- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شينجياڭ ۇيعۇر اۆتونوميالى رايوندىق ءتارتىپ تەكسەرۋ كوميتەتى
ءتۇرى وزگەرگەن، كومەسكى «ءتورت ناشار ستيلگە» جاتاتىن تيپتىك 5 ماسەلە تۋرالى جالپىعا حابارلاندىرۋ شىعاردى
2016.07.15 14:31 كەلۋ قاينارى : حالىق تورابى
حالىق تورابى، 15 – شىلدە، بەيجيڭ. ءتاڭىرتاۋ تورابىنىڭ حابارلاۋىنشا، اۆتونوميالى رايوندىق ءتارتىپ تەكسەرۋ كوميتەتى جۋىردا انىقتالعان ءتۇرى وزگەرگەن، كومەسكى «ءتورت ناشار ستيلگە» جاتاتىن تيپتىك 5 ماسەلە تۋرالى جالپىعا حابارلاندىرۋ شىعاردى. بۇل تيپتىك 5 ماسەلە مىنالار:
اۆتونوميالى رايوندىق قوعام حاۋىپسىزدىگى مەڭگەرمەسى قاتىناس ساقشى باس اترەتى جوعارى دارەجەلى تاس جول بولىمشەسى كازۋان ۇلكەن اترەتىنىڭ بۇرىنعى باستىعى (تەكسەرۋشىنىڭ ورىنباسارى) فاڭ يۋاننىڭ ۇكىمەت اۆتوكولىگىن جەكەلىك ىسىنە پايدالانۋ ماسەلەسى. 2014 – جىلدان 2016 – جىلعا دەيىن، فاڭ يۋان قىزمەت قولايلىلىعىنان پايدالانىپ، باسقا كولىك ءنومىرى ىلىنگەن ۇكىمەت اۆتوكولىگىن جەكەلىك ىسىنە كوپ رەت پايدالانعان. 2016 – جىلى مامىردا قوعام حاۋىپسىزدىگى مەڭگەرمەسى پارتگرۋپپاسى فاڭ يۋانعا پارتيا ىشىندە قاتاڭ ەسكەرتۋ بەرۋ جازاسىن بەرىپ، ونى قاتىناس ساقشى باس اترەتى كازۋان ۇلكەن اترەتىنىڭ باستىعى مىندەتىنەن قالدىرىپ، قاتىستى قاراجاتتاردى قايتارۋعا بۇيىردى؛ باسقا اۆتوكولىكتىڭ ءنومىرىن پايدالانۋ سىندى زاڭعا قايشى ارەكەتىنە، جوعارى دارەجەلى تاس جول ساقشى بولىمشەسى «موتورلى كولىك جۇرگىزۋ كۋالىگىن الۋ مەن ونى پايدالانۋ تۋرالى ەرەجەگە» سايكەس، ودان 12 ءنومىر تارتىپ، 2000 يۋان اقشالاي ايىپ سالدى.
اۆتونوميالى رايوندىق قاتىناس مەڭگەرمەسى تاس جول تاسىمالىن باسقارۋ مەكەمەسى قۇمىل قالالىق لاۋيەمياۋ وتكەلى حالىقارالىق تاس جول تاسىمالىن باسقارۋ مەكەمەسى پارتگرۋپپاسى شۋجيىنىڭ ورىنباسارى، مەكەمە باستىعى وۋياڭ يەنىڭ ۇلىنىڭ تويىن وتكىزۋدە بەلگىلەمەگە قايشى كەلۋ ماسەلەسى. وۋياڭ يە 2014 – جىلى 14 – جەلتوقساندا قۇمىل ايماقتىق قوناقجايدا ۇلىنىڭ ۇيلەنۋ تويىن وتكىزگەن (توي وتكىزەر الدىندا قاتىستى ورىندارعا حابارلاعان). 3 كۇننەن كەيىن قۇمىل قالالىق چيڭيۇيران اسپۇزىلىندا قول استىنداعى 46 جۇمىسشى – قىزمەتكەر قاتارلىلارعا قوناق اسى بەرىپ، قول استىنداعى جۇمىسشى – قىزمەتكەرلەردىڭ اقشالاي تارتۋ – تارالعىسىن قابىلداعان. 2016 – جىلى ماۋسىم ايىندا قاتىناس مەڭگەرمەسى پارتگرۋپپاسى وۋياڭ يەگە پارتيا ىشىندە ەسكەرتۋ بەرۋ جازاسىن بەرىپ، ونى قول استىنداعى جۇمىسشى – قىزمەتكەرلەردەن العان تارتۋ – تارالعىسىن قايتارۋعا بۇيىردى.
شينجياڭ پەداگوگيكا ۋنيۆەرسيتەتى جۇمىسشىلار ۇيىمى ءتوراعاسىنىڭ بۇرىنعى ورىنباسارى لي شىجۇڭنىڭ ۇكىمەت قاراجاتىمەن ساياحاتتاۋ ماسەلەلەسى. 2015 – جىلى ماۋسىم ايىندا لي شىجۇڭ عىلمي زەرتتەۋ جوباسىن باسقارۋ قولايلىلىعىنان پايدالانىپ، عىلمي زەرتتەۋ جۇرگىزۋ اتىندا ىلگەرىندى – كەيىندى ەكى رەت وتباسىمەن بىرگە حاڭجوۋ، شاڭحاي قاتارلى جەرلەرگە بارىپ ساياحاتتاعان اقشاسىن قازىنا ەسەبىنەن كوتەرتكەن. شينجياڭ پەداگوگيكا ۋنيۆەرسيتەتى 2016 – جىلى ناۋرىزدا لي شىجۇڭعا پارتيا ىشىندە قاتاڭ ەسكەرتۋ بەرۋ جازاسىن بەردى ءارى ونى قىزمەتىنەن قالدىردى.
سانجى وبلىستىق ۇكىمەت پارتگرۋپپاسىنىڭ بۇرىنعى مۇشەسى، قوعام حاۋىپسىزدىگى مەكەمەسى پارتگرۋپپاسىنىڭ شۋجيى، مەكەمە باستىعى، قاداعالاۋشىسى گان شۇيجيەنىڭ بەلگىلەمەگە قايشى تۇردە ىشكى جاقتا قوناق قابىلداۋ ورنىن سالعىزىپ، ونى ساۋلەتتى اشەكەيلەتۋ ماسەلەسى. گان شۇيجيە 2013 – جىلى قاراشا ايىندا جيىن اشىپ، ساقشىلار پايدالاناتىن زاتتار مەن جابدىقتاردى قويۋ ءۇشىن جاڭادان سالىنعان قويمانىڭ ەكى اۋىز ءۇيىن ساۋلەتتى اشەكەيلەتۋدى ماقۇلداعان. 2015 – جىلى اقپاننان باستاپ، وبلىستىق قوعام حاۋىپسىزدىگى مەكەمەسى اشەكەيلەنگەن ەكى اۋىز ءۇيدى ۇكىمەت ىسىمەن كەلگەندەردى تاماقتاندىرۋ ورنى رەتىندە پايدالانعان. 2016 – جىلى ساۋىردە سانجى وبلىستىق پارتكوم گان شۇيجيەگە پارتيا ىشىندە قاتاڭ ەسكەرتۋ بەرۋ جازاسىن بەردى.
اراتۇرىك اۋداندىق اۋىل شارۋاشىلىق مەكەمەسىنىڭ مەڭگەرۋشى قىزمەتكەرى ليۋ جۇننىڭ ۇكىمەت قاراجاتىمەن ساياحاتتاۋ ماسەلەسى. 2014 – جىلى ساۋىردە، سول كەزدە اراتۇرىك اۋداندىق اۋىل شارۋاشىلىق مەكەمەسى باستىعىنىڭ ورىنباسارى بولىپ مىندەت اتقارعان ليۋ جۇن حاينان ولكەسى سانيا قالاسىنا تەكسەرىپ زەتتەۋ جۇرگىزۋگە بارعان ورايدان پايدالانىپ، ءىسساپار جولىن ءوز ەركىمەن وزگەرتىپ، الدىمەن شيامىنعا، نيڭبوعا ساياحاتتاپ، وسى بارىستاعى قاتىناس قاراجاتى، جاتىن ورىن قاراجاتى قاتارلىلاردى قازىنا ەسەبىنەن كوتەرتكەن. 2016 – جىلى ساۋىردە اراتۇرىك اۋداندىق پارتكوم ليۋ جۇنگە پارتيا ىشىندە ەسكەرتۋ بەرۋ جازاسىن بەرىپ، قاتىستى قاراجاتتاردى قايتارۋعا بۇيىردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
