ورتالىق ءتارتىپ تەكسەرۋ كوميتەتى التى تيپتىك فورماشىلدىق، تورەشىلدىك ماسەلەسىن اشكەرەلەدى
2018.11.29 16:56 كەلۋ قاينارى : حالىق تورابى
«حالىق گازەتى»، 11 – ايدىڭ 28 – كۇنى، بەيجيڭ (ءتىلشى جياڭ جيە). ورتالىقتىڭ سەگىز ءتۇرلى بەلگىلەمەسى اتقارىلعالى بەرى، پارتيا ورتالىق كوميتەتىنىڭ باتىل باسشىلىعىندا، ءار دارەجەلى ءتارتىپ تەكسەرۋ ورگاندارى باقىلاۋ، ءتارتىپتى اتقارۋ، جاۋاپكەرشىلىكتى قۋزاستىرۋدى كۇشەيتىپ، «ءتورت ستيل» ماسەلەسىنىڭ تارالۋىن ءونىمدى تىزگىندەپ، پارتيا ستيلىن، ۇكىمەت ستيلىن شىت جاڭا بەينەگە ەنگىزىپ، ستيل قۇرىلىسىن پارتيا قۇرىلىسىنىڭ بەلگىسىنە اينالدىردى. الايدا ءبىز مىنانى ايقىن كورىپ جەتتىك: «ءتورت ستيل» ماسەلەسى تۇراقتىلىققا، كۇردەلىلىككە يە، اسىرەسە، فورماشىلدىق، تورەشىلدىك ماسەلەسى ءالى دە كەيبىر ءوڭىر مەن ءىشىنارا سالادا كورنەكتىلەنىپ، «ءتورت ستيل» ماسەلەسىن شەشىم ەتۋدەگى «قۋ تومارعا»، «كولدەنەڭ كوك اتتىعا» اينالىپ، كادرلار جۇرتشىلىعىنىڭ اڭىسى كۇشتى بولۋدا، سول ءۇشىن، ءسوزسىز، زور كۇش شىعارىپ ءتۇيىندى الاستاۋعا جانە شەشىم ەتۋگە تۋرا كەلەدى. ورتالىقتىڭ سەگىز ءتۇرلى بەلگىلەمەسى رۋحىنىڭ جەتىستىكتەرىن تياناقتاندىرۋدى كەڭەيتىپ، ستيل قۇرىلىسىن تەرەڭدەي ىلگەرىلەتۋ ءۇشىن، ورتالىق ءتارتىپ تەكسەرۋ كوميتەتى تاياۋدا 6 فورماشىلدىق، تورەشىلدىك ماسەلەسىن اشكەرە جاريالادى.
ىشكى موڭعۇل اۆتونوميالى رايوندىق كەدەيلەردى سۇيەمەلدەۋ كەڭسەسىنىڭ بۇرىنعى پارتگرۋپپا شۋجيى، مەڭگەرۋشىسى ليۋ جۇڭ قاتارلىلاردىڭ پارتيا ورتالىق كوميتەتىنىڭ كەدەيلەردى سۇيەمەلدەۋدەن قامال الۋ شەشىمىن دايەكتى تياناقتاندىرىپ ورنالاستىرۋ جاساۋدا السىزدىك تانىتۋ، ستيلدە تۇرلاۋسىز بولۋ سىندى ماسەلەسى.
فۋجيان ولكەسى پۋتيان قالالىق تەڭىز – مۇحيت جانە بالىقشىلىق مەكەمەسىنىڭ باستىعى چىن گوحۋانىڭ ەكولوگيالىق ورتانى قورعاۋ قىزمەتىندە ارەكەت از، تياناقتاندىرۋى كەمشىل بولۋ، قۇجاتپەن قۇجاتتى دايەكتىلەندىرۋ ماسەلەسى.
جياڭشي ولكەسى فۋجوۋ قالالىق ەڭبەككۇش بايلىعى جانە قوعامدىق قامتاماسىزداندىرۋ مەكەمەسىنىڭ پارتگرۋپپا مۇشەسى، ورىنباسار مەكەمە باستىعى شۇي نىڭحۋا، قالالىق ەڭبەككۇش بايلىعى جانە قوعامدىق قامتاماسىزداندىرۋ مەكەمەسىنىڭ بۇرىنعى پارتگرۋپپا مۇشەسى، ەمدەۋ قامسىزداندىرۋ مەكەمەسىنىڭ باستىعى كۇڭ يۇڭچۇن قاتارلىلاردىڭ ورتالىقتىڭ رۋحى مەن جوعارى دارەجەلى ورىنداردىڭ تالاپتارىن دايەكتىلەندىرۋى ويداعىداي بولماۋ، تاڭداپ – تالعاۋ، وزگەرتۋ سىندى ماسەلەسى.
حۋبەي ولكەسى حۋاڭشى قالالىق جىلجىمايتىن مۇلىكتى تىزىمدەۋ ورتالىعىنىڭ بۇرىنعى جاۋاپتىسى چىن حۇڭ قاتارلىلاردىڭ بۇقارانىڭ مۇددەسىنە ءسال قاراۋ جانە مۇڭ – مۇقتاجىمەن ەسەپتەسپەۋ سىندى ماسەلەسى.
لياۋنيڭ ولكەسى داليان قالالىق دامۋ جانە رەفورمالاۋ كوميتەتىنىڭ بۇرىنعى پارتگرۋپپا شۋجيى، مەڭگەرۋشىسى گۋ چياڭ قاتارلىلاردىڭ بۇقارا اڭىسى كۇشتى بولعان ماسەلەنى شەشىم ەتپەۋ، كەرەناۋلىقپەن ەپتەپ – سەپتەۋ ماسەلەسى.
گانسۋ ولكەلىك قازىنا مەڭگەرمەسى اۋىل شارۋاشىلىعى 2 – باسقارماسىنىڭ بۇرىنعى باستىعى جين جۇڭ قاتارلىلاردىڭ ستيلدە سالعىرتتىققا سالىنۋ، قىزمەتكە نەمقۇرايدى قاراۋ ماسەلەسى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
