- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەكسەرۋ گرۋپپاسى قارۋلى ساقشى بەيجيڭ قالالىق باس اترەتىنىڭ 2 - شيپاحاناسى جونىندەگى تەكسەرۋ ناتيجەسىن جاريالادى
2016.05.13 15:19 كەلۋ قاينارى : شينجياڭ گازەتى
شينحۋا اگەنتتىگىنىڭ 9 - مامىردا بەيجيڭنەن بەرگەن حابارى. مەملەكەتتىك ينتەرنەت جانە اقپارات كەڭسەسى مەن مەملەكەتتىك ونەركاسىپ - ساۋدانى اكىمشىلىك باسقارۋ باس مەكەمەسى، مەملەكەتتىك دەنساۋلىق ساقتاۋ جانە جوسپارلى تۋىت كوميتەتى، سونداي - اق بەيجيڭ قالاسىنىڭ قاتىستى تاراۋلارى ۇيىمداستىرعان بىرلەسكەن تەكسەرۋ گرۋپپاسى «ۋي زىشي وقيعاسى» جونىندە 2 - مامىردان باستاپ بايدۋ سەرىكتەستىگىنە تەكسەرۋ جۇرگىزە باستادى. سونىمەن بىرگە، مەملەكەتتىك دەنساۋلىق ساقتاۋ جانە جوسپارلى تۋىت كوميتەتى، ورتالىق اسكەري ىستەر كوميتەتى ارتقى شەپ قامتاماسىزداندىرۋ ءبولىمىنىڭ دەنساۋلىق ساقتاۋ مەكەمەسى، قارۋلى ساقشى ءبولىمى ارتقى شەپ ءبولىمىنىڭ دەنساۋلىق ساقتاۋ مەكەمەسى 3 - مامىردان بەرى «ۋي زىشي وقيعاسىنا» قاتىستى شيپاحانانىڭ ماسەلەسى جونىندە قارۋلى ساقشى بەيجيڭ قالالىق باس اترەتىنىڭ 2 - شيپاحاناسىنا (قىسقاشا قارۋلى ساقشى 2 - شيپاحاناسى دەپ اتالادى) تەكسەرۋ جۇرگىزە باستادى. جوعارى دارەجەلى ورىندار مەن قارۋلى ساقشى 2 - شيپاحاناسىنىڭ سايكەسۋى ارقاسىندا، سايكەستىرۋ جينالىسىن اشۋ، تۇپكى ماعلۇماتتاردى قاراۋ، مامانداردىڭ تالقىسىنا سالۋ، قاتىستى ادامدارمەن سويلەسۋ سياقتى تاسىلدەرمەن تەكسەرۋ جۇرگىزىپ، قارۋلى ساقشى 2 - شيپاحاناسىندا ورىن تەپكەن اۋىر ماسەلەلەردى تۇزەتىپ، ارناعا سالدى.
تەكسەرۋ گرۋپپاسى «تۇپكى ماعلۇماتتاردى تەكتەۋ، ءبىر باستان ساراپتاۋدان وتكىزۋ، ءىستىڭ اقيقاتىن انىقتاۋ، شىندىققا سايكەس ۇيعارۋ» پرينسيبى بويىنشا، مەملەكەتتىڭ، ارميانىڭ قاتىستى زاڭ - ەرەجەلەرى مەن قارۋلى ساقشى ءبولىمىنىڭ ەرەجە - تارتىپتەرىنە نەگىزدەلىپ، قوعام مەن اقپارات قۇرالدارىنىڭ نازارىن اۋدارعان ماسەلەلەر بويىنشا قۇنتتاي تەكسەرۋ جۇرگىزدى. تەكسەرۋ گرۋپپاسى قارۋلى ساقشى 2 - شيپاحاناسىندا بولىمدەردىڭ بەلگىلەمەگە قايشى تۇردە سەلبەستىك جاساسۋى، جالعان اقپاراتتار مەن مەديتسينالىق جارنامالار بەرۋ ارقىلى ناۋقاستار مەن الەۋمەتتى جاڭىلىستىرۋ، جۇمىسقا العان لي جىلياڭ سياقتى ادامداردىڭ ورەسكەل ارەكەتتەرگە بارۋى سەكىلدى ماسەلەلەر ورىن تەپكەنىن انىقتادى. تەكسەرۋ گرۋپپاسى قارۋلى ساقشى 2 - شيپاحاناسى مەن ونىڭ باسقارۋشى تاراۋىنا مىناداي شارالار قولدانۋدى بۇيىردى:
ءبىرىنشى، شاڭحاي كلايسون بيوتەحنيكا شەكتى سەرىكتەستىگىمەن جاساسقان سەلبەستىك دەرەۋ دوعارىلادى. سونىمەن بىرگە، باسقا دا سەلبەستىك جوبالارىنىڭ اتقارىلۋ احۋالىنا شوعىرلى تۇردە سارالاۋ، اداقتاۋ جۇرگىزىلىپ، بەكىتۋدەن وتپەگەن كلينيكالىق - مەديتسينالىق تەحنيكالاردى پايدالانۋ توقتاتىلادى. ورتالىق اسكەري ىستەر كوميتەتىنىڭ «ارميا مەن قارۋلى ساقشى بولىمدەرىنىڭ اقىلى قىزمەت كورسەتۋدى جاپپاي توقتاتۋى جونىندەگى حابارلاندىرۋىنىڭ» تالاپتارى بويىنشا، بارلىق سەلبەستىك جوبالارى دەرەۋ توقتاتىلادى؛ شيپاحاناعا جۇمىسقا شاقىرىلعان مەديتسينا قىزمەتكەرلەرىنىڭ بىلىكتىلىگى جونىندە جاپپاي تەكسەرۋ جۇرگىزىلىپ، انىقتالعان ماسەلەلەر بەلگىلەمە بويىنشا دەرەۋ ءبىر جاقتى ەتىلەدى.
ەكىنشى، قارۋلى ساقشى 2 - شيپاحاناسىنا قاتىستى جالعان اقپاراتتار مەن مەديتسينالىق جارنامالار تۇبەگەيلى جونگە سالىنادى، سەلبەسۋشى تاراپتىڭ قاتىستى مەديالىق سەرىكتەستىكتەرمەن جاساسقان كەلىسىم شارتى دەرەۋ اياقتالادى، جالعان اقپاراتتار، ءتۇرلى جارنامالار جانە شىندىققا سايكەسپەيتىن حابارلار بەرۋ توقتاتىلادى. بۇرىنعى ازاتتىق ارميا باس ارتقى شەپ ءبولىمى، مەملەكەتتىك ونەركاسىپ - ساۋدانى اكىمشىلىك باسقارۋ باس مەكەمەسى، بۇرىنعى دەنساۋلىق ساقتاۋ مينيسترلىگى سياقتى 5 تاراۋدىڭ «ارميا اتىنان مەديتسينالىق جارناما بەرۋگە تيىم سالۋ جونىندەگى حابارلاندىرۋىنىڭ» تالاپتارى قاتاڭ ورىندالىپ، اسكەري ءبولىمنىڭ مەديتسينالىق قۇرىلىمدارىنا قاتىستى جارناما، اقپارات، ۇگىتتەر جاپپاي، تۇبەگەيلى رەتكە سالىنادى، قاتىستى تاراۋلاردىڭ باقىلاۋ جۇرگىزۋىنە بەلسەندى تۇردە سايكەسىپ، قاتاڭ تەكسەرىپ، قاتال ءبىر جاقتى ەتىلەدى.
ءۇشىنشى، ىسكە قاتىستى مەديتسينا قىزمەتكەرلەرىنە باسقارۋشى تاراۋلار قاتىستى بەلگىلەمە بويىنشا شيپاگەرلىك كاسىپتىك كۋالىگىن جويۋ سەكىلدى اكىمشىلىك جازا مەن ءتارتىپ جازاسىن قولدانادى؛ زاڭعا قايشى قىلمىسقا ساياتىن بولسا، ءادىليا ورگاندارىنىڭ ءبىر جاقتى ەتۋىنە تاپسىرىلادى.
ءتورتىنشى، قارۋلى ساقشى 2 - شيپاحاناسىندا زاڭ بويىنشا جۇمىس جۇرگىزۋ جونىندە ۇگىت - تاربيە جۇرگىزىلىپ، ءتارتىپ شيراتىلادى، ەرەجە - بەلگىلەمەلەر كەمەلدەندىرىلەدى، كاسىبي ارەكەتتەر ارناعا سالىنىپ، ىشكى باقىلاۋ - باسقارۋ كۇشەيتىلىپ، كاسىپتىك ستيل جاقسارتىلىپ، باسقارۋداعى بىلىقپالىق ماسەلەسى تۇبەگەيلى جونگە سالىنادى. سونىمەن بىرگە، وسى وقيعا اينا ەتىلىپ، تۇتاس جۇيەنىڭ زاڭ بويىنشا جۇمىس جۇرگىزۋى جونىندەگى باسقارۋ كۇشەيتىلىپ، كاسىپتىك ستيل قۇرىلىسى جاپپاي قاتايتىلىپ، مەديتسينالىق سەلبەستىك جوبالارى جەدەل، تۇبەگەيلى تۇردە رەتكە سالىنادى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
