جاسى ۇلعايعان ادامدار جۇزىكتى كوپ تاقپاعانى ءجون
گاۋ جيايۋە
2018.11.28 11:21 كەلۋ قاينارى : حالىق تورابى
سۇحبات بەرگەن مامان: جۇڭگو – جاپونيا دوستىق شيپاحاناسى قارتتار اۋرۋىن ەمدەۋ ءبولىمى مەڭگەرۋشىسىنىڭ ورىنباسارى لي حايسۇڭ
جۇزىكتىڭ اسەمدىك رولى بولۋدان سىرت، ادامدار ونى ەستەلىك رەتىندە ساقتايدى. وسى سەبەپتەن كوپتەگەن ادامدار نەشە جىل بويى، اۋەلى ونداعان جىلدار بويى جۇزىكتى قولىنان تاستامايدى. جۇڭگو – جاپونيا دوستىق شيپاحاناسى قارتتار اۋرۋىن ەمدەۋ ءبولىمى مەڭگەرۋشىسىنىڭ ورىنباسارى لي حايسۇڭ جاسى ۇلعايعان ادامدارعا ساۋساقتىڭ اقاۋسىزدىعى ءۇشىن جۇزىكتى ۇزاق ۋاقىت تاقپاۋدى ەسكەرتەدى.
ۇيىقتاعان كەزدە جۇزىك تاقپاۋ كەرەك. ادەتتە ادام تاڭەرتەڭ ويعانعان كەزدە ازداپ ءىسىنۋ جاعدايى بايقالۋى مۇمكىن، ەگەر جۇزىك تاعىپ ۇيىقتاعان بولساڭىز، ويانعان كەزدە ساۋساقتىڭ ءىسىنۋى سەبەبىنەن جۇزىك ساۋساقتان الىنباي قويۋى مۇمكىن، بۇل قان اينالىسىنىڭ ىركىلىسسىزدىگىنە ىقپال ەتىپ، ونان ارى ىسىنۋگە اپارىپ سوعادى، وسىنىڭ سەبەبىنەن ساۋساق ءبولىمى اۋرۋى مۇمكىن. بۇيرەك، باۋىر، جۇرەك اۋرۋى بار قارتتاردا ادەتتە ءىسىنۋ جاعدايى وڭاي تۋىلاتىندىقتان، جۇزىك ساۋساقتى بۋناپ قالۋى مۇمكىن. سوندىقتان، ۇيقتار الدىندا ەڭ جاقسىسى جۇزىكتى الىپ تاستاۋ ارقىلى قاتەردەن ساقتانۋ كەرەك.
جۇزىكتى ەڭ جاقسىسى ۇدايى تاعىپ جۇرمەۋ كەرەك. سەمىرۋدەن سىرت، جاستىڭ ۇلعايۋىنا بايلانىستى ساۋساقتىڭ بۋىندارى دا قالىڭداۋى، ءپىشىنىن وزگەرتۋى جانە جۋانداۋى مۇمكىن. ساۋساقتىڭ سۇيەكتەرى جۋانداعان كەزدە بۇرىن ءدال كەلىپ جۇرگەن جۇزىك بارعان سايىن كىشى كەلىپ، جۇزىكتى الۋعا بولماي قالادى، ۋاقىت ۇزارعان سايىن قان اينالىسى ىركىلىسكە ۇشىرايتىندىقتان، ساۋساق ونان ارى ىسىنەدى. ءىشىنار قارتتار جۇزىك ۇلكەن كەلىپ قالعاندىقتان، جۇزىكتىڭ سىرعىپ ءتۇسىپ قالماۋى ءۇشىن جۇزىككە ءجىپ وراپ، تۇسپەيتىندەي ەتىپ مىقتاپ قويادى، مۇنداي امالدى ىستەتۋگە بولمايدى. ۇيتكەنى، ادامنىڭ بۋىندارى قارتايعان كەزدە سۇيەك قابىعى قالىڭداپ، شەمىرشەك وسەدى، ساۋساقتىڭ ءبىر ءتۇننىڭ ىشىندە – اق كەنەتتەن ءىسىنىپ كەتۋى سىندى جاعداي كوپ كەزدەسەدى. ەگەر ءىسىنۋ بايقالسا، جۇزىكتىڭ سەبەبىنەن ساۋساق زاقىمدالادى. سوندىقتان، جۇزىكتى بىردە تاعىپ، بىردە الىپ قويۋ كەرەك، ەگەر جۇزىكتى تاعۋ قيىنداسقانى بايقالسا، وندا ول جۇزىكتى تاقپاۋ كەرەك.
لي حايسۇڭ مىنانى ەسكەرتتى: قارتتار ءبىر جاققا باراتىن كەزدە جۇزىك تاعىپ شىعىپ، ۇيگە قايتىپ كەلگەندە نەمەسە دەمالعان كەزدە جۇزىكتى الىپ قويىپ، ساۋساقتارىن دەمالتىپ وتىرسا بولادى، بۇل قان اينالىسىنا پايدالى. جۇزىك تاققاندا ساۋساققا وتە تار كەلمەۋى كەرەك، ويتپەگەندە دەنساۋلىققا ىقپال ەتەدى، ونىڭ ۇستىنە، ادامدى جايسىزداندىرادى، كۇندەلىكتى تۇرمىسقا دا ىقپال ەتەدى. مۇنان سىرت، ۇزاق ۋاقىت جۇزىك تاققان ساۋساقتىڭ تەرلەۋى سەبەبىنەن باكتەريالار ءوربىپ، جۇقپالى اۋرۋلارعا شالدىقتىرۋى مۇمكىن، قارتتار ساۋساعى مەن جۇزىكتىڭ تازالىعىنا ءمان بەرۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
