىپ باقشا رايونى مەن ساۋداگەر شاقىرىپ، قارجى ەنگىزۋ كاسىپورىندارىنىڭ جەرگىلىكتى ورىننان جۇمىسقا قابىلداعان ادام سانى 5650 ادامعا جەتكەن.
التاي قالاسى 3 ـ كاسىپتى دەمەۋ تەبىنىن ارتتىرىپ، بىلتىر قاڭتاردان قازانعا دەيىن، تەك 3 ـ كاسىپتىك وزىنەن 7408 ادامدى كاسىپتەندىرگەن. شىڭگىل اۋدانى كاسىپتەندىرۋدى جەبەۋ ساياسات ـ شارالارىن العا قويىپ، كەن كاسىپورىندارىنىڭ كاسىپتەندىرۋدى ىلگەرى باستىرۋىن بارىنشا دەمەدى. چيڭگاڭ بولات ـ تەمىر شەكتى جارنا سەرىكتەستىگى قازىرگە دەيىن جەرگىلىكتى ورىننان 300 دەن استام ادامدى قابىلداپ كاسىپتەندىردى. بۇل سەرىكتەستىك ناقتى جۇمىس باستاعاننان كەيىن 1500 دەن استام ادامدى قابىلداپ كاسىپتەندىرەدى.
بۋرىلتوعاي اۋدانى ەڭبەككۇش شوعىرلانعان كاسىپورىنداردى ەنگىزۋ جانە تاربيەلەۋدى جەدەلدەتىپ، جاڭا دامۋ ٴورىسىن ۇزدىكسىز اشىپ، كاسىپتەنۋ ارناسىن كەڭەيتتى. جاقىنعى جىلداردان بەرى، بۇل اۋدانداعى جوعارى ـ ورتا تەحنيكۋم مەكتەپتەن وقۋ تاۋىسقان وقۋشىلاردىڭ كاسىپتەنۋ مولشەرى %85 تەن جوعارى بولدى. قابا اۋدانى جۇمىسشى قابىلداۋشى كاسىپورىندارمەن مەرزىمدى بايلانىس جاساۋ مەحانيزمىن ورناتىپ، كاسىپتەندىرۋ ساياسات ـ شارالارىن تياناقتاندىرىپ، جەرگىلىكتى 12 مىڭ 200 ەڭبەكشىنى كاسىپتەنۋگە جەتەلەدى.
ايماقتىق الەۋمەتتىك كاسىپتەندىرۋگە قىزمەت وتەۋ مەكەمەسىنىڭ ورىنباسار باستىعى جاڭ لياڭجۇن تىلشىگە بىلاي دەدى: «جوعارى ـ ورتا تەحيكۋم مەكتەپتەن وقۋ تاۋىسقان وقۋشىلاردى كاسىپتەندىرۋدى جەبەۋ جاعىندا، ايماعىمىز جوعارى ـ ورتا تەحيكۋم مەكتەپتەن وقۋ تاۋىسقان وقۋشىلاردى ناقتى اتى ـ جونىمەن تىزىمگە الىپ گرافالاستىرۋ ارقىلى سوڭىنا ءتۇسىپ، قىزمەت وتەپ باسقارۋدى جولعا قويىپ، كاسىپتەندىرۋدەگى پراكتيكا ىستەۋ ٴتۇزىمى قاتارلىلاردى تياناقتاندىرىپ، 2990 جوعارى ـ ورتا تەحيكۋم مەكتەپتەن وقۋ تاۋىسقان وقۋشىنى كاسىپتەندىردى.
قازىر ايماعىمىز جيىنى 128 نەگىزگى ساتى كاسىپتەندىرۋگە قىزمەت وتەۋ ورگانىن قۇرىپ، الەۋمەتتىك كاسىپتەندىرۋگە قىزمەت وتەۋ تۇتاس ايماعىمىزداعى قالا، اۋىلدارعا دەيىن جالپىلاستىردى. ەڭبەككۇشتەرىن كاسىپتەندىرۋ ءبىر تۇتاس قولدانىلمالى جۇيە قىزمەت وتەۋ تورى اۋدان (قالا)، اۋىل (قالاشىق) جانە الەۋمەتتىك اۋماقتارعا دەيىن تۇتاستىرىلىپ، ينفورماتسيا الماستىرۋ، بايلىقتان تەڭ يگىلىكتەنۋدى العاشقى ادىمدا جۇزەگە اسىردى.
كەلۋ قاينارى: «التاي گازەتى» - التاي اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
