- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شاندۇڭدا زاڭسىز تۇردە ۆاكسينا ءوندىرۋ دەلوسىمەن قاتىسى بار 37 ادام ۇستالدى
2016.03.23 15:26 كەلۋ قاينارى : حالىق تورابى
حالىق تورابى، 23 – ناۋرىز، بەيجيڭ. ءتىلشىنىڭ 22 – ناۋرىز كۇنى شاندۇڭ ولكەسىنىڭ زاڭسىز تۇردە ۆاكسينا ساۋدالاۋ دەلوسىن ءبىرجايلى ەتۋ قىزمەت گرۋپپاسىنان ۇعىسۋىنشا، قازىر شاندۇڭ ولكەسىندە كوپ جەلىلى قىزمەت گرۋپپاسى دەلوعا قاتىستى دەرەككوزىن كۇش سالا تەكسەرۋدە. 22 – ناۋرىز كۇنى تۇستەن كەيىنگى ساعات 3كە دەيىن، زاڭسىز ۆاكسينا ءوندىرۋ دەلوسىمەن قاتىسى بار 37 ادام ۇستالعان.
18 – ناۋرىزدان 21 – ناۋرىزعا دەيىنگى ارالىقتا، شاندۇڭ ولكەلىك ساقشى جاعى قاتىستى دەرەكتەرگە نەگىزدەلىپ، مۇقيات تەكسەرۋ جۇرگىزۋ ارقىلى 6 دەلو تۇرعىزىپ، قىلمىس كۇماندىسىنان 6 ادامدى ۇستادى. 2015 – جىلى 25 – تامىزدان باستاپ قوعام حاۋىپسىزدىك مينيسترلىگى جينان قالاسىنداعى پاڭ XXتىڭ زاڭسىز ساۋدالاۋ دەلوسىنا قاتىستى شوعىرلى شايقاس باستاعاننان بەرى، شاندۇڭ ولكەلىك قوعام حاۋىپسىزدىك تاراۋلارى قاتىستى دەرەكتەرگە سۇيەنىپ، زاڭسىز تۇردە ۆاكسينا جاساۋ - ساۋدالاۋعا قاتىستى 18 دەلونى انىقتادى.
ۇعىسۋعا قاراعاندا، شاندۇڭ ولكەسى الدىڭعى مەزگىلدە ولكەگە قاراستى رايوندارداعى دەلوعا قاتىسى بار ءدارى – دارمەك تيجاراتىمەن شۇعىلداناتىن 3 كاسىپورىنعا دەلو تۇرعىزىپ تەكسەرۋ جۇرگىزىپ، ءبىر جاقتىلى ەتكەن، مۇنىڭ ىشىندە شاندۇڭ جاۋشين بيو عىلىم –تەحنيكالىق شەكتى سەرىكتىگىنىڭ ءدارى – دارمەك GSP انىقتاما كۋالىگىن كۇشىنەن قالدىرىپ، بارلىق تيجارات قيمىلدارىن توقتاتقان.
قازىر، شاندۇڭ ولكەلىك ازىق – تۇلىك، ءدارى – دارمەك حاۋىپسىزدىگىن تەكسەرىپ - باسقارۋ مەكەمەسى 9 ارناۋلى تەكسەرۋ گرۋپپاسىن جىبەرىپ، ءبىر جاعىنان، ءارقايسى قالالارداعى ازىق – تۇلىك، ءدارى – دارمەك حاۋىپسىزدىگىن تەكسەرىپ - باسقارۋ تاراۋلارىنىڭ، قوعام حاۋىپسىزدىك تاراۋلارىمەن سەلبەسىپ دەلوعا قاتىستى ادامداردىڭ سالاۋاتىن تەزدىكپەن انىقتاپ، زاڭسىز تۇردە ۆاكسينانى ساتۋ - ساتىپ الۋ جاعدايىن تەكسەرىپ انىقتاۋىنا قۇزاۋ سالدى. ەندى ءبىر جاعىنان، ءار دارەجەلى ازىق – تۇلىك، ءدارى – دارمەك حاۋىپسىزدىگىن تەكسەرىپ - باسقارۋ تاراۋلارىنىڭ ءوز رايونىنداعى ۆاكسينا تيجاراتىمەن شۇعىلداناتىن ورىندارعا، ۆاكسينا ىستەتەتىن ورىندارعا جالپى بەتتىك باقىلاۋ جانە تەكسەرۋ جۇرگىزۋ قىزمەتىنە جەتەكشىلىك ەتتى. 22 – ناۋرىزعا دەيىن، بۇكىل ولكە بويىنشا ۆاكسينا تيجاراتىمەن شۇعىلداناتىن، ۆاكسينا ىستەتەتىن 2276 ورىنعا تەكسەرۋ جۇرگىزدى.
شاندۇڭ ولكەلىك دەنساۋلىق ساقتاۋ جانە جوسپارلى تۋىت كوميتەتى جاقىندا ولكەدەگى ەكىنشى تيىپتەگى ۆاكسينانىڭ ىستەتىلۋىن باسقارۋ جاعدايىنا ارنايى تەكسەرۋ جۇرگىزۋدى ورنالاستىردى ءارى ولكەدەگى ەكىنشى تيىپتەگى ۆاكسينانىڭ ىستەتىلۋىن باسقارۋ جاعدايىنا ارنايى باقىلاۋ جۇرگىزىپ، جەتەكشىلىك ەتپەكشى.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
